ការបោះឆ្នោតនៅអាមេរិកតើលោក Trumpនៅត ឬលោក Bidenដែលនាំមុខជំនួស !
11-March-2026 / ព័ត៌មានអន្តរជាតិ
អាមេរិក៖ការបោះឆ្នោតនៅសហរដ្ឋអាមេរិក គឺជាប្រធានបទយ៉ាងក្តៅគគុក របស់ថ្នាក់ដឹកនាំពិភពលោក។ គេកំពុងរងចាំអ៊ុតមើលលទ្ធផល រវាងលោក ដូណាល់ ត្រាំ ប្រធានាធិបតីអាមេរិក និងលោក ចូ បៃដិន អតីតអនុប្រធានាធិបតី មកពីគណបក្សប្រជាធិបតេយ្យថាអ្នកណានឹងបានឡើងគ្រប់គ្រងសេតវិមានអាមេរិក?។
តាមបណ្តាសសារពត៍មានគម្រោងរៀបចំការបោះឆ្នោតអាមេរិក មានប្រជាជនប្រមាណជិត មួយរយលាននាក់(៩៩.៦) បានទៅបោះឆ្នោតហើយ ក្នុងការបោះឆ្នោតទូរទៅដំណាក់កាលទី១។មានការវាយតម្លៃថាវាសនាគ្រងតំណែងប្រធានាធិបតីអាមេរិក លោក ដូ ណាល់ត្រាំ ទំនងជាចប់ត្រឹមហ្នឹងហើយ ដោយសារតែ ក្រុមអ្នករិះគន់លោកត្រាំ បានកើនឡើងជុំទិស មិនថាតែគណបក្សប្រជាធិបតេយ្យ ដែលគូប្រជែង របស់លោក សូម្បីតែមន្ត្រីនៅក្នុងជួរបក្សសារធារណៈរដ្ឋខ្លួនឯង ក៏បានចេញមុខរិះគន់លោក ត្រាំ ថាជាមនុស្សផ្តាច់កា ហើយទៅត្រូវរ៉ូវតែជាមួយមេដឹកនាំផ្តាច់ការនៅលើពិភពលោក ដូចជាប្រធានាធិបតី រុស្ស៊ី លោក ពូទីន ប្រធានាធិបតីកូរ៉េខាងជើង លោក គីម ជុងអ៊ុន ជាដើម ចាប់តាំងពីលោកបានឡើងកាន់តំណែង នៅឆ្នាំ ២០១៧។នេះមិននិយាយពីគ្រួសារប្រជាពលរដ្ឋអាមេរិកដែលរងគ្រោះដោយសារជម្ងឺកូវិត១៩នោះទេ។
ការបោះឆ្នោតនៅថ្ងៃអង្គារ៍នេះ រៀបចំឡើង ចំពេលដែលការរីករាលនៃជំងឺកូវីដ១៩ កំពុងកើតឡើង។ សហរដ្ឋអាមមរិក កាលពីថ្ងៃអាទិត្យ បានបង្ហាញតួរលេខថា ករណីស្លាប់ នៅតែបន្តកើនឡើងនៅទូរទាំងប្រទេស ខណៈរបាយការណ៍មួយចំនួនបង្ហាញថា អ្នកឆ្លងជំងឺនេះ បានកើនឡើងជាង ៨ ម៉ឺនាក់(៨១,០០០)ក្នុងថ្ងៃអាទិត្យតែមួយថ្ងៃ។
នៅតែប៉ុន្មានម៉ោងទៀតប៉ុណ្ណោះ ការប្រកាសលទ្ធផលឈ្នះចាញ់នឹងចេញជាផ្លូវការ ខណៈដែលមានមតិខ្លះថា លោកត្រាំ នឹងឈ្នះមួយអាណត្តិទៀត ហើយខ្លះយល់ថា លោក ចូ បៃដិនទៅវិញទេ នឹងឈ្នះឆ្នោត ស្របពេលដែលលទ្ធផលស្ទង់មតិជាច្រើន បង្ហាញថា សំឡេងគាំទ្រ លោកចូ បៃ ដិននៅតែដឹកមុខលោក ត្រាំ នៅតាមបណ្តារដ្ឋធំៗជាច្រើន ដែលលោកត្រាំធ្លាប់ឈ្នះ កាលពីឆ្នាំ ២០១៦។
ការស្ទង់មតិថ្នាក់ជាតិចុងក្រោយ បង្ហាញថា លោក បៃដិន នៅតែបន្តនាំមុខលោក ត្រាំ ៦.៨ពិន្ទុ ស្មើនឹង ៥០.៧ភាគរយ ទល់នឹង ៤៣.៩ភាគរយ។
ការបោះឆ្នោតជ្រើសរើសប្រធានាធិបតី មិនតម្រូវតែសំឡេងគាំទ្រពីម្ចាស់ឆ្នោតបានច្រើនតែមួយជ្រុងទេ គឺនៅរងចាំការបោះឆ្នោតពីគណៈបោះឆ្នោត (ឬ ប្រតិភូបោះឆ្នោត)។ដើម្បីជាប់ឆ្នោតជាប្រធានាធិបតីអាមេរិក បេក្ខជនប្រធានាធិបតីនីមួយៗ ត្រូវរកសំឡេងពីប្រតិភូបោះឆ្នោត ២៧០ សំឡេង ក្នុងចំណោមប្រតិភូតំណាងបោះឆ្នោតសរុបទាំង ៥៣៨ រូប។
កាលពីថ្ងៃទី២ ខែវិច្ឆិកា បេក្ខភាពប្រធានាធិបតីអាមេរិកមកពីគណបក្សទាំងពីរបានបញ្ចប់ការឃោសនាបោះឆ្នោត។លោកបៃឌិនបានអំពាវនាវដល់ពលរដ្ឋជួយបោះឆ្នោតគាំទ្ររូបលោកដើម្បីធ្វើឲ្យទឹកដីអាមេរិកទទួលបានប្រជាធិបតេយ្យ ពេញលេញ ក៏ដូចជាការទប់ស្កាត់ការឆ្លងរាលដាលកូវីដ-១៩ បានយ៉ាងល្អបំផុតដែរ។និយាយទៅកាន់ក្រុមអ្នកគាំទ្រក្នុងទីក្រុង Pittsburgh រដ្ឋPennsylvania សហរដ្ឋអាមេរិក លោកបៃឌិនបានប្រកាសថា នេះជាពេលវេលាដែលយើងត្រូវយកមកវិញនូវប្រជាធិបតេយ្យ ។ លោកបៃឌិនសង្ឃឹមថា នឹងទទួលបានជ័យជម្នះក្នុងការបោះឆ្នោតនាថ្ងៃទី៣ខែវិច្ឆិកានេះ ។ លោកបន្តទៀតថា ពេលវេលាដំបូងដែលគណបក្សប្រជាធិបតេយ្យត្រូវធ្វើនោះគឺទប់ស្កាត់ការឆ្លងកូវីដ-១៩យ៉ាងមានប្រសិទ្ធភាពបំផុត។
រដ្ឋ Pennsylvania ត្រូវបានចាត់ទុកថាជារដ្ឋយុទ្ធសាស្ត្រក្នុងការដណ្តើមកៅអីនៅសេតវិមាន ។ នៅក្នុងការបោះឆ្នោតឆ្នាំ២០១៦ លោកត្រាំបានយកឈ្នះនៅក្នុងរដ្ឋដ៏សំខាន់នេះក្លាយជាប្រធានាធិបតីដំបូង ដែលទទួលបានការគាំទ្រខ្ពស់ ក្នុងរដ្ឋ Pennsylvania ចាប់តាំងពីឆ្នាំ១៩៨៨មក។ពេលនេះ គោលដៅរបស់គណបក្សប្រជាធិបតេយ្យគឺដណ្តើម ការគ្រប់គ្រងពីរដ្ឋដ៏សំខាន់នេះមកវិញ ។ ក្នុងការស្ទង់មតិនាពេលកន្លងមក លោកបៃឌិនទទួលបានការគាំទ្រ៥១ភាគរយ ចំណែកលោកត្រាំ វិញទទួលបានតែ៤៤ភាគរយប៉ុណ្ណោះ។
នៅក្នុងការឈោសនាលោក Trump ធ្វើការជួបប្រជុំ Rally ចំនួន៤ នៅពាសពេញរដ្ឋ Pennsylvania នៅថ្ងៃសៅរ៍។លោក Trump ធ្លាប់ឈ្នះប្រកៀកប្រកិតនៅរដ្ឋនេះ ក្នុងឆ្នាំ២០១៦ ហើយលោកស្វះស្វែងរកជ័យជម្នះម្តងទៀតនៅក្នុងរដ្ឋនេះ។ រដ្ឋ Pennsylvania មានអង្គបោះឆ្នោត (electoral vote) ចំនួន ២០ ខណៈដែលរដ្ឋ Michigan មានចំនួន១៦ ហើយបេក្ខជននីមួយៗ ត្រូវឈ្នះឲ្យបានសំឡេងអង្គបោះឆ្នោតចំនួន២៧០ នៅទូទាំងប្រទេស ដើម្បីអាចដណ្តើមដំណែងប្រធានាធិបតីបាន។សូមបញ្ជាក់ថាការបោះឆ្នោតនៅអាមេរិកនេះ ត្រូវបានគេហៅជាទូទៅថាជាការបោះឆ្នោតប្រធានាធិបតី ក៏ប៉ុន្តែ តាមពិតទៅ មិនមែនមានតែប្រធានាធិបតីមួយទេ ដែលគេត្រូវបោះឆ្នោតជ្រើសរើសនៅ ថ្ងៃទី៣វិច្ឆិកាខាងមុខនេះ។
ក្រៅពីប្រធានាធិបតី ដែលត្រូវឆ្លងកាត់ការបោះឆ្នោតនៅរៀងរាល់ ៤ឆ្នាំម្តង ពលរដ្ឋអាមេរិកក៏នឹងត្រូវបោះឆ្នោតជ្រើសរើសផងដែរ សមាជិករដ្ឋសភា សមាជិកព្រឹទ្ធសភា (Senate) សមាជិកសភាប្រចាំរដ្ឋ និងអភិបាលរដ្ឋ។រដ្ឋសភា (House of Representatives) មានអាណត្តិតែ២ឆ្នាំប៉ុណ្ណោះ។ ដូច្នេះ សមាជិកទាំង ៤៣៥រូប នឹងត្រូវផ្លាស់ប្តូរនៅរៀងរាល់ពីរឆ្នាំម្តង គឺម្តងបោះឆ្នោតក្នុងពេលតែមួយជាមួយនឹងការបោះឆ្នោតប្រធានាធិបតី និងម្តងទៀត នៅពីរឆ្នាំក្រោយមកទៀត ក្នុងអំឡុងការបោះឆ្នោតពាក់កណ្តាលអាណត្តិ (Midterm elections)។
ព្រឹទ្ធសភាមានអាណត្តិ ៦ឆ្នាំ ប៉ុន្តែសមាជិក១ភាគ៣ត្រូវផុតអាណត្តិ ហើយត្រូវជ្រើសរើសថ្មី នៅរៀងរាល់ ២ឆ្នាំម្តង។ ដូច្នេះ នៅក្នុងការបោះឆ្នោតថ្ងៃទី៣វិច្ឆិកាខាងមុខនេះ ក៏នឹងមានដែរការបោះឆ្នោតជ្រើសរើសសមាជិកព្រឹទ្ធសភាថ្មីចំនួន ៣៣រូប (១ភាគ៣នៃសមាជិកសរុបទាំង ១០០) បូករួមជាមួយនឹងសមាជិកព្រឹទ្ធសភាចំនួន ២រូបទៀត ដែលត្រូវបោះឆ្នោតពិសេស គឺ ១រូប តំណាងរដ្ឋ Arizona ដើម្បីជំនួសលោក John McCain ដែលទទួលមរណភាព កាលពីឆ្នាំ២០១៨ និង ១រូបទៀត តំណាងរដ្ឋ Georgia ជំនួសសមាជិកព្រឹទ្ធសភាចាស់ ដែលលាឈប់ពីតំណែង កាលពីចុងឆ្នាំ២០១៩។ក្នុងចំណោមរដ្ឋទាំង ៥០ មានរដ្ឋចំនួន ១១ ដែលនឹងត្រូវបោះឆ្នោតជ្រើសរើសអភិបាលរដ្ឋថ្មី នៅក្នុងការបោះឆ្នោតថ្ងៃទី៣វិច្ឆិកានេះ។
