វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4715 នាក់
ម្សិលមិញ 5378 នាក់
សរុប 14084008 នាក់
ភ្នំពេញ៖ជនរងគ្រោះមានឈ្មោះ ផាត សានីន អាយុ ២៩ ឆ្នាំ ដែលមាន Account Facebook កញ្ញា ថ្ពាល់ផ្អែម ។ប្តីឈ្មោះ មុត វង្សមុន្នីរិទ្ធ អាយុ៣០ឆ្នាំ ។ Facebook ឈ្មោះ (ចំរើន ច័ន្ទលីដា) បានសសេរថា៖ គួរអោយសង្វែកណាស់ គាត់ទើបសំរាលកូនដោយការវះកាត់បាន១១ថ្ងៃ ពេលនេះគាត់លាចាកលោកហើយ ដោយមិនទាន់បានបីថ្នាក់ថ្នមកូនទេ ហើយកូនតូចក៏កំពុងតែព្យាបាលនៅក្នុងមន្ទីរពេទ្យកុមារជាតិនៅឡើយ…។
សូមអ្នកម្តាយដែលកំពុងពពោះកូន សូមមានការប្រុងប្រយ័ត្ន តាមដានសុខភាពអោយបានទៀងទាត់ ជាពិសេសត្រូវធ្វើតេស្តឈាមមុនធ្វើការវះកាត់ ដើម្បីដឹងច្បាស់ពីកត្តាសុខភាពបង្ការការគ្រោះថ្នាក់ដល់ជីវិត. ។គាត់ក្តៅខ្លួនក្នុងថ្ងៃសំរាល ក្រោយវះកាត់បាន២ថ្ងៃក៏ចាប់ក្តៅម្តងទៀត ហើយពេទ្យពិនិត្យឃើញថាគាត់មានឈាមកកនៅមុខរបួស ហើយក៏សំរេចបញ្ជូនគាត់ទៅវះម្តងទៀតនៅពេទ្យជប៉ុន ក្រោយការវះកាត់លើកទី២មិនបានធ្វើអោយគាត់ធូរស្រាលទេ គឺឈាមហូរមករហូត (ឈាមរាវ) និងពិនិត្យឈាមរកឃើញថាមានជំងឺគ្រុណឈាម ដោយស្ថានភាពកាន់តែធ្ងន់ធ្ងរក៏បញ្ជូនមកវះកាត់លើកទី៣នៅមន្ទីរពេទ្យកាល់ម៉ែត្រ (ត្រឹមតែរយៈពេល៤ថ្ងៃគាត់វះរហូត៣លើក).។
ក្រោយការវះកាត់៣លើក ស្ថានភាពគាត់កាន់តែអាក្រក់រហូតគាត់តស៊ូលែងបានក៏ផុតនៅព្រឹកថ្ងៃទី២២ (១សប្តាហ៍ក្រោយវះចុងក្រោយ). ខ្ញុំចង់បានការបកស្រាយពីពេទ្យជំនាញ តើការស្លាប់របស់គាត់បណ្តាលពីការធ្វែសប្រហែសរបស់សម្ភព រឺជាកត្តាផ្ទាល់ខ្លួនគាត់? ។ ក្រុមគ្រួសារអ្នករងគ្រោះបានឲ្យដឹងថាគឺការវះកាត់ដំបូងនៅមន្ទីសម្ភព ណូប៊ែល និងបានពិនិត្យសុខភាពនៅទីនោះកន្លងមក។ ហើយពេលនេះសពកំពុងតែធ្វើបុណ្យនៅវត្តទឹកថ្លា។ ករណីនេះអង្គភាពសារព័ត៌មានយើង មិនទាន់សុំការឆ្លើយតបពីមន្ទីពេទ្យជំនាញ ឬ ក្រុមគ្រូពេទ្យដែលព្យាបាលផ្ទាល់នោះបានទេ។