វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8848 នាក់
ម្សិលមិញ 8227 នាក់
សរុប 14135729 នាក់
បង់ក្លាដេស៖ អ្នកយកព័ត៌មានជាន់ខ្ពស់ម្នាក់នៅប្រទេសបង់ក្លាដែស ដោយសារតែសរសេរអត្ថបទស្តីពីចម្លើយតបរបស់រដ្ឋាភិបាលចំពោះការផ្ទុះជំងឺកូវីដ១៩ត្រូវបានសមត្តកិច្ចចាប់ខ្លួន បានបង្កឲ្យមានការតវ៉ាប្រឆាំងពីសំណាក់អ្នកយកព័ត៌មានរាប់រយនាក់កាលពីថ្ងៃអង្គារ៍។
នាងរ៉ូហ្ស៊ីណា អ៊ីស្លាម អ្នកសរសេរអត្ថបទស៊ើបអង្កេតម្នាក់នៅកាសែតProthom Aloត្រូវបានចាប់ខ្លួនកាលពីយប់ថ្ងៃចន្ទទី១៨ឧសភា ក្រោមច្បាប់ការសម្ងាត់រដ្ឋ។នាងត្រូវបាននាំឡើងតុលាការកាលពីថ្ងៃអង្គារ ពីបទចោទលួចឯកសាររបស់ក្រសួងសុខាភិបាលនៅក្រោមច្បាប់ដដែល។ក្រុមសិទ្ធិមនុស្សនិយាយថា ការបង្ក្រាបលើសារព័ត៌មានហាក់កើនឡើងក្នុងអំឡុងពេលប្រទេសជួបវិបត្តិកូវីដ១៩ ។ករណីយ៍នេះមានអ្នកកាសែតរាប់រយនាក់បាននាំគ្នាទៅកាន់ប៉ុស្តិ៍ប៉ូលិសនៅក្រុងដាកាកន្លែងដែលអ្នកកាសែតស្ត្រីអាយុ៤២ឆ្នាំរូបនេះនេះត្រូវបានចាប់ឃុំខ្លួន ។ពួកគេទាមទារអោយដោះលែងនាងជាបន្ទាន់។
បណ្តាសហជីពកាសែតនិងក្រុមគាំទ្រ និយាយថានាងអ៊ីស្លាមត្រូវបានចាប់ខ្លួនដោយសារតែសេចក្តីរាយការណ៍របស់នាងអំពីចម្លើយតបរបស់រដ្ឋាភិបាលចំពោះជំងឺកូវីដ១៩។អត្ថបទរបស់នាងរួមមាន ចោទប្រកាន់ថារដ្ឋាភិបាលបានទុកចោលគ្រឿងបរិក្ខាពេទ្យដែលត្រូវបានបន្ទាន់នៅអាកាសយានដ្ឋានអស់ពេលរាប់ខែ ការផ្តល់សំណូកសំរាប់បណ្តុះបណ្តាលគ្រូពេទ្យ និងអំពើពុករលួយនៅក្នុងការទិញគ្រឿងបរិក្ខាវេជ្ជសាស្ត្រនិងថ្នាំពេទ្យនៅក្រសួងសុខាភិបាល។
សូមបញ្ជាក់ថា ប្រទេសបង់ក្លាដែសមានអ្នកស្លាប់ដោយកូវីដ១៩ជាង១២.០០០នាក់ និងឆ្លងជិត៨០០.០០០នាក់ តែអ្នកជំនាញការនិយាយថាចំនួនស្លាប់និងឆ្លងពិតប្រាកដក្នុង្រទេសខ្ពស់ជាងនេះ៕