វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1489 នាក់
ម្សិលមិញ 3717 នាក់
សរុប 14149822 នាក់
អូស្ត្រាលី៖នៅថ្ងៃសុក្រ ទី២៧ វិច្ឆិកា ប្រទេសចិនដែលរងការកៀបសង្កត់ពីអាមេរិកបានបង្កើនគំនាបដាក់ប្រទេសអូស្រា្តលីដែលជាសម្ពន្ធ័មិត្តអាមេរិកវិញដោយប្រកាសពីការដំឡើងពន្ធចាស់ដៃលើស្រាអូស្រា្តលីនាំចូលចិន។ រដ្ឋមន្ត្រីក្រសួងពាណិជ្ជកម្មអូស្រា្តលីបានឆ្លើយបកវិញភ្លាមៗដោយចាត់ទុកវិធានការរបស់ចិនថា មិនយុត្តិធម៌ គ្មានសមហេតុផល និងគ្មានមូលដ្ឋានត្រឹមត្រូវ។
ចាប់ពីថ្ងៃសៅរ៍ ទី២៨ វិច្ឆិកាទៅ ពន្ធលើការនាំស្រាអូស្រា្តលីចូលចិននឹងត្រូវដំឡើងក្នុងចន្លោះ ១០៧,១% និង ២១២,១% សម្រាប់ដបដែលមានចំណុះ ២លីត្រ នេះបើផ្អែកតាមសេចក្តីប្រកាសព័ត៌មានរបស់ក្រសួងពាណិជ្ជកម្មចិន។ សេចក្តីប្រកាសព័ត៌មានដដែលបានបញ្ជាក់ថា ការសម្រេចដំឡើងពន្ធលើការនាំចូលស្រាអូស្រា្តលីក៏ដោយសារលទ្ធផលអង្កេតបឋមមួយបានបញ្ជាក់ថា ឧស្សាហកម្មស្រាចិនបានរងគ្រោះខ្លាំងដោយការនាំចូលស្រាអូស្ត្រាលី។ ការដំឡើងពន្ធលើការនាំចូលស្រាអូស្រា្តលីបានធ្វើឲ្យអូស្រា្តលីឈឺចុកចាប់ខ្លាំងណាស់។
ព្រោះស្រាជាផលិតផលដែលអូស្រា្តលីបាននាំចេញទៅចិនយ៉ាងច្រើនសម្បើម។ គិតត្រឹមឆមាសទី១ ឆ្នាំ ២០២០ អូស្ត្រាលីជាប្រទេសទី១ នាំស្រាចេញក្នុងបរិមាណច្រើនទៅកាន់ប្រទេសចិន ។ ក្នុងឆ្នាំ ២០១៩ កន្លងទៅ ទឹកលុយបានពីការនាំស្រាអូស្ត្រាលីទៅចិនមានដល់ទៅ ៧៦០លានអឺរ៉ូ នេះបើតាមតួលេខផ្តល់ដោយអូស្រា្តលី។
រដ្ឋមន្ត្រីកសិកម្មអូស្រា្តលីបានធានាថា អូស្រា្តលីនឹងការពារឧស្សាហកម្មស្រារបស់ខ្លួនប្រឈមនឹងការដំឡើងពន្ធរបស់ចិន និងថា អូស្រា្តលីចង់លើកយករឿងនេះទៅប្តឹងអង្គការពាណិជ្ជកម្មពិភពលោក។ ក្រៅពីរឿងពន្ធស្រានាវាដឹកធ្យូងថ្មដល់ទៅ៦០គ្រឿង មានតម្លៃជាង៥០០លានដុល្លារអូស្ត្រាលី ជាប់គាំងនៅកំពង់ផែប្រទេសចិន។ការប្រឈមមុខតានតឹងកាន់តែខ្លាំងឡើងរវាងប្រទេសទាំងពីរ ក្រោយពេលដែលចិនអនុម័តដំឡើងពន្ធនាំចូលស្រូវសាឡី និងផ្អាកនាំចូលសាច់គោពីអូស្ត្រាលី។
ឮនាយករដ្ឋមន្ត្រីអូស្ត្រាលី លោក Scott Morrison ពេលថ្មីៗនេះបានឲ្យដឹងថា «នឹងតែងតាំងបុគ្គលល្អបំផុតដើម្បីបំបែកភាពជាប់គាំង ជាមួយចិន
ទំនាក់ទំនងអូស្ត្រាលីនឹងចិនកាន់តែតានតឹងចាប់តាំងពីខែមេសាកន្លងមក ដែលអូស្ត្រាលីបានគាំទ្រដល់ការស្រាវជ្រាវពីប្រភពកូវីដ-១៩ រនិងការដែលអូស្ត្រាលីបានសម្រេចមិនយកក្រុមហ៊ុនចិន Huawei ដើម្បីបំពាក់បណ្តាញទូរស័ព្ទ ៥G ។
ក្រៅពីនេះប្រទេសអូស្ត្រាលីក៏បានចូលរួមក្នុងសម្ពន្ធភាពឥណ្ឌូប៉ាស៊ីហហ្វិកដែលមានអាមេរិកឥណ្ឌាជប៉ុនដើម្បីប្រឆាំងចិនផងដែរ។ចិនជាដៃគូពាណិជ្ជកម្មធំបំផុតរបស់អូស្ត្រាលី ហើយចិនក៏បានតបតភ្លាមៗ តាមរយៈការដំឡើងពន្ធ និងផ្អាកទិញទំនិញពីអូស្ត្រាលី។ មិនតែប៉ុណ្ណោះចិនក៏បានព្រមានពលរដ្ឋត្រូវប្រុងប្រយ័ត្នពេលទៅកម្សាន្តក្នុងប្រទេសអូស្ត្រាលីនិងបានណែនាំនិស្សិតចិនកុំឲ្យទៅសិក្សា រៀនសូត្រនៅអូស្ត្រាលី៕