វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1884 នាក់
ម្សិលមិញ 6501 នាក់
សរុប 13950439 នាក់
ភ្នំពេញ ៖ពីរនាក់ប្ដីប្រពន្ធត្រូវកម្លាំងប្រដាប់អាវុធ១ក្រុមតូចធ្វើស៊ីទាំងយប់នៅផ្ទះជួលផ្លូវវ៉េងស្រេងភូមិដំណាក់ធំសង្កាត់ស្ទឹងមានជ័យ៣ខណ្ឌមានជ័យដោយចោទថាជួញគ្រឿងញៀនហើយបានបង្ខំឲ្យយកម៉ូតូហុងដាឌ្រីម ស៊េរីឆ្នាំ២០២០ទៅបញ្ចាំនៅឃ្លាំងរំសេវ ដើម្បីយកលុយ៦០០$មកឲ្យពួកគេ។
បុគ្គលម្នាក់បានយកឈ្មោះអាវុធហត្ថមកប្រើ រួមជាមួយបក្ខពួក៥-៦នាក់ទៀត បានមកធាក់ទ្វារឲ្យបើកនិងយកគ្រឿងញៀនទៅទម្លាក់លើប្ដីប្រពន្ធខាងលេីកាលពីវេលាម៉ោងជាង១២រំលងអាធ្រាត្រឈានចូលថ្ងៃទី២៦ ខែសីហា ឆ្នាំ២០២១។ជនរងគ្រោះជាប្ដីមានឈ្មោះ ដេត កុសល អាយុ៣០ឆ្នាំ មុខរបរកម្មកររោងចក្រ ស្នាក់នៅផ្ទះកេីតហេតុ ។
បុរសរងគ្រោះបានប្រាប់ឱ្យដឹងថា រឿងហេតុនោះគឺនៅយប់ថ្ងៃកើតហេតុ រូបគាត់និងប្រពន្ធបាននៅក្នុងបន្ទប់ជួលកន្លែងកេីតហេតុខាងលេី ហេីយរៀបនិងសម្រាកទៅហើយ ក៏ស្រាប់តែមានបុគ្គលម្នាក់មកគោះផងធាក់ទ្វារផងឲ្យបើក ហេីយប្រាប់ថាខ្លួនគេជាអាវុធហត្ថ។ បន្ទាប់មកក៏មានបក្ខពួក៥ទៅ៦នាក់ទៀតបានចូលមកក្នុងបន្ទប់គាត់រួចទម្លាក់គ្រឿងញៀន១កញ្ចប់តូចមកឲ្យគាត់ និងធ្វេីសកម្មភាពចាប់វាយខ្នោះគាត់ព្រមទាំងថតរូបគាត់ជាប់ជាមួយគ្រឿងញៀនថែមទៀតផង ។ ក្រោយពីចាប់វាយខ្នោះរូបគាត់ហើយ ពួកទាំងនោះបានឲ្យរូបគាត់និងប្រពន្ធយកលុយ៥០០$ដេីម្បីជាថ្នូរសម្រាប់ដោះលែង តែគាត់មិនមានលុយ ពួកគេក៏បង្ខំឲ្យគាត់យកម៉ូតូមួយគ្រឿងទៅបញ្ចាំនៅឃ្លាំងរំសេវបានប្រាក់៥៥០$មកឲ្យ ។ ដោយពួកគេមិនអស់ចិត្តក៏ឱ្យរូបគាត់ទៅយក១០០$ទៀត និងគំរាមឲ្យរេីអីវ៉ាន់ចេញពីផ្ទះជួលទាំងយប់ដេីម្បីកុំឲ្យមានរឿងវែងឆ្ងាយ ។
លុះព្រឹកឡេីងថ្ងៃទី២៦ ខែសីហា ឆ្នាំ២០២១ ប្ដីប្រពន្ធទាំង២នាក់កើតទុក្ខមិនសុខចិត្ត ក៏សម្រេចចិត្តឲ្យសមត្ថកិច្ចមូលដ្ឋានប៉ុស្ដិ៍នគរបាលរដ្ឋបាលស្ទឹងមានជ័យទី៣ជួយដោះស្រាយនិងរកយុត្តិធម៌ឲ្យវិញ ។នគរបាលប៉ុស្ដិ៍ស្ទឹងមានជ័យទី៣ បានចុះទៅសួរនាំ និងឱ្យជនរងគ្រោះទៅដាក់ពាក្យបណ្ដឹងនៅប៉ុស្ដិ៍ដេីម្បីធ្វើការស្រាវជ្រាវដោះស្រាយតាមជំនាញ ។ ក្រោយពីដឹងដល់នគរបាល ស្រាប់តែមានបុគ្គលផ្សេងដែលមិនបញ្ចេញមុខបានអះអាងថា នឹងមានគេយកលុយគ្រប់ចំនួន និងការប្រាក់មកឲ្យប្ដីប្រពន្ធជនរងគ្រោះវិញដេីម្បីបញ្ចប់រឿង។
ករណីនេះ ពលរដ្ឋរស់នៅក្បែរទីតាំងកេីតហេតុបានស្នេីសុំលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ ជួយចាត់កម្លាំងជំនាញធ្វើការស្រាវជ្រាវឃាត់ខ្លួនជនខិលខូចទាំងនោះយកមកផ្ដន្ទាទោសឲ្យខាងតែបានផង ។