វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1242 នាក់
ម្សិលមិញ 9706 នាក់
សរុប 14079485 នាក់
តៃវ៉ាន់បាននិយាយកាលពីថ្ងៃទី៧ខែវិច្ឆិកាថាយន្តហោះចម្បាំងចិនចំនួន២០គ្រឿងបានចូលមកជិតកោះនេះក្នុងរយៈពេល២៤ម៉ោង។យោងតាមការប្រកាសរបស់ទីភ្នាក់ងារការពារជាតិតៃវ៉ាន់នៅល្ងាចថ្ងៃទី៦ខែវិច្ឆិកា យន្តហោះចម្បាំងចិនចំនួន១៦គ្រឿងក្នុងនោះមាន J-16 ចំនួន ១០ គ្រឿង និង J-10 ចំនួន៦គ្រឿង បានចូលទៅក្នុងតំបន់កំណត់អត្តសញ្ញាណការពារដែនអាកាស(ADIZ) ស្ថិតនៅភាគនិរតីនៃកោះកោះDongsha ។
ចាប់ពីថ្ងៃទី ១៦ខែតុលាដល់ថ្ងៃទី ៥ខែវិច្ឆិកា ប្រទេសចិនបានបន្តដាក់ពង្រាយយន្តហោះចម្បាំងនៅជិតកោះតៃវ៉ាន់ស្ទើរតែរាល់ថ្ងៃ លើកលែងតែថ្ងៃទី២៣ខែតុលាថ្ងៃទី៣០ខែតុលានិងថ្ងៃទី៣ខែវិច្ឆិកា ដែលនៅក្នុងកំណត់ត្រាគឺ៨យន្តហោះ។ការបិទជុំវិញកោះតៃវ៉ាន់ដោយយន្តហោះចម្បាំងចិនចំនួន១៦គ្រឿងកាលពីថ្ងៃទី ៦ ខែវិច្ឆិកា បានកើតឡើងមួយថ្ងៃបន្ទាប់ពីគណៈប្រតិភូសភាអឺរ៉ុបបានបញ្ចប់ដំណើរទស្សនកិច្ចរយៈពេល៣ថ្ងៃទៅកាន់ទីក្រុងតៃប៉ិ។សមាជិកសភាអឺរ៉ុបកាលពីថ្ងៃទី៥ខែវិច្ឆិកាបានប្រកាសថា ដំណើរទស្សនៈកិច្ចទៅកាន់កោះតៃវ៉ាន់ មិនមែនជាការបង្កហេតុដល់ប្រទេសចិននោះទេព្រោះការសម្រេចចិត្តនេះធ្វើឡើងដោយផ្អែកលើផលប្រយោជន៍របស់ពលរដ្ឋអឺរ៉ុប។
មុននោះ នាថ្ងៃទី ២១ ខែតុលា សមាជិកសភាសហភាពអឺរ៉ុប (EU) បានបោះឆ្នោតអនុម័តដំណោះស្រាយមិនជាប់កាតព្វកិច្ចមួយដោយអំពាវនាវឱ្យគណៈកម្មការអឺរ៉ុប (EC) ចាត់វិធានការចាំបាច់ទាក់ទងនឹងកិច្ចព្រមព្រៀងវិនិយោគជាមួយតៃវ៉ាន់ក៏ដូចជាការពង្រឹងទំនាក់ទំនងជាមួយកោះនេះ។ដំណោះស្រាយនេះក៏អំពាវនាវឱ្យសភាពាណិជ្ជកម្មសហភាពអឺរ៉ុបនៅទីក្រុងតៃប៉ិផ្លាស់ប្តូរឈ្មោះរបស់ខ្លួនទៅជាការិយាល័យសហភាពអឺរ៉ុបនៅតៃវ៉ាន់។អ្នកនាំពាក្យក្រសួងការបរទេសចិនលោក Wang Wenbin ភ្លាមៗបានសម្តែងការប្រឆាំងរបស់ទីក្រុងប៉េកាំងចំពោះ “អន្តរាគមន៍បរទេសណាមួយនៅក្នុងតៃវ៉ាន់”។
ទាក់ទងបញ្ហានេះក្រសួងការពារជាតិរបស់កោះតៃវ៉ាន់បានព្រមានកាលពីថ្ងៃអង្គារទី៩វិច្ឆិកាថាប្រទេសចិនមានសមត្ថភាពបិទខ្ទប់កំពង់ផែនិងអាកាសយានដ្ឋានសំខាន់ៗរបស់តៃវ៉ាន់ដើម្បីកាត់ផ្តាច់ទំនាក់ទំនងដឹកជញ្ជូនសំខាន់ៗ។
តៃវ៉ាន់រស់នៅក្រោមការគំរាមកំហែងលុកលុយពីចិនឥតឈប់ឈរ ព្រោះចិនមើលឃើញកោះប្រជាធិបតេយ្យគ្រប់គ្រងដោយខ្លួនឯងនេះជាផ្នែកមួយនៃទឹកដីរបស់ខ្លួនហើយនឹងត្រូវយកមកវិញដោយកម្លាំងបាយ ប្រសិនបើចាំបាច់។ទីក្រុងប៉េកាំងបានបង្កើនសម្ពាធខ្លាំងឡើងរួមទាំងការហោះយន្តហោះចម្បាំងចូលអ្វីដែលតៃវ៉ាន់អះអាងថាជាដែនអាកាសរបស់ខ្លួនជាច្រើនលើកច្រើនសា ចាប់តាំងពីលោកស្រី សៃ អ៊ីងវិនបានក្លាយជាប្រធានាធិបតីតៃវ៉ាន់ក្នុងឆ្នាំ ២០១៦ ខណៈលោកស្រីចាត់ទុកកោះនេះជាប្រទេសអធិបតេយ្យនិងមិនមែនជាផ្នែកនៃ “ចិនតែមួយ”។
ក្រសួងយោធាតៃវ៉ាន់បាននិយាយនៅក្នុងរបាយការណ៍ចេញរាល់ពីរឆ្នាំម្តងកាលពីថ្ងៃអង្គារថា ទីក្រុងប៉េកាំងកំពុងពង្រឹងសមត្ថភាពវាយប្រហារតាមផ្លូវអាកាស សមុទ្រ និងដីគោកប្រឆាំងនឹងកោះនេះ។ សមត្ថភាពទាំងនោះរួមមាន “ការបិទខ្ទប់កំពង់ផែសំខាន់ៗ អាកាសយានដ្ឋាន និងផ្លូវហោះហើរទៅក្រៅប្រទេសដើម្បីកាត់ផ្តាច់ទំនាក់ទំនងផ្លូវអាកាសនិងផ្លូវសមុទ្ររបស់យើង”។របាយការណ៍ព្រមានដែរថា ចិនមានសមត្ថភាពវាយប្រហារកោះតៃវ៉ាន់ទាំងអស់ជាមួយនឹងអាវុធមីស៊ីលរបស់ខ្លួន រួមទាំងប្រភេទមីស៊ីលឆ្លងទ្វីបនិងមីស៊ីលបញ្ជាទិសហើយថែមទាំងបង្កើនសមត្ថភាពរបស់ខ្លួនក្នុងការវាយសម្រុកឡើងដីគោកនៃកោះតៃវ៉ាន់ផងដែរ។ទោះជាយ៉ាងណាការប្រកាសជាចំហរបែបនេះបើតាមយុទ្ធសាស្ត្រយោធាបង្ហាញថាតៃវ៉ាន់បានត្រៀមទប់ទល់រួចទៅហើយ!។
រដ្ឋមន្ត្រីការពារជាតិតៃវ៉ាន់បានព្រមានកាលពីខែមុនថា ភាពតានតឹងផ្នែកយោធាជាមួយចិនមានកម្រិតខ្ពស់បំផុតក្នុងរយៈពេលបួនទសវត្សរ៍បន្ទាប់ពីការលុកលុយដោយយន្តហោះចម្បាំងចិនក្នុងចំនួនឯតទគ្គម្មចូលទៅក្នុងតំបន់កំណត់អត្តសញ្ញាណការពារដែនអាកាសរបស់កោះនេះ។ប្រធានាធិបតី Tsai Ing-wen កាលពីសប្តាហ៍មុនបានបញ្ជាក់ជាលើកដំបូងថាទាហានអាមេរិកមានវត្តមាននៅលើកោះនេះ ។ប៉ុន្តែបានទទូចថាចំនួនទាហានមិនមានច្រើនដូចមនុស្សគិតនោះទេ។
ការប្រកាសនេះបន្ទាប់ពីសហរដ្ឋអាមេរិកបានគាំទ្រជាថ្មីនូវ “ការប្តេជ្ញាចិត្តមិនងាករេ” របស់ខ្លួនក្នុងការគាំទ្រវិស័យការពារជាតិរបស់តៃវ៉ាន់និងបានសម្តែងការគាំទ្រចំពោះការចូលជាសមាជិករបស់កោះនេះទៅកាន់អង្គការអន្តរជាតិ។ទង្វើនេះរបស់ក្រុងវ៉ាស៊ីនតោនត្រូវបានចិនជំទាស់។ការិយាល័យកិច្ចការតៃវ៉ាន់នៅទីក្រុងប៉េកាំងកាលពីឆ្នាំមុនទីក្រុងប៉េកាំងបានប្រកាសថាខ្លួនកំពុងដាក់ក្នុងបញ្ជីខ្មៅ “ក្រុមផ្តាច់ខ្លួនតៃវ៉ាន់”និងអ្នកគាំទ្រផ្នែកហិរញ្ញវត្ថុរបស់ពួកគេ៕