វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7811 នាក់
ម្សិលមិញ 5020 នាក់
សរុប 14123258 នាក់
ថៃ៖ នៅថ្ងៃចន្ទទី០២ខែកញ្ញានេះនាវាចម្បាំង៨គ្រឿង យន្តហោះ៤គ្រឿងនិងកងទ័ពជាងមួយពាន់នាក់មកពីសហរដ្ឋអាម៉េរិកនិងក្រុមប្រទេសអាស៊ីអាគ្នេយ៍(អាស៊ាន)១០ប្រទេស បានចូលរួមសមយុទ្ធសមុទ្ររួម ដែលធ្វើចូលរហូតដល់សមុទ្រចិនខាងត្បូងដែលមានជម្លោះ។សមយុទ្ធសមុទ្រអាស៊ាន-អាម៉េរិក(AUMX)លើកទីមួយរវាងប្រទេសក្នុងតំបន់និងរដ្ឋាភិបាលក្រុងវ៉ាស៊ីនតោននេះ មានរយៈពេល៥ថ្ងៃដោយចាប់ផ្តើមធ្វើនៅមូលដ្ឋានកងទ័ពជើងទឹកSattahip នៅប្រទេសថៃ និងបញ្ចប់នៅប្រទេសសិង្ហបុរី។
សមយុទ្ធនេះធ្វើឡើងក្នុងពេលដែលមានការចូលពាក់ព័ន្ធច្រើនឡើងរបស់អាម៉េរិកនៅក្នុងតំបន់ហើយកើតឡើងស្របពេលមានភាពតានតឹងរវាងរដ្ឋាភិបាលក្រុងប៉េកាំងនិងក្រុមប្រទេសអាស៊ីអាគ្នេយ៍អំពីសមុទ្រចិនខាងត្បូងដែលផ្នែកខ្លះនៃសមុទ្រនេះ ត្រូវបានទាមទារកាន់កាប់ដោយប្រទេសព្រុយណេ ម៉ាឡេស៊ី វៀតណាមនិងហ្វីលីពីន។
ថ្លែងនៅក្នុងពិធីបើកផ្លូវការ នាយសេនាធិការកងទ័ពជើងទឹកថៃ បានលើកឡើងថា សមយុទ្ធរួមគ្នានេះធ្វើឡើងក្នុងគោលដៅពង្រឹងសមត្ថភាពរបស់អាស៊ាន នៅក្នុងការប្រឈមនឹងគ្រោះមហន្តរាយធម្មជាតិ ក៏ដូចជាទប់ទល់នឹងការគំរាមកំហែងផ្នែកសន្តិសុខតាមផ្លូវសមុទ្រ ។តែថា វាមិនជាប់ពាក់ព័ន្ធអ្វីទៅនឹងជម្លោះនៅក្នុងសមុទ្រចិនខាងត្បូងនោះទេ ដោយសមយុទ្ធនេះមិនមានការហាត់សមប្រតិបត្តិការសឹកណាមួយនោះទេ។
លោក Joey Tynch ឧត្តមនាវីអាម៉េរិក បាននិយាយថា” សមយុទ្ធAUMX នេះជួយបង្កើនការការពារសន្តិសុខសមុទ្រឱ្យប្រសើរឡើងក្នុងការពង្រឹកវិស័យការពារសមុទ្ររបស់អាស៊ាន និងការពារផលប្រយោជន៍រួមរបស់យើងដើម្បី ” តំបន់ឥណ្ឌូ-ប៉ាស៊ីហ្វិចសេរីភាពនិងបើកចំហ។ “ឥណ្ឌូប៉ាស៊ីហ្វិកសេរីនិងបើកចំហ” (Free and Open Indo-Pacific) គឺជាយុទ្ធសាស្ត្រថ្មីមួយ ដែលអាមេរិកទើបនឹងបានដាក់ចេញ កាលពីឆ្នាំ២០១៧កន្លងទៅ ក្នុងគោលដៅធ្វើយ៉ាងណាទប់ទល់នឹងការពង្រីកឥទ្ធិពលរបស់ចិននៅក្នុងតំបន់៕