វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 99 នាក់
ម្សិលមិញ 9706 នាក់
សរុប 14078342 នាក់
ភ្នំពេញ៖ លោក សុន ឆ័យ អតីតតំណាងរាស្ត្រ នៃអតីតគណបក្សសង្គ្រោះជាតិ រួមទាំងអតីតថ្នាក់ដឹកនាំនៃអតីតគណបក្សនេះ២រូបទៀត គឺលោក តាវ គឹមឈន និងលោកវ៉ា សាម៉ុន ដែលជាអតីតសមាជិកគណៈកម្មាធិការនាយកនៃអតីតបក្សនេះ ត្រូវបានព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យមួយចុះថ្ងៃទី៣កញ្ញា២០២០ ផ្តល់នីតិសម្បទាធ្វើនយោបាយឡើងវិញហើយ ។
សូមបញ្ជាក់ថា៖ កន្លងមកនេះ មានអតីតថ្នាក់ដឹកនាំ នៃអតីតគណបក្សសង្គ្រោះជាតិ ចំនួន១២រូបហើយក្នុងចំណោម១១៨រូបដែលតុលាការកំពុលដាក់បំរាមកាលពីថ្ងៃទី១៦វិច្ឆិកា២០២៦ ត្រូវបានព្រះមហាក្សត្រ និងប្រមុខរដ្ឋស្តីទី ផ្តល់នីតិសម្បទានយោបាយឡើងវិញ ដែលក្នុងនោះរួមមាន ទី១៖ លោក គង់ គាំ អតីតទីប្រឹក្សាជាន់ខ្ពស់គណបក្សសង្គ្រោះជាតិ ទី២៖ លោក គង់ បូរ៉ា អតីតតំណាងរាស្ត្រគណបក្សសង្គ្រោះជាតិ ទី៣៖ លោក ស៊ីម សុវណ្ណនី និងទី៤៖ លោក រៀល ខេមរិន្ទ ដែលជាអតីតតំណាងរាស្ត្រ នៃអតីតគណបក្សសង្គ្រោះជាតិ, ទី៥៖ លោក អ៊ូ ច័ន្ទរ័ត្ន, ទី៦៖ លោកស្រី ទេព សុទ្ធី, ទី៧៖ លោក កង គឹមហាក់ ទី៨៖ លោក ជីវ កត្តា និង ទី៩៖ លោក ច័ន្ទ សិលា ទី១០៖ លោក សុន ឆ័យ ទី១១៖ លោក តាវ គឹមឈន និងទី១២៖ លោកវ៉ា សាម៉ុន។សម្រាប់លោកសុនឆៃនិងមន្ត្រី២រូបទៀតកការស្នើសុំនីតិសម្បទានយោបាឡើងវិញគឺស្របពេលដែលមានពត៍មានលេចឮថាលោកអ៊ូចន្ទ័រត្នបាននិងកំពុងប្រម៉ែប្រម៉ូលកម្លាំងបង្កើតគនបក្សថ្មីមួយ។
កាលពីថ្ងៃទី២៧ ខែសីហា ឆ្នាំ២០២០ លោក សុន ឆ័យ, លោក តាវ គឹមឈន និងលោកវ៉ា សាម៉ុន បានសរសេរលិខិត ដាច់ដោយឡែកពីគ្នាជូន សម្តេចក្រឡាហោ ម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីស្នើសុំនីតិសម្បាទា ធ្វើនយោបាយឡើងវិញ ។ «ខ្ញុំបាទ សុន ឆ័យ អតីតសមាជិកគណៈកម្មាធិការអចិន្ត្រៃយ៍ ដែលកំពុងស្ថិត នៅក្នុងការហាមឃាត់មិនឱ្យធ្វើសកម្មភាពនយោបាយ សម្រាប់រយៈពេល៥ឆ្នាំ តាមអំនាចសាលដីកាលេខ៣៤០ (ឆ) ករណីគណបក្សសង្គ្រោះជាតិជាតិ ចុះថ្ងៃទី១៦ ខែវិច្ឆិកា ឆ្នាំ២០១៧ របស់តុលាការកំពូល»។
លោកសុនឆៃបានបញ្ជាក់ថា «ដោយផ្អែកតាមមាត្រា៤៥ថ្មី (ស្ទួនមួយ) នៃច្បាប់ស្តីពីគណបក្សនយោបាយ ដែលបង្កលក្ខណៈ ឱ្យអ្នកដែលត្រូវហាមឃាត់មិនឱ្យធ្វើសកម្មភាពនយោបាយ អាចទទួលបាននីតិសម្បទាធ្វើនយោបាយឡើងវិញ។ ដូចនេះ ខ្ញុំបាទសមស្នើសុំ សម្តេចក្រឡាហោម ឧបនាយករដ្ឋមន្ត្រី មេតាពិនិត្យតាមនីតិវិធី ដើម្បីផ្តល់នីតិសម្បាទា ធ្វើនយោបាយឡើងវិញដល់រូបខ្ញុំ ដោយក្តីអនុគ្រោះ»។
ច្បាប់ស្តីពីវិសោធនកម្មមាត្រា ៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដែលជាច្រកតែមួយគត់ក្នុងការបើកផ្លូវឲ្យ អ្នកនយោបាយជាប់បម្រាមធ្វើនយោបាយដោយការសម្រេចរបស់តុលាការ ដើម្បីអាចធ្វើសកម្មភាពនយោបាយរបស់ខ្លួនឡើងវិញនោះ ត្រូវបានព្រះ ករុណា ព្រះបាទ សម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃកម្ពុជា ចេញព្រះរាជក្រម ប្រកាសដាក់ឲ្យប្រើប្រាស់ កាលពីថ្ងៃទី០២ ខែមករា ឆ្នាំ២០១៩។
ដើម្បីបាននីតិសម្បទាឡើងវិញនោះ អ្នកនយោបាយដែលជាប់បម្រាមតុលាការក្នុងការធ្វើនយោបាយ ត្រូវស្នើលិខិតទៅក្រសួងមហាផ្ទៃ ហើយបន្ទាប់ពីពិនិត្យពិច័យ ក្រសួងមហាផ្ទៃនឹងដាក់ស្នើនាយករដ្ឋមន្ត្រី ដើម្បីពិចារណាធ្វើលិខិតទូលថ្វាយព្រះមហាក្សត្រ ឡាយព្រះហស្ថលេខាផ្តល់នីតិសម្បទានយោបាយឡើងវិញ។