វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3746 នាក់
ម្សិលមិញ 10264 នាក់
សរុប 14142928 នាក់
ប្រទេសថៃ៖អតីតអង្គរក្សនិងជា ស្នំឯក Sineenat “Koi” Wongvajirapakdi ត្រូវបានព្រះមហាក្សត្រថៃ លើកលែងទោស ហើយដោះលែងឲ្យមានសេរីភាពនិងបញ្ជូននាងទៅកាន់ប្រទេសអាល្លឺម៉ង់ភ្លាមៗ។សារព័ត៌មាន Sputniks បានផ្សាយថា អតីតស្នំឯកស៊ីនីណាតវង្សវ៉ាជីរ៉ាប៉ាឌី( Sineenat Wongvajirapakdi) អាយុ៣៥ឆ្នាំ ត្រូវបានយន្តហោះឯកជនដឹកចេញទៅកាន់ទីក្រុងមុយនិច(Munich) ប្រទេសអាល្លឺម៉ង់ កាលពីសប្តាហ៍កន្លងមក ។ បន្ទាប់មកត្រូវបានបញ្ជូនតាមរថយន្តទៅកាន់សណ្ឋាគារនៅរមណីយដ្ឋាន ជិះស្គី Garmisch-Partenkirchen ។
ទស្សនាវដ្តីអាល្លឺម៉ង់ក៏បានផ្សព្វផ្សាយរូបភាពស្តីពីព្រះមហាក្សត្រ Rama X និងនាង Sineenat យាងចុះពីយន្តហោះ កាលពីថ្ងៃទី២៩ខែសីហានៅទីក្រុង Munich ។ ប៉ុន្តែមកទល់ពេលនេះរាជវាំងថៃមិនមានការបកស្រាយអ្វីជុំវិញហេតុការណ៍នេះឡើយ។ស្នំឯកស៊ីនីណាតវង្សវ៉ាជីរ៉ាប៉ាឌី( Sineenat Wongvajirapakdi)ជាអតីតអ្នកបើកបរយន្តហោះចម្បាំងជាគ្រូពេទ្យ និងជាប្រធានអង្គរក្សផ្ទាល់របស់ព្រះមហាក្សត្រថៃផ្ទាល់។នាង ត្រូវបានព្រះមហាក្សត្រថៃវេជ្ជរ៉ាឡុងកនតែងតាំងជាស្នំឯកនៅខែកក្កដាឆ្នាំ២០១៩ ជាលើកដំបូងបង្អស់មិនធ្លាប់មានពីមុនមក។ការដកហូតតំណែងស្នំឯកកើតឡើងក្រោយពេលដែលនាងប្រើប្រាស់ឥទ្ធិពលអំណាចរបស់នាងប្រៀបផ្ទឹមស្មើជាមួយព្រះអគ្គមហាសីដែល ធ្វើឲ្យមហាជនខឹងសម្បាយ៉ាងខ្លាំង៕