វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1009 នាក់
ម្សិលមិញ 10264 នាក់
សរុប 14140191 នាក់
ខេត្តព្រះសីហនុ៖ សពក្មេងស្រី អាយុ១៣ឆ្នាំនេះ ត្រូវបានក្រុមការងារ និងអាជ្ញាធរក្រុងព្រះសីហនុ រកឃើញនៅម៉ោងជាង៧ព្រឹកថ្ងៃទី ២២ ខែតុលា ។ លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុ បានឱ្យដឹងថា ក្រុមមន្ត្រីជំនាញបានធ្វើកុសលវិច័យលើសពក្មេងស្រីនេះហើយ ដោយរកឃើញថាពិតជាស្លាប់ដោយសារលងទឹកមែន ។ សពក្មេងស្រីត្រូវបានប្រគល់ទៅឱ្យក្រុមគ្រួសារនៃសពយកទៅធ្វើបុណ្យតាមប្រពៃណី។
សូមបញ្ជាក់ថានៅថ្ងៃទី២១ ខែតុលា ឆ្នាំ២០២០ លោក គួច ចំរើន អភិបាល ខេត្តព្រះសីហនុ បានចុះដឹកនាំបញ្ជាផ្ទាល់ ក្នុងប្រតិបត្តិការស្វែងរកក្មេងស្រីម្នាក់ ដែលបានរអិលជើងធ្លាក់ចូលទៅក្នុងល្បាក់ទឹក នៃតំបន់រមណីយដ្ឋានទឹកធ្លាក់ក្បាលឆាយ ស្ថិតនៅសង្កាត់១ ក្រុងព្រះសីហនុ ខេត្តព្រះសីហនុ។
ក្មេងស្រីរងគ្រោះមានឈ្មោះ រឿង បញ្ញា អាយុ១៣ឆ្នាំ មុខរបរសិស្ស រៀននៅខេត្តបាត់ដំបង បច្ចប្បន្នស្នាក់បណ្ដោះអាសន្ននៅអូរ៥ ស្ថិតភូមិ៥ សង្កាត់៤ ក្រុង.ខេត្តព្រះសីហនុ។
ប្រតិបត្តិការស្វែងរកក្មេងស្រីខាងលើ គឺធ្វើឡើងនៅវេលាម៉ោង០២រសៀល បន្ទាប់ពីទទួលបានព័ត៌មានភ្លាមៗពីក្រុមគ្រួសារក្មេងស្រីរងគ្រោះ ដោយធ្វើប្រើប្រាស់កម្លាំងសរុប របស់ខេត្តធ្វើការរុករកនៅលើទីតាំងដែលក្មេងស្រីខាងលើរអិលជើងធ្លាក់ចូល និងទីតាំងផ្សេងទៀត រហូតដល់ម៉ោង១៨ និង០០នាទីយប់ នៅតែមិនទាន់រកឃើញ។
ដោយសារស្ថានភាពយប់ងងឹត និងល្បឿនទឹកធ្លាក់បោកចុះខ្លាំង ទើបលោកអភិបាលខេត្ត សម្រេចដកកម្លាំងកំពុងធ្វើការរុករកឡើងមកលើគោកវិញ ដើម្បីការពារសុវត្ថិភាពរបស់ក្រុមជួយសង្គ្រោះរបស់យើងនិងបន្តនៅព្រឹកស្អែកទៀត។