វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5022 នាក់
ម្សិលមិញ 5304 នាក់
សរុប 14144548 នាក់
ថៃ៖ លោកប្រាយុទ្ធ ចាន់អ៊ូចា នាយករដ្ឋមន្ត្រីថៃបានរួចផុតពីការប្តឹងចោទពីគណបក្សប្រឆាំងរឿង ទំនាស់ផលប្រយោជន៍ ពាក់ព័ន្ធនឹងការបន្តស្នាក់នៅក្នុងផ្ទះបន្ទាយទាហានដែលជាកម្មសិទ្ធរបស់រាជរដ្ឋាភិបាលថៃ តាំងពីរូបលោកប្រកាសចូលនិវត្តន៍។
ការចោទប្រកាន់ប្រឆាំងលោកប្រាយុទ្ធ ត្រូវបានប្តឹងដោយ លោកសំពុងអាម៉នវីវ៉ាត( Sompong Amornwiwat )មេដឹកនាំគណបក្សភឿថៃ តាមរយៈលោក ឈួន លីផៃ ប្រធានរដ្ឋសភាថៃ បញ្ជូនពាក្យបណ្តឹងទៅកាន់តុលាការធម្មនុញ្ញក្នុងការសម្រេចក្តី។តុលាការធម្មនុញ្ញថៃ បានទម្លាក់ចោល ការចោទប្រកាន់ដោយសម្រេចថា លោក ប្រាយុទ្ធ មានសិទ្ធស្នាក់នៅក្នុងផ្ទះបន្ទាយទាហាននោះ នៅក្នុងឋានៈដែលលោកជាអតីតមេបញ្ជាការកងទ័ព មិនមែនក្នុងឋានៈជានាយករដ្ឋមន្ត្រី ដូចដែលគេបានដឹងស្រាប់ហើយតាមលក្ខណ្ឌផ្ទៃក្នុង របស់កងទ័ពដែលបានអនុញ្ញាតឱ្យលោកមានសិទ្ធិរស់នៅក្នុងផ្ទះនោះ។
តុលាការធម្មនុញ្ញថៃ បញ្ជាក់ថា ក្រៅពីកងទ័ព ការអនុញ្ញាតតាមច្បាប់ គឺផ្តល់សិទ្ធឱ្យលោក អាចប្រើប្រាស់ទ្រព្យសម្បត្តិសំខាន់ៗជាច្រើនទៀត។តុលាការធម្មនុញ្ញថៃ ក៏យល់ស្របទៀតថា លោកប្រាយុទ្ធ ត្រូវតែស្នាក់នៅក្នុងផ្ទះនោះ ដោយសារតែផ្ទះសម្រាប់នាយករដ្ឋមន្ត្រី កំពុងស្ថិតក្រោមការកែកុន ហើយការរស់នៅក្នុងផ្ទះកងទ័ព កាន់តែមានសារសំខាន់ក្នុងហេតុផលសន្តិសុខ។
លោក Sompong មេដឹកនាំគណបក្សភឿថៃ បានលើកឡើងតាមមាត្រា ១៦០ នៃរដ្ឋធម្មនុញ្ញ ដែលនិយាយថា អ្នកកាន់តំណែងនាយករដ្ឋមន្ត្រី គឺមិនអនុញ្ញាតឱ្យប្រព្រឹត្តរំលោភបំពានលើស្តង់ដាជាតិសាសន៍ ហើយថា លោកប្រាយុទ្ធក៏បានរំលោភបំពាន នឹងច្បាប់ប្រឆាំងអំពើពុករលួយដែលហាមឃាត់មន្ត្រីរដ្ឋពីការទទួលយកផលប្រយោជន៍ ដែលមិនសមទំនង។សូមរំលឹកថា លោកប្រាយុទ្ធ បានចូលនិវត្តន៍ពីមេបញ្ជាការកងទ័ពនៅឆ្នាំ ២០១៤ ប៉ុន្តែរូបលោកបន្តរស់នៅក្នុងផ្ទះទាហានរបស់លោក ដោយមិនបានជួលថ្លៃ ខណៈដែលលោកកំពុងកាន់កាប់នៅទីនោះ៕