ពេលកម្ពុជាស្រូវចុះថោកប្រទេសសឹង្ងបុរីវៀរណាមចិនចុះកុងត្រាទិញអង្ករថៃ!

ពលរដ្ឋនៅស្រុកកញ្ជ្រៀច នាំគ្នាប្ដឹងលោក ស្រី វិចិត្រ ទៅACU ដោយអះអាងថា បានកំណត់យកលុយពីពួកខ្លួន ចាប់ពី៥ម៉ឺនទៅ២៥ម៉ឺនរៀលក្នុង១គ្រួសារ ជាថ្នូរនឹងចែកប័ណ្ណកម្មសិទ្ធិ(ប្លង់រឹង)!

ACU បង្ហាញលទ្ធផលស៊ើបអង្កេត និងស្ដាប់ចម្លើយរបស់លោក ស៊ាន បូរ៉ាត និងលោក ស ថាវី ពាក់ព័ន្ធជាមួយសំណុំរឿងអតីតឧកញ៉ា ឡេង ចាន់ណា ករណីឆបោកប្រាក់រាប់លានដុល្លារ

កីឡាការិនីក្បាច់គុនខៀវចិន្តារត្ន័សម្តែងការខកចិត្តបន្ទាប់ពីដណ្តើមបានមេដាយមាសនៅប្រទេសកូរ៉េ!

បែកធ្លាយករណីយ៍ឧត្តមសេនីយ៍អគ្គនាយករងអត្តសញ្ញាណកម្មស៊ីដាច់លុយ២លានដុល្លាររត់ការចូលសញ្ជាតិខ្មែរ

ជនជាតិដើមភាគតិចពូនង ស្នើសុំឱ្យក្រសួងពាក់ព័ន្ធជួយអភិរក្សព្រៃអារក្ស ព្រៃកប់សព ឱ្យនៅគង់វង្ស

ឈ្មួញជីកដីលក់នៅបណ្តោយផ្លូវជាតិលេខ៤ចន្លោះគីឡូម៉ែត្រលេខ ៩១ ទៅដល់ ៩៣ បង្កផលប៉ះពាល់ដល់បរិស្ថានសមត្តកិច្ចគុបគិត?

ជាច្រើនទៀត

ចំនួនអ្នកទស្សនា

ថ្ងៃនេះ 2607 នាក់

ម្សិលមិញ 3507 នាក់

សរុប 17846338 នាក់

រដ្ឋមន្ត្រីក្រសួងការបរទេសខ្មែរអំពាវនាវកុំឲ្យអង្គការ មិនមែនរដ្ឋាភិបាលជាប់ពាក់ព័ន្ធ ឬគាំទ្រដល់ការលាងសម្អាតប្រាក់ ហិរញ្ញប្បទាន ភេរវកម្ម!

27-October-2025 / ផ្សេងៗ

ភ្នំពេញ៖ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសខ្មែរ នាព្រឹកថ្ងៃទី២៩ មករានេះ បានអំពាវនាវក្រុមអង្គការ មិនមែនរដ្ឋាភិបាល (NGOs) របស់បរទេសនៅកម្ពុជា ឲ្យ ជៀសវាងជាដាច់ខាត រាល់សកម្មភាពទាំងឡាយណា ដែលអាចជាប់ពាក់ព័ន្ធ ឬគាំទ្រដល់ការលាងសម្អាតប្រាក់ ហិរញ្ញប្បទានភេរវកម្ម និងហិរញ្ញប្បទានអាវុធមហាប្រល័យលោក ។ a brak ngo1

ក្នុងកិច្ចប្រជុំពិគ្រោះយោបល់លើកដំបូងជាមួយអង្គការមិនមែនរដ្ឋាភិបាលបរទេស ប្រមាណ៣០០នាក់ ក្រោយពីការប្រកាសដាក់ឲ្យ អនុវត្តច្បាប់ស្តីពីសមាគម និងអង្គការមិនមែនរដ្ឋាភិបា កាលពីថ្ងៃទី១២ ខែសីហា ឆ្នាំ២០១៥ កន្លងមក លោករប្រាក់ សុខុន បកស្រាយពីកង្វល់របស់អង្គការសង្គមស៊ីវិលទៅលើច្បាប់ថ្មីនេះថា៖ «ខ្ញុំយល់ថា មានតែមូលដ្ឋានច្បាប់និងគតិយុត្តិច្បាស់លាស់ប៉ុណ្ណោះ ដែលជាសរសរស្តម្ភ រឹងមាំទ្រទ្រង់ឲ្យកិច្ចសហប្រតិបត្តិការរបស់យើង អាចមានអាយុកាលយូរអង្វែង ប្រកបដោយភាពសុខដុម និងជោគជ័យ។ ច្បាប់នេះ មិនត្រូវបានធ្វើឡើងដើម្បីរឹតត្បិតអង្គការណាមួយទេ ប៉ុន្តែច្បាប់នេះនឹងតម្រូវឲ្យអង្គការទាំងអស់ប្រតិបត្តិការប្រកបដោយតម្លាភាព គណនេយ្យភាព សុចរិតភាព និងការទទួលខុសត្រូវចំពោះមុខច្បាប់»។

លោករដ្ឋមន្ត្រីការបរទេសខ្មែរក៏បានអំពាវនាវ ដល់ក្រសួង-ស្ថាប័នពាក់ព័ន្ធ ដែលជាដៃគូរបស់អង្គការ មិនមែនរដ្ឋាភិបាលបរទេស ត្រូវបន្តសហការ សម្របសម្រួល និងបង្កលក្ខណៈងាយស្រួល ដល់អង្គការដែលនៅមានសុពលភាព MoU ជាមួយក្រសួងការបរទេស ក្នុងកិច្ចប្រតិបត្តិការសកម្មភាព របស់ពួកគាត់ ។ “ទន្ទឹមនេះ សូមអង្គការមិនមែនរដ្ឋាភិបាល បរទេសទាំងអស់ អនុវត្តសកម្មភាពរបស់ខ្លួន ឲ្យស្របតាមក្របខណ្ឌច្បាប់ និងលិខិតបទដ្ឋានគតិយុត្តនានាជាធរមាន ។

លើសពីនេះទៀត សូមជៀសវាងជាដាច់ខាតនូវ សកម្មភាពទាំងឡាយណា ដែលអាចជាប់ពាក់ព័ន្ធ ឬគាំទ្រដល់ការលាងសម្អាតប្រាក់ ហិរញ្ញប្បទាន ភេរវកម្ម និងហិរញ្ញប្បទានអាវុធមហាប្រល័យ ដែលបានកំណត់ឡើង ដោយក្រុមប្រទេសអាស៊ី ប៉ាស៊ីហ្វិកស្តីពីការសម្អាតប្រាក់ ដើម្បីជៀសផុតពីការធ្លាក់ ចូលទៅក្នុងបញ្ជីប្រផេះរបស់ស្ថាប័ននេះ និងកុំឲ្យមានជាបច្ច័យអវិជ្ជមាន ដល់កម្ពុជាយើងលើផ្នែកប្រព័ន្ធហិរញ្ញវត្ថុ លំហូរវិនិយោគ និងនយោបាយជាដើម” ។

លោកប្រាក់សុខុនបញ្ជាក់ថា៖ អង្គការមិនមែន រដ្ឋាភិបាលបរទេសទាំងអស់ ក៏ត្រូវតែធ្វើប្រតិបត្តិការ ហិរញ្ញវត្ថុរបស់ខ្លួនតាមប្រព័ន្ធ ធនាគារដែលស្របច្បាប់ និងមានអាជ្ញាប័ណ្ណផ្លូវការ ចេញដោយធនាគារជាតិ នៃកម្ពុជា។
សូមបញ្ជាក់ថា គិតត្រឹមខែធ្នូ ឆ្នាំ២០១៨ មានអង្គការមិនមែនរដ្ឋាភិបាលបរទេសចំនួន ៣៨៦ នៅមានសុពលភាព ហើយអង្គការមិនមែន រដ្ឋាភិបាលបរទេសទាំងនោះ មកពីប្រទេសផ្សេងៗនៃទ្វីបអាស៊ី អាមេរិក អឺរ៉ុប និងអូស្ត្រាលី ដែលមានគម្រោងសំខាន់ៗ ផ្តោតលើវិស័យៈ អប់រំ សុខាភិបាល សង្គមកិច្ច កសិកម្ម បណ្តុះបណ្តាល វិជ្ជាជីវៈ អភិវឌ្ឍន៍សហគមន៍ បរិស្ថាន និងបោសសម្អាតមីន ៕ a brak ngo