វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2913 នាក់
ម្សិលមិញ 5304 នាក់
សរុប 14142439 នាក់
អាមេរិក៖ក្រសួងយុត្តិធម៍អាមេរិកកាលពីថ្ងៃទី២៨ ខែមករា ឆ្នាំ២០១៩ បានសម្រេចចោទប្រកាន់ជាផ្លូវការដល់ អគ្គនាយកហិរញ្ញវត្ថុក្រុមហ៊ុនហ៊ូវ៉ែ( Huawei) ដែលកំពុងឃាត់ខ្លួនឲ្យនៅក្រៅឃុំក្នុប្រងទេសកាណាដានៅឡើយចំនួន១៣បទល្មើសផ្សេងគ្នា មានជាអាទ៍ការបោកប្រាស់ធនាគារ និងការរំលោភបំពានច្បាប់ទណ្ឌកម្មអាមេរិកព្រមទាំងអង្គការសហប្រជាជាតិប្រឆាំងប្រទេសអ៊ីរ៉ង ។ ជាមួយគ្នានេះ ក្រុមហ៊ុនបន្ទាប់បន្សំដែលជាបុត្រសម្ពន្ធ័របស់ Huawei២ទៀត ក៏រងការចោទប្រកាន់ដូចគ្នានេះដែរ។
រដ្ឋាភិបាលចិនបានចាត់ទុកសកម្មភាពរបស់អាមេរិក ជាសកម្មភាពនយោបាយមកលើក្រុមហ៊ុនឯកជនធំបំផុតរបស់ចិន ។ រដ្ឋអាជ្ញាសហព័ន្ធអាមេរិក ក៏បានបញ្ជាក់ទៀតថា ករណីដោយឡែកមួយទៀត អាមេរិកក៏បានចោទពីបទលួចការណ៍ពាណិជ្ជកម្មសម្ងាត់តាមរយៈប្រព័ន្ធទូរស័ព្ទផងដែរ ហើយថា រដ្ឋអាជ្ញាអាមេរិកបាននិងកំពុងស្វែងរកតាមផ្លូវច្បាប់ ធ្វើបត្យាប័ន លោកស្រីម៉េងវ៉ានហ្សូ( Meng Wanzhou) អគ្គនាយកហិរញ្ញវត្ថុចិន ពីកាណាដា ទៅកាន់អាមេរិកដើម្បីទទួលទោសកំហុស ។
សូមបញ្ជាក់ថា លោកស្រីម៉េងវ៉ានហ្សូ( Meng Wanzhou) ត្រូវកាណាដាចាប់ខ្លួនកាលពីថ្ងៃទី១ ខែធ្នូ តាមសំណើរបស់អាមេរិក ខណៈដែលលោកស្រីកំពុងរង់ចាំជើងយន្តហោះ ក្នុងប្រទេសកាណាដា។ការចាប់ខ្លួននេះបានធ្វើឲ្យទំនាក់ទំនងកាណាដានិងប្រទេសចិនកាន់តែតានតឹងឡើង។ចិនសងសឹកវិញដោយចាប់អតីតមន្ត្រីការទូតការណាដានិងកាត់ទោលពលរដ្ឋកាណាដាម្នាក់ប្រហារជីវិតដោយចោទរឿងគ្រឿងញៀន!។
រដ្ឋាភិបាលចិនបានទាមទារឲ្យកាណាដា ក៏ដូចអាមេរិកដោះលែងលោកស្រី Meng Wanzhou ដោយឥតលក្ខខណ្ឌ ហើយថា អាមេរិក និងកាណាដា កំពុងតែរំលោភបំពានសិទ្ធិ និងផលប្រយោជន៍ពលរដ្ឋចិនយ៉ាងធ្ងន់ធ្ងរ។
សូមបញ្ជាក់ដែរថា តុលាការដែលប្រកាសចោទប្រកាន់ពីបទឧក្រិដ្ឋ ប្រឆាំងលោកស្រី Meng Wanzhou នាពេលនេះ គឺតុលាការនៅ Brooklyn និង Seattle ស្របពែលដែលអាមេរិក និងចិនមានគម្រោងពិភាក្សាក្នុងសប្តាហ៍នេះ ស្តីអំពីជម្លោះពាណិជ្ជកម្មផងដែរ៕