វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5839 នាក់
ម្សិលមិញ 5378 នាក់
សរុប 14085132 នាក់
ថៃ៖ ជនជាតិថៃ ៣ នាក់ និងខ្មែរយើងចំនួន ៣១ នាក់ដែលធ្វើដំណើរខុសច្បាប់ តាមរថយន្តម៉ាក Pickup ៣ គ្រឿងនៅស្រុក Khok Sung នៃខេត្ត Sa Kaeo កាលពីព្រឹកថ្ងៃសៅរ៍ទី២១មិថុនាត្រូវបានសមត្តកិច្ចថៃចាប់ឃាត់ខ្លួន។
តែអ្នកបើកបរយានយន្ត ៤ នាក់ផ្សេងទៀតបានរត់គេចខ្លួន។អ្នកបើកឡានជនជាតិថៃទាំង ៣ ទី១: ឈ្មោះ Yotha Nadkhiew អាយុ ៣៩ ឆ្នាំរស់នៅស្រុក Khok Sung; ទី២: ឈ្មោះ Manas Tachai អាយុ ៤២ ឆ្នាំរស់នៅ Bang Bua Thong ក្នុងខេត្ត Nonthaburi; និង ទី៣: ឈ្មោះ Khanakorn Niyomthat អាយុ ១៩ រស់នៅក្នុងស្រុក Muang ខេត្ត Ratchaburiត្រូវបានចោទប្រកាន់ពីបទជួយពលករចំណាកស្រុកខុសច្បាប់ ។
កាសែតបាងកកប៉ុស្តិឲ្យដឹងថា លោក Kittipong Sommana ជំនួយការស្រុក Khok Sung បាននិយាយថាក្រុមប៉ូលីសមន្ត្រីមូលដ្ឋាន និងក្រុមអ្នកស្ម័គ្រចិត្តការពារត្រូវបានដាក់ពង្រាយទៅកាន់ប៉ុស្តិ៍ត្រួតពិនិត្យភូមិ Khok Samakkhi បន្ទាប់ពីទទួលបានព័ត៌មានថាជនចំណាកស្រុកកម្ពុជាខុសច្បាប់នឹងចូលមកប្រទេសថៃតាមផ្លូវនេះ។
ក្រោយមកបានប្រទះឃើញរថយន្ដម៉ាក Pickup ចំនួន ៧ គ្រឿងក្នុងនោះ ៤ គ្រឿងបានបើកចេញ ពីចំណុចត្រួតពិនិត្យ។ លោក Kittipong បាននិយាយថាក្រុមមន្ត្រីបានស្ទាក់ចាប់រថយន្តភីកអាប់ ៣ គ្រឿងផ្សេងទៀត។ ក្រុមការងារក៏បានរកឃើញជនជាតិខ្មែរសរុបចំនួន ៣១ នាក់ស្ថិតនៅក្នុងយានយន្ត។ គ្មាននរណាម្នាក់ក្នុងចំណោមពួកគេមានឯកសារអនុញ្ញាតអោយចូលទេ ។តាមច្បាប់ថៃគឺត្រូវជាប់គុកព្រោះសម័យកូវិដផង!។
រថយន្តដែលដឹកជនអន្តោប្រវេសន៍កម្ពុជាខុសច្បាប់ចំនួន ៣១ នាក់ជនចំណាកស្រុកបានប្រាប់មន្ត្រីថា ពួកគេបានឆ្លងចូលប្រទេសថៃនៅឯភូមិតាមព្រំដែនមួយក្នុងស្រុក Khok Sung ហើយបន្ទាប់មកបានចូលទៅក្នុងឡានដឹកទំនិញ។ ពួកគេត្រូវបានប្រគល់ឱ្យនគរបាលស្រុក Khok Sung ដើម្បីចាត់ការតាមច្បាប់។