វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 201 នាក់
ម្សិលមិញ 5304 នាក់
សរុប 14139727 នាក់
ភ្នំពេញ៖ កាលពីពេលថ្មីៗមានករណី ស្ត្រីម្នាក់ជិះម៉ូតូ ដឹកកូន២នាក់ ទៅលួចបេះស្លឹកសាវម៉ាវ ពីចំការរបស់គេដើម្បីយកទៅដាក់តាំងលក់ ជាមួយសាវម៉ាវរបស់ខ្លួន ព្រោះទិញពីស្រែអំបិលមក គេមិនអោយស្លឹកទេ។
ម្ចាស់ចំការខឹងនឹងស្ត្រីរូបនេះខ្លាំងពេក បានដកយកសោរម៉ូតូទុក លុះត្រាតែស្ត្រីរូបនេះ យកស្លឹកសាវម៉ាវ ទៅទុកកន្លែងដើមវិញ ទើបម្ចាស់ចំការសាវម៉ាវ ប្រគល់សោរម៉ូតូឲ្យវិញ។មូលហេតុម្ចាស់ចំការ បានចេញមុខបញ្ជាក់ពីមូលហេតុដែលគាត់ធ្វើបែបនេះហើយ កាលពីថ្ងៃទី ០៧ ខែសីហា ឆ្នាំ ២០២០ ដោយលោកបានរៀបរាប់ថាព្រោះតែចង់ឲ្យអាជីវករ ជាពិសេសនៅខេត្តកំពត ទឹកឈូ ចង់ឲ្យគាត់យល់ថា ទី១ ការលក់ដូររកស៊ី ឲ្យមានភាពស្មោះត្រង់ ជាមួយបងប្អូនប្រជាពលរដ្ឋយើងទាំងអស់គ្នា មានន័យថាបើសិនជាយើងលក់ផ្លែឈើរបស់ខ្មែរយើង យើងប្រាប់ថារបស់ខ្មែរយើង កុំយករបស់យួន របស់ថៃ ហើយយកមែកសាវម៉ាវខ្ញុំទៅបន្លំគេ អាហ្នឹងវាមិនល្អទេ…។
តែសម្រាប់អ្នកលេងបណ្តាញសង្គមក្រោយឃើញវីដេអូមួយនេះហើយ ធ្វើឲ្យមហាជនជាច្រើន មានក្តីអាណិតស្ត្រីរូបនេះជាខ្លាំង ហើយមានចិត្តខឹង នឹងម្ចាស់ចំការនេះ ផងដែរ មិនគួរណាមានចិត្តកំណាញ់ដល់ថ្នាក់នេះ?។
ទោះបីយ៉ាងណាអ្នកស្រីទ្រីដាណាថៅកែហាងមាសពេជ្រ នៅថ្ងៃទី ១១ ខែសីហា ឆ្នាំ ២០២០ បានជួបស្ត្រីដែលលួចបេះស្លឹកសាវម៉ាវ ពីចំការគេហើយ បានស្តាប់ហើយពិតជាមានអារម្មណ៍ខ្លោចចិត្តខ្លាំងណាស់ ដល់ថ្នាក់ធ្វើឲ្យអ្នកខ្លះទប់អារម្មណ៍លែងជាប់ក៏យំតាមស្ត្រីនេះ។ព្រោះតែក្តីអាណិត ថៅកែហាងពេជ្រ គឺលោកស្រី ទ្រី ដាណា បានជូនថវិការហូតដល់ទៅ ១៧០០ដុល្លារ (៧០០សម្រាប់ទិញម៉ូតូ និង ១០០០ដុល្លារ សម្រាប់ទុកធ្វើដើមទុនរកស៊ី)។