វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5830 នាក់
ម្សិលមិញ 5544 នាក់
សរុប 13946927 នាក់
ប្រទេសជប៉ុន៖ នាយករដ្ឋមន្ត្រីថ្មីជប៉ុន លោកយូស្ហ៊ីហ៊ីដេស៊ុហ្កា(Yoshihide Suga )ក៏បានសន្យាថា នឹងបន្តគោលនយោបាយរបស់អតីតនាយករដ្ឋមន្ត្រី អាបេ ក្នុងការពង្រឹង វិស័យការពារជាតិដោយបានឲ្យដឹងពីគម្រោងបង្កើនថវិកាការពារជាតិសម្រាប់ឆ្នាំ២០២១ខាងមុខ។
សូមបញ្ជាក់ថាប្រាក់ចំណាយសម្រាប់ការពារជាតិ របស់ជប៉ុនបានកើនឡើងខ្ពស់ពីមួយឆ្នាំទៅមួយឆ្នាំ ហើយនេះជាឆ្នាំទី៧ហើយដែលជប៉ុនបានបង្កើនប្រាក់ចំណាយ ។ ប្រាក់ការពារជាតិ ក្នុងឆ្នាំ២០២០មានចំនួន ៥,៣១ពាន់ពាន់លានយេន ហើយត្រូវបញ្ចប់នៅខែមីនាឆ្នាំ២០២១ខាងមុខ។លោក Suga កាលនៅជារដ្ឋមន្ត្រីខុទ្ទការល័យនាយករដ្ឋមន្ត្រីគឺជាអ្នកឡើងគម្រោងនយោបាយនានា ក្រោមការកាន់អំណាចរបស់នាយករដ្ឋមន្ត្រីអាបេ រយៈពេល៨ឆ្នាំកន្លងមក។
នៅពេលនេះ លោកបានឡើងកាន់តំណែងជានាយករដ្ឋមន្ត្រីបន្តពីលោកអាបេ ក្រោយការបោះឆ្នោតជ្រើសរើសពីគណបក្សប្រជាធិបតេយ្យសេរីដែលជាបក្សកាន់អំណាច។ លោកបានប្រកាស សន្យាបន្តនយោបាយរបស់លោកអាបេ គឺពង្រីកនិងពង្រឹងវិស័យការបរទេស និងការពារជាតិឱ្យកាន់តែប្រសើរ។
សារព័ត៌មានJapan Times បានឲ្យដឹងថា ក្រសួងការពារជាតិជប៉ុន នឹងស្នើប្រាក់ចំណាយខាងលើនៅចុងខែកញ្ញានេះ ដើម្បីឲ្យសភាពិភាក្សានិងអនុម័ត ។ ក្នុងនោះក្រសួងការពារជាតិមានគម្រោងផ្លាស់ប្តូរយន្តហោះចម្បាំងប្រភេទចាស់ៗមួយចំនួន ដោយប្តូរប្រភេទថ្មី ដែលមានបច្ចេកវិទ្យាទំនើបទាន់សម័យ៕