វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1513 នាក់
ម្សិលមិញ 6841 នាក់
សរុប 13123386 នាក់
ប្រទេសឥណ្ឌា៖ស្ត្រីបារាំងម្នាក់ត្រូវបានចាប់ខ្លួននៅក្នុងប្រទេសឥណ្ឌា ដោយសារតែថតវីដេអូស្រាត នៅលើស្ពានមួយ ដែលជាកន្លែងទីសក្ការៈរបស់ប្រជាជន ស្ថិតក្នុទីក្រុង Rishikesh។ ទីភ្នាក់ងារពត៍មាន BBC ផ្សាយកាលពីថ្ងៃអាទិត្យម្សិលមិញនេះឲ្យដឹងថា៖វីដេអូរបស់ស្ត្រីរូបនោះ ដែលថតនៅលើស្ពាន Lakshman Jhula ត្រូវបានបង្ហោះនៅលើបណ្តាញទំនាក់ទំនងសង្គម។គាត់ប្រឈមនឹងការចោទប្រកាន់ក្រោមច្បាប់អ៊ីនធឺណេតរបស់ឥណ្ឌា និងអាចជាប់គុករហូតដល់ ៣ឆ្នាំ ប្រសិនជាមានកំហុស។
ស្ត្រីបារាំងដែលគេលាក់អត្តសញ្ញាណ បានប្រាប់ប៉ូលិសក្រោយទទួលការដោះលែងឲ្យនៅក្រៅឃុំថា វីដេអូនោះថតដើម្បីផ្សព្វផ្សាយជំនួញគ្រឿងអលង្ការរបស់នាង។“នៅឥណ្ឌា ប្រហែលសកម្មភាពទាំងនេះ មិនត្រូវបានគេចាត់ទុកថាជាអំពើទាស់ចិត្តទេ ប៉ុន្តែ ក្រុង Rishikesh ជាកន្លែងទីសក្ការៈ ហើយស្ពាន LakShman Jhula ជាកន្លែងដែលព្រះ Ram និងបងព្រះរាមអង្គព្រះនាម Lashman ព្រមទាំងព្រះមហេសី Sita ឆ្លងកាត់ទន្លេ Ganges”។ នេះជាការបញ្ជាក់របស់ប្រធានប៉ុស្តិ៍ប៉ូលិស កន្លែងដែលស្ត្រីនោះត្រូវឃុំខ្លួន។មន្ត្រីប៉ូលិសឲ្យដឹងថាស្ត្រីបារាំងខាងលើ បានទទួលស្គាល់ថាពិតជាបានថតវីដេអូស្រាតពិតមែន ប៉ុន្តែនាងអះអាងថា នាងមិនបានដឹងថា វារឿងខុសច្បាប់នៅឥណ្ឌាឡើយ។”