វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 562 នាក់
ម្សិលមិញ 6501 នាក់
សរុប 13949117 នាក់
ឥណ្ឌា៖តំណាងរាស្ត្រឥណ្ឌាម្នាក់មកពីគណបក្សកាន់អំណាចកាលពីថ្ងៃពុធទី១១កក្កដា ត្រូវបានចោទប្រកាន់ពីបទចាប់រំលោភក្មេងស្រីជំទង់ម្នាក់ បង្កឱ្យមានភាពអាម៉ាស់ដល់រដ្ឋាភិបាលរបស់នាយករដ្ឋមន្ត្រី ណារិនដ្រា ម៉ូឌី ដោយសារអំពើហិង្សាផ្លូវភេទកន្លងមកបង្កឱ្យមានការតវ៉ានៅតាមផ្លូវ។
ការរំលោភសេពសន្ថវៈមានជាង១០០ករណីត្រូវបានរាយការណ៍ ជារៀងរាល់ថ្ងៃនៅប្រទេសឥណ្ឌា ប៉ុន្តែករណីរបស់សមាជិកសភារូបនេះនេះ ត្រូវបានពួកអ្នករិះគន់ចោទប្រកាន់ គណបក្សបារ៉ាទីយ៉ា ចាណាតា (Bharatiya Janata) របស់លោក ម៉ូឌី នៅរដ្ឋអ៊ូតថាប្រាដេស ថាបានរារាំងចំណាត់ការរបស់តុលាការប្រឆាំងសមាជិកសភាជើងចាស់នេះ។
សូមបញ្ជាក់ថាលោក គុលឌីប ស៊ីង សេងហ្គា សមាជិកសភារូបនេះ ត្រូវបានចាប់ខ្លួនកាលពីខែមេសាឆ្នាំ២០១៨ពាក់ព័ន្ធនឹងការចាប់រំលោភក្មេងជំទង់ម្នាក់ នៅទីក្រុងអាន់ណាវ ក្នុងរដ្ឋអ៊ូតថាប្រាដេស គឺមួយឆ្នាំក្រោយពីការចាប់រំលោភនេះ។អាស្រ័យដោយមានការតវ៉ាខ្លាំងនៅតាមទីក្រុងនៅទូទាំងប្រទេសឥណ្ឌាអំពាវនាវឱ្យមានចំណាត់ការតឹងរ៉ឹងចំពោះសកម្មភាពរំលោភនោះ ក្រុមអាជ្ញាធរនៅរដ្ឋនេះបានប្រគល់ការស៊ើបអង្កេតនេះទៅឱ្យការិយាល័យស៊ើបអង្កេតសហព័ន្ធប៉ូលិស។
លោក អាឃេ ស៊ីង ជាមេធាវីរបស់សមាជិកសភារូបនេះនេះ បាននិយាយការេពារកាលពីខែមេសាថា កូនក្តីរបស់លោកមិនមានទោសកំហុសទេ ហើយថាករណីនេះ ជាការឃុបឃិតគ្នាដើម្បីធ្វើឱ្យមានបញ្ហាដល់អាជីពនយោយបាយរបស់លោក៕