វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4764 នាក់
ម្សិលមិញ 5378 នាក់
សរុប 14084057 នាក់
ប្រទេសហ្សកហ្ស៊ី៖មេដឹកនាំនៃសោហ្វអូសេទៀ(SouthOssetia)ដែលជាតំបន់ដាច់ចេញពីប្រទេសហ្សកហ្ស៊ី(Georgia)បានប្រកាសថានឹងធ្វើប្រជាមតិស្តីពីការចូលរួមជាមួយប្រទេសរុស្ស៊ី។លោកអាឡានទាតដេវ( Alan Tadtaev)សមាជិកសភាកំពូលរបស់សោហ្វអូសេទៀ(SouthOssetiaបាននិយាយកាលពីថ្ងៃទី៣០ខែមីនាថា”យើងមានហេតុផលទាំងអស់ដើម្បីចូលរួមជាមួយសហព័ន្ធរុស្ស៊ី ហើយមិនមានឧបសគ្គផ្លូវច្បាប់ទេ”។
ប្រមុខនៃសាធារណរដ្ឋSouthOssetiaដែលប្រកាសដោយខ្លួនឯង លោកអាណាតូលីប៊ីប៊ីឡូវ(AnatolyBibilov)បាននិយាយថា”ខ្ញុំគិតថាការបង្រួបបង្រួមជាមួយរុស្ស៊ីគឺជាគោលដៅនិងផ្លូវយុទ្ធសាស្ត្ររបស់យើងនិងជាសេចក្តីប្រាថ្នារបស់ប្រជាជន”។”យើងនឹងចាត់វិធានការផ្លូវច្បាប់ជាចាំបាច់នាពេលខាងមុខ។ SouthOssetiaនឹងក្លាយជាផ្នែកមួយនៃប្រទេសរុស្ស៊ីដែលជាមាតុភូមិប្រវត្តិសាស្ត្រ”។អ្នកនាំពាក្យរបស់ Bibilovបាននិយាយថារាល់នីតិវិធីច្បាប់ចាំបាច់សម្រាប់SouthOssetiaដើម្បីចូលរួមជាមួយរុស្ស៊ីនឹងត្រូវបញ្ចប់នៅថ្ងៃទី១០ខែមេសាស្របពេលជាមួយនឹងការបោះឆ្នោតជ្រើសរើសមេដឹកនាំក្នុងតំបន់។Georgiaគឺជាអតីតប្រទេសសូវៀតនៅក្នុងតំបន់Caucasusដែលមានព្រំប្រទល់ជាប់នឹងប្រទេសរុស្ស៊ីនៅភាគខាងជើង។
សូមបញ្ជាក់ថាទំនាក់ទំនងរវាងប្រទេសរុស្ស៊ី-ហ្សកហ្ស៊ី(Georgia) មានភាពតានតឹងចាប់តាំងពីជម្លោះយោធាផ្ទុះឡើងក្នុងខែសីហាឆ្នាំ២០០៨នៅពេលដែលGeorgiaបានលុកលុយតំបន់Abkhazia និង South Ossetiaដែលចង់ដាច់ចេញពីហ្សកហ្ស៊ី ។ប្រទេសរុស្ស៊ីបានចាប់ផ្តើមយុទ្ធនាការអន្តរាគមន៍យោធានៅហ្សកហ្ស៊ីនៅថ្ងៃទី៨ខែសីហាឆ្នាំ២០០៨ហើយបានបញ្ចប់បន្ទាប់ពីការប្រយុទ្ធគ្នារយៈពេល៥ថ្ងៃ។ដូចប្រទេសអ៊ុយក្រែនមដែប្រទេសGeorgiaបានទទួលរងការខាតបង់យ៉ាងធ្ងន់ធ្ងរទាក់ទងនឹងកងកម្លាំងនិងហេដ្ឋារចនាសម្ព័ន្ធការពារជាតិ។
រុស្ស៊ីទទួលស្គាល់ឯករាជ្យភាពរបស់ងាបខាស៊ី( Abkhazia) និង South Ossetia ។ប៉ុន្តែសហគមន៍អន្តរជាតិភាគច្រើនមិនចាត់ទុកថាវាស្របច្បាប់ទេ។រុស្សីរក្សាវត្តមានយោធានៅ AbkhaziaនិងSouthOssetiaដោយទទូចថានេះជាសកម្មភាពមួយស្របតាមការចង់បានរបស់ប្រជាជនក្នុងតំបន់។ ទោះបីជាយ៉ាងណាក៏ដោយ អាជ្ញាធរGeorgia និងលោកខាងលិចបានជំទាស់ ដោយហៅវាថាជា “ការលុកលុយខុសច្បាប់”។ រុស្ស៊ី និងហ្សកហ្ស៊ី(Georgia)បានផ្តាច់ទំនាក់ទំនងការទូតពីគ្នា៕យោងតាមTASS