វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4191 នាក់
ម្សិលមិញ 8227 នាក់
សរុប 14131072 នាក់
អាមេរិក៖រដ្ឋាភិបាលចិន បានតែងតាំងឯកអគ្គរដ្ឋទូតថ្មីរបស់ខ្លួន ប្រចាំនៅសហរដ្ឋអាមេរិក ដែលមានឈ្មោះថា ឈីន កាង។ លោក ឈីន កាង ឯកអគ្គរដ្ឋទូតថ្មី របស់ចិន បានធ្វើដំណើរទៅដល់ទីដល់ព្រលានយន្តហោះ JFK ក្រុងញូយ៉កហើយ កាលពីថ្ងៃពុធ ទី២៨កក្កដា។ នេះបើផ្អែកតាមប្រកាស របស់ស្ថានទូតចិន ប្រចាំក្រុងវ៉ាស៊ីនតោន ។
សូមបញ្ជាក់ថា លោក ឈីន កាង ធ្លាប់ធ្វើជាអនុរដ្ឋមន្ត្រីក្រសួងការបរទេសចិន ចន្លោះពីឆ្នាំ ២០១៨ ដល់ ២០២១។ លោកត្រូវបានគេដាក់ងារហៅថាជា « ចចកប្រយុទ្ធ » នៃវិស័យការទូតរបស់ចិន ដោយសា តែមានសម្តីខ្លាំងៗ ដាក់ប្រទេសបញ្ចឹមលោកណា ដែលហ៊ានបន្តុះបង្អាប់ ឬរិះគន់ចិន។
តែ នៅថ្ងៃទី២៨កក្កដានៅស្ថានទូត លោកឯកអគ្គរដ្ឋទូតចិនថ្មីរូបនេះ បានថ្លែងសារ ស្លូតបូតក្នុងន័យសម្របសម្រួលថា « ចិន និង សហរដ្ឋអាមេរិក គឺជាប្រទេសដ៏ធំទាំង២ ដែលមានភាពខុសគ្នាច្រើន មិនថាប្រវត្តិសាស្ត្រ វប្បធម៌ ប្រព័ន្ធសង្គម ព្រមទាំងកម្រិតនៃការអភិវឌ្ឍន៍។ ចិននិងអាមេរិក កំពុងដើរដល់កាលវដ្ដមួយ ដែលត្រូវឆ្វេងយល់ពីគ្នាទៅវិញទៅមក សម្របខ្លួនទៅវិញទៅមក ដើម្បីសាកល្បងស្វែងរកមធ្យោបាយ ចុះសម្រុងនឹងគ្នា »។
លោកថា ក្នុងនាមជាឯកអគ្គរដ្ឋទូត លោកនឹងព្យាយាម កសាងបណ្តាញទំនាក់ទំនង និងចំណងសហការ រវាងប្រទេសទាំង២ លើគ្រប់វិស័យទាំងអស់ ដើម្បីធ្វើយ៉ាងណា ឲ្យចិន និងសហរដ្ឋអាមេរិក ស្ថិតនៅលើមាគ៌ាមួយដ៏ល្អ។ទំនាក់ទំនងរវាងចិន និងអាមេរិក បានល្អក់កករខ្លាំង ចាប់តាំងពីអាណត្តិលោក ដូណាល់ ត្រាំ។ បច្ចុប្បន្ននេះទៀត ក្រៅពីវិវាទពាណិជ្ជកម្ម រដ្ឋបាលថ្មីរបស់លោកចូ បៃដិន បានបន្តប្រកាន់គោលជំហរយ៉ាងរឹងមាំ ទល់ជាមួយនឹងចិន នៅក្នុងសំណុំរឿងមួយចំនួនទៀត ដូចជាបញ្ហា តំបន់សមុទ្រចិនខាងត្បូង បញ្ហាតៃវ៉ាន់ ហុងកុង និងបញ្ហាសិទ្ធិមនុស្សនៅខេត្តស៊ីនជាំងជាដើម។
ដោយឡែកអាមេរិកនៅពុំទាន់សម្រេចតែងតាំងអគ្គរដ្ឋទូតថ្មី ប្រចាំនៅប្រទេសចិននោះទេ។ តែបើតាមបណ្តាញព័ត៌មាន គឺលោកចូបៃដិន អាចនឹងតែងតាំង លោក Nicholas Burns អ្នកជំនាញការបរទេសវ័យ ៥៥ឆ្នាំ។ កាលពីថ្ងៃចន្ទកន្លងទៅ ភាគីចិនបានថ្លែងប្រាប់ទៅ កាន់លោកស្រី Wendy Sherman អនុរដ្ឋមន្ត្រីក្រសួងការបរទេសអាេមរិក ដែលបានទៅទស្សនកិច្ចនៅចិន ជាលើកទីមួយថា អាមេរិក គួរតែឈប់ចាត់ទុកចិន ជាសត្រូវក្នុងភាពរស្រមើស្រម៉ៃ តទៅទៀតទៅ៕