នាយករដ្ឋមន្រ្តីបញ្ជូនបេសកជនកម្ពុជាប្រចាំអង្គការសហប្រជាជាតិ ជួបក្រុមការងារ AOT នៅខេត្តព្រះវិហារ ដើម្បីរៀបឯកសារប្តឹងក្រុមប្រឹក្សាសន្តិសុខអង្គកាសហប្រជាជាតិ!?

ព្រះវិហារ៖ គណៈប្រតិភូប្រេសិតពិសេសរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ប្រចាំអង្គការសហប្រជាជាតិ និងរដ្ឋនានា ដឹកនាំដោយលោសាស្ត្រាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស នៅថ្ងៃទី២១ ខែកញ្ញា ឆ្នាំ២០២៦ បានជួបប្រជុំជាមួយក្រុមការងារអ្នកសង្កេតការណ៍អាស៊ាន (AOT) នៅសាលប្រជុំក្រុមអ្នក សង្កេតការណ៍ ស្នាក់ការទី១ ឃុំស្រអែម ស្រុកជាំក្សាន្ត ខេត្តព្រះវិហារ។ 

កិច្ចប្រជុំនេះធ្វើឡើងក្នុងគោលបំណងស្វែងយល់អំពីស្ថានភាព និងការវិវឌ្ឍថ្មីៗនៅតាមបណ្តោយព្រំដែនកម្ពុជា-ថៃ ព្រមទាំងប្រមូលព័ត៌មានពាក់ព័ន្ធ ដើម្បីរៀបចំរបាយការណ៍ស្តីពីស្ថានភាពដែលកម្ពុជាចោទប្រកាន់ថា មានការឈ្លានពាន និងការបន្តគ្រប់គ្រងដោយខុសច្បាប់ពីសំណាក់យោធាថៃ លើដែនអធិបតេយ្យភាពរបស់កម្ពុជាមុននឹងលោកប្រាក់សុខុនរដ្ឋមន្ត្រីក្រសួងការបរទេសកម្ពុជាចាកចេញពីកម្ពុជាទៅចូលរួមកិច្ចប្រជុំអង្គការសហប្រជាជាតិនាថ្ងៃទី២២ដល់២៨កញ្ញាខាងមុខ។

ព័ត៌មាន និងស្ថានភាពដែលទទួលបានពីក្រុមការងារ ត្រូវបានគេរំពឹងថា នឹងក្លាយជាផ្នែកមួយសម្រាប់រៀបចំរបាយការណ៍ជូនដល់សមាជិក នៃក្រុមប្រឹក្សាសន្តិសុខអង្គការសហប្រជាជាតិ ដើម្បីជ្រាប និងពិនិត្យពិចារណាអំពីស្ថានភាព នៅតាមបណ្តោយព្រំដែនកម្ពុជា-ថៃ។