បន្ទាប់ពីសភាមិនអើពើក្រុមបាតុករថៃ ប្រកាសលែងទុកពេលសម្របសម្រួលប្រាយុទ្ធថាបង្ក្រាប!?
27-March-2024 / ព័ត៌មានអន្តរជាតិ
ថៃ៖ ក្រុមបាតុករថៃ បានប្រកាសបញ្ចប់ថ្ងៃសម្របសម្រួលជាមួយរដ្ឋាភិបាល បន្ទាប់ពីរដ្ឋាភិបាលនិងរដ្ឋសភា មិនបានធ្វើតាមការសំណូមពររបស់ពួកគេ។តែប្រាយុទ្ធថានឹងបង្ក្រាប!?។ព្រោះក្នុងចំណោម៣ ចំណុចធំៗ ដែលពួកគេចង់បាន គឺទាមទារឱ្យលោក ប្រាយុទ្ធចុះចេញពីតំណែង ធ្វើកំណែទម្រង់រដ្ឋធម្មនុញ្ញ និងកំណែទម្រង់ ស្ថាប័នព្រះមហាក្សត្រមិនត្រូវបានសភារបស់លោកប្រាយុទ្ធទទួឡយក។
ជំហានដំបូង នៃការសម្របសម្រួលជាមួយក្រុមបាតុករ សភាថៃបានយល់ព្រម ទទួលយកសេចក្តីព្រៀងចំនួន ៧ ដែលស្នើដោយគណបក្សប្រឆាំង និងក្រុមពាក់ព័ន្ធ ក្នុងការបោះឆ្នោតកែប្រែរដ្ឋធម្មនុញ្ញតែក្នុងកិច្ចប្រជុំ បែរជាសភាមិនបានបោះឆ្នោតអនុម័ត្តសេចក្តីព្រៀងទាំង៧ ចំណុចនោះឡើយ។កាលពីថ្ងៃទី១៨ វិច្ឆិកា ឆ្នាំ២០២០ សភាថៃ បានបោះឆ្នោតបដិសេធសេចក្តីព្រាងច្បាប់វិសោធនកម្មរដ្ឋធម្មនុញ្ញាដែលស្នើដោយសង្គមស៊ីវិល ព្រោះមានតែសេចក្តីព្រាងច្បាប់២ប៉ុណ្ណោះដែលនឹងត្រូវពិភាក្សបន្តគឺសេចក្តីព្រាងរបស់រដ្ឋាភិបាល និងបក្សប្រឆាំងដែលមិនមានចែងពីការកែទម្រង់ស្ថាប័នមហាក្សត្រ។ ខណៈដែលក្រុមបាតុករ ការបដិសេធសេចក្តីព្រាងច្បាប់នេះ គឺនាំឲ្យពួកគេគ្មានជម្រើសផ្សេងក្រៅពីត្រូវបន្តធ្វើបាតុកម្មរហូតសម្រេចគោលបំណងរបស់ខ្លួន។
សារព័ត៌មាន The Nation បានចុះផ្សាយថា សេចក្តីព្រាងច្បាប់របស់អង្គការ iLaw ដែលត្រូវបានហៅថា «សេចក្តីព្រាងប្រជាជន» គាំទ្រដោយមនុស្សជាង១សែននាក់ ត្រូវបានសភាថៃបដិសេធក្នុងការបោះឆ្នោតក្រោយពីបានអានចប់សព្វគ្រប់នៅថ្ងៃទី១៨ខែវិច្ឆិកា។ ព្រោះសេចក្តីព្រាងច្បាប់នេះ ទទួលបានការគាំទ្រសឹងតែទាំងអស់ពីតំណាងរាស្ត្រគាំទ្រប្រជាធិបតេយ្យ តែត្រូវបដិសេធ និងអនុប្បវាទដោយសមាជិកព្រឹទ្ធសភា(ដែលតែងតាំងដោយោធា)សឹងតែទាំងអស់។
សេចក្តីព្រាងច្បាប់របស់iLaw ទទួលបានសំឡេគាំទ្រ២១២សំឡេងប្រឆាំង១៣៨ និងអនុប្បវាទចំនួន៣៦៩។ ចំណែកសេចក្តីព្រាងច្បាប់របស់រដ្ឋាភិបាលបានសំឡេងគាំទ្រ៦៤៧ និងសំឡេងប្រឆាំង១៧រីឯសេចក្តីព្រាងច្បាប់របស់បណ្តុំបក្សប្រឆាំងទទួលសំឡេងគាំទ្រ៥៧៦ និងសំឡេប្រឆាំង២១។ខណៈសេចក្តីព្រាងច្បាប់របស់បក្សកាន់អំណាច ស្នើឲ្យបង្កើតគណៈកម្មការមួយដែលមានសមាជិក ជ្រើសរើសដោយការបោះឆ្នោតនិងតែងតាំង ព្រោះគណៈកម្មការនេះមានរយៈពេល១២០ថ្ងៃក្នុងការសសេររដ្ឋធម្មនុញ្ញថ្មី។
មេដឹកនាំបាតុករ លោក ផៃ ដាវ ឌីន បានឱ្យដឹងថា ក្នុងចំណោមសេចក្តីព្រាងទាំង៧ មានតែសេចក្តីព្រាងចំនួនពីរប៉ុណ្ណោះ ដែលសភាសម្រេចអនុម័ត កាលពីថ្ងៃពុធ ហើយមិនធ្វើអ្វីដែលជាការចង់បានរបស់ប្រជាជនជាង ១ សែននាក់។មេដឹកនាំបាតុកម្មរូបនេះ បញ្ជាក់ថា លោកនឹងមិនចូលរួមនៅក្នុង គណៈកម្មការផ្សះផ្សារជាតិនោះទេ ដោយចាត់ទុកថាជាការប៉ុនប៉ងបញ្ចប់ជម្លោះរវាងរដ្ឋាភិបាល និងក្រុមអ្នកតវ៉ា ហើយថាការសម្រេចចិត្ត ដោយសភានៅពេលនេះគឺជាឱកាសចុងក្រោយនៃការសម្របសម្រួល។
ក្រុមបាតុករថៃ បានធ្វើការតវ៉ារយៈពេល ២ ថ្ងៃចាប់ពីថ្ងៃទី ១៧ ដល់ថ្ងៃទី ១៨ ខែវិច្ឆិកានេះ ដោយមានការប៉ះទង្គិចគ្នាមួយប្រាវ រវាងក្រុមគាំទ្រព្រះមហាក្សត្រ នៅថ្ងៃទី ១៧ ខែវិច្ឆិកា និងការរារាំងពីសមត្ថកិច្ច ដោយការបាញ់ឧស្ម័នបង្ហូរទឹកភ្នែកដាក់ហ្វូងបាតុករ គ្រាដែលពួកគេព្យាយាមទម្លុះរបាំងដែកការពារបរិវេណរដ្ឋសភា។
ក្រុមមេដឹកនាំបាតុករ បានប្រកាសប្រមូលផ្តុំដោយគ្រោងធ្វើដំណើរទៅការិយាល័យព្រះរាជទ្រព្យ នៅថ្ងៃទី ២៥ ខែវិច្ឆិកានេះ ដើម្បីចាប់បង្ខំឱ្យព្រះមហាក្សត្រ និងរដ្ឋាភិបាល ត្រូវតែដោះស្រាយនូវការទាមទាររបស់ពួកគេឱ្យខាងតែបាន។ក្រុមយុវជនដើម្បីសេរីភាពថៃ បានចោទប្រកាន់តំណាងរាស្ត្រ និងសមាជិកសភាជាច្រើន កំពុងធ្វើការងារបែបផ្តាច់ការ និងព្រងើយកន្តើយ ពីសំណូមពររបស់ប្រជាពលរដ្ឋ។
នៅថ្ងៃព្រហស្បតិ៍ ទី១៩ ខែវិច្ឆិកានេះ នាយករដ្ឋមន្ដ្រីថៃ លោក ប្រាយុទ្ធ ចាន់អូចា បាននិយាយថា ច្បាប់ទាំងអស់ នឹងត្រូវប្រើប្រឆាំងក្រុមបាតុករ ដែលទាមទារឲ្យលោកចុះចេញពីតំណែង ការបង្កើតរដ្ឋធម្មនុញ្ញថ្មី និងធ្វើកំណែទម្រង់ ដើម្បីទប់ស្កាត់អំណាចរបស់ព្រះមហាក្សត្រ ព្រះបាទ ម៉ាហា វ៉ាជីរ៉ាឡុងកន។ នេះបើតាមការដកស្រង់ពីសារព័ត៌មាន CNA ។
ការប្រកាស បានធ្វើឡើងនៅក្នុងសេចក្ដីថ្លែងការណ៍មួយ គឺក្រោយមួយថ្ងៃបន្ទាប់ពីក្រុមបាតុកររាប់ពាន់នាក់បានបាញ់ថ្នាំពណ៌ទៅលើជញ្ជាំងទីស្នាក់ការប៉ូលិសថៃ ដើម្បីសងសឹកចំពោះការប្រើកាណុងបាញ់ទឹក និងឧស្ម័នបង្ហូរទឹកភ្នែកដាក់ពួកគេ ដែលបណ្ដាលឲ្យមនុស្សរាប់សិបនាក់រងរបួស កាលពីថ្ងៃអង្គារ។
លោក ប្រាយុទ្ធ ថា៖ ស្ថានភាពនេះ មិនល្អប្រសើរឡើយ តែជាហានិភ័យនៃការកើនឡើងអំពើហិង្សាថែមទៀត។ ប្រសិនបើមិនបានដោះស្រាយទេ វាអាចធ្វើឲ្យគ្រោះថ្នាក់ដល់ប្រទេសជាតិ និងរាជានិយមដែលជាទីស្រលាញ់។ រដ្ឋាភិបាលនឹងពង្រឹងសកម្មភាព ហើយប្រើច្បាប់គ្រប់មាត្រាទាំងអស់ ដើម្បីចាត់វិធានការប្រឆាំងនឹងក្រុមបាតុករ ដែលរំលោភច្បាប់។
