វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9178 នាក់
ម្សិលមិញ 8227 នាក់
សរុប 14136059 នាក់
ខេត្តក្រចេះ ប្រជាពល រដ្ឋរស់នៅ ខេត្តក្រចេះ បានរាយការណ៍អោយ ដឹងថា: សព្វថ្ងៃនេះក្រុមឈ្មួញ រកស៊ី កាប់បំផ្លាញ និងដឹកជញ្ជូន ព្រៃឈើជ្រកក្រោមយីហោក្រុមហ៊ុនស៊ីងបាយអូថេក បាននឹង កំពុង បន្តធ្វើសកម្មភាពបំផ្លាញព្រៃឈើ យ៉ាងអនាធិបតេយ្យក្នុងតំបន់ឡង់ក្នុងស្រុកសំបូរខេត្ត ក្រចេះ ។
នៅព្រឹកថ្ងៃទី ១៩ ខែមករា ឆ្នាំ២០២២មន្ត្រីអង្គការក្រៅរដ្ឋាភិ បាលដែលឃ្លាំមើលបទ ល្មើសព្រៃឈើ ក្នុងខេត្ត ក្រចេះ បានប្រាប់ តាមទូរស័ព្ទមកការិយាល័យ គេហទំព័រ មាតុភូមិ អោយដឹងថា ពូកឈ្មួញ បានជួលកម្មករ អោយធ្វើសកម្មភាពកាប់ឈើ និងដឹកជញ្ជូនឈើចេញ ពីព្រៃយ៉ាងគគ្រឹក គគ្រេង ដូចស្រមោច ជញ្ជូនស្បៀងខែប្រាំង ។ ប្រភពបានបញ្ជាក់ថា ក្រុមអ្នកកាប់ឈើបានដឹកជញ្ជូនឈើចេញពីព្រៃ ចូលក្នុងទីតាំងក្រុម ហ៊ុន ស៊ីងបាយអូថេក ហើយលក់ឲ្យឈ្មួញ ក្នុងឈើឈ្លីក១ម៉ែត្រគូបតម្លៃ៤០ម៉ឺនរៀល ហើយឈ្មួញលើកដាក់រថយន្តដឹកជញ្ជូនចេញទៅលក់នៅស្រុកយួនតាមច្រក ព្រំដែន ។
មន្ត្រីអង្គការឃ្លាំមើលបទល្មើសព្រៃ ឈើ បានបន្តអោយដឹងថា សកម្មភាពអ្នកកាប់ឈើដឹកជញ្ជូនឈើតាមគោយន្តចេញពីព្រៃ យកមកលក់ឲ្យឈ្មួញ ក្នុងទីតាំងក្រុមហ៊ុន ស៊ីងបាយអូថេក កំពុងកើតឡើងយ៉ាងគំហុក បែបនេះបាន គឺដោយ សារមានការបើកដៃអោយពីសំណាក់អាជ្ញាធរ និងសមត្ថកិច្ចពាក់ព័ន្ធ ពិសេសគឺលោក ឆាយ ឌួងសាវុធ ប្រធានមន្ទីរបរិស្ថានខេត្ត ក្រចេះតែម្តង ។ ដោយ ឡែកលោក វ៉ា ថន គណៈបញ្ជាការឯកភាពខេត្តក្រចេះ បានសម្ងំស្ងាត់ឈឹង មិនឃើញមានចាត់វិធានការអ្វីទាំងអស់ទៅលើក្រុមឈ្មួញប្រព្រឹត្តបទល្មើសព្រៃឈើ ។
តាមប្រភព ព័ត៌មានពីប្រជាពលរដ្ឋនៅក្នុងឃុំកំពង់ចាម ស្រុកសំបូរ ខេត្តក្រចេះ បានឲ្យដឹងថា រយៈពេលប្រមាណជិតមួយខែចុង ក្រោយនេះ សកម្មភាពកាប់ឈើ និងដឹកជញ្ជូនឈើ ចេញពីព្រៃឡង់ កើតឡើងយ៉ាងគំហុក ពិសេស នៅចំណុចអូរកំបោរ ចំណុចអូរគ្រួត ចំណុចអូរចារ ចំណុចចែម៉ែ ចំណុចច្របស្វាយ ក្នុងឃុំកំពង់ចាម ស្រុកសំបូរ ខេត្តក្រចះ ពុំដែលឃើញសមត្ថកិច្ចពាក់ ព័ន្ធ និង អាជ្ញាធរដែនដី ថ្នាក់ណាចេញមុខបង្ក្រាបសោះឡើយ ។
ហេតុនេះហើយ ទើបប្រជាពលរដ្ឋសំណូមពរតាមរយ:អ្នកកាសែតអោយជួយផ្សព្វផ្សាយព័ត៌មាននេះ ឲ្យដឹងដល់លោក សាយ សំអាល់ រដ្ឋមន្ត្រីក្រសួងបរិស្ថាន ដើម្បីលោកមានវិធាន ការទប់ស្កាត់ជាបន្ទាន់ ព្រោះលោក ឆាយ ឌួងសាវុធ ប្រធានមន្ទីរបរិ ស្ថានខេត្តក្រចេះ សម្ងំស្ងៀម ធ្វើមិនដឹង មិន ឃើញ មិនយកចិត្តទុកដាក់ ក្នុងតួនាទី និងភារកិច្ច ជាមន្ត្រីបរិស្ថានប្រចាំតំបន់ព្រៃឡង់ ឃុំកំពង់ចាម ស្រុកសំបូរ ខេត្តក្រចេះ នេះសោះ ឡើយ ចង់ឈ្មួញរកស៊ី ដឹកជញ្ជូនឈើបរកាត់ ទីស្នាក់ការក៏ មិនរវល់ រំខានដែរ ? ។
ចំណែកឯថ្នាក់ដឹកនាំ គណៈកម្ម ការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ក៏ហាក់ដូចជាស្ងៀមស្ងាត់ដែរមួយរយ:ពេលចុង ក្រោយនេះ ពុំដែលចាត់វិធានការបង្ក្រាបបទល្មើសព្រៃឈើក្នុងតំបន់ព្រៃឡង់ទេ។ បើតាមប្រភពខ្លះ បានឲ្យ ដឹងថា លោក ឆាយ ឌួងសាវុធ ប្រធានមន្ទីរបរិស្ថានខេត្តក្រចេះ ជាមេខ្លោងធំនៅពីក្រោយបទល្មើសបំផ្លាញព្រៃឡង់ ក្នុងឃុំកំពង់ចាម ស្រុកសំបូរ ខេត្តក្រចេះ ក្នុងខណៈដែលលោក សាយ សំអាល់ រដ្ឋមន្ត្រីក្រសួងបរិស្ថាន រក្សាភាពស្ងៀមស្ងាត់ ។
ប្រការនេះហើយទើបក្រុមឈ្មួញជ្រកក្រោមយីហោក្រុមហ៊ុនស៊ីងបាយអូថេក បន្តធ្វើ សកម្មភាពកាប់បំផ្លាញព្រៃឡង់ក្នុងស្រុកសំបូរ ខេត្តក្រចេះ យ៉ាងគំហុកព្រោះមន្ត្រីបរិស្ថាន និងសមត្ថកិច្ចពាក់ព័ន្ធ គិត តែពីប្រមូលលាភសក្ការ: ចែកគ្នាចាយ ។ ជុំវិញ សេចក្តីរាយការណ៍ខាង លើនេះ ការិយាល័យ និពន្ធ គេហទំព័រ មាតុភូមិ ពុំអាចស្វែងរក ការបំភ្លេចពីលោក ឆាយ ឌួង សាវុធ ប្រធានមន្ទីរ បរិស្ថានខេត្តក្រចេះ និង ពីអ្នកនាំពាក្យក្រសួងបរិស្ថានបានទេនៅព្រឹកថ្ងៃទី២០មករា ២០២២នេះ ព្រោះពុំមានលេខទូរស័ព្ទទាក់ ទង ៕ ដោយ: សុផលTel : 086 911 920