វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 53 នាក់
ម្សិលមិញ 5378 នាក់
សរុប 14079346 នាក់
កូរ៉េខាងត្បូង៖ មន្ត្រីសុន្តិសុខកំពូលៗ នៅក្នុងប្រទេសកូរ៉េខាងត្បូង បានបើកកិច្ចប្រជុំបន្ទាន់មួយ នៅថ្ងៃអាទិត្យទី១៤មិថុនា ដើម្បីពិភាក្សាអំពីការព្រមានជាបន្តបន្ទាប់ ពីសំណាក់កូរ៉េខាងជើងរួមទាំងទាំងការប្រើកម្លាំងយោធា ដែលកំពុងបង្កឱ្យមានភាពតានតឹងរឹតតែខ្លាំងនៅលើឧបទ្វីបកូរ៉េ។
ទីភ្នាក់ងារព័ត៌មានយ៉ុនហាបរបស់កូរ៉េខាងត្បូងឲ្យដឹងថាកិច្ចប្រជុំបន្ទាន់ខាងលើដឹកនាំដោយនាយកទីប្រឹក្សាសុន្តិសុខជាតិកូរ៉េខាងត្បូង លោកជុងអួយយ៉ុង( Chung Eui-yong )ធ្វើឡើងបន្ទាប់ពីអ្នកនាង គីម យូ ជុង (Kim Yo Jong) ប្អូនស្រី មេដឹកនាំកូរ៉េខាងជើង លោក គីម ជុងអ៊ុន បានព្រមានជាថ្មីម្ដងទៀតថាទីក្រុង ព្យុងយ៉ាង នឹងចាត់វិធានការសងសឹក ក្នុងនោះរួម មានទាំងសកម្មភាពយោធា ប្រឆាំងនឹងការបង្ហោះសារប្រមាថ និងរិះគន់លោក គីម ដោយប្រជាជនកូរ៉េខាងជើង ដែលកំពុងរស់នៅជ្រកកោននៅលើទឹកដីកូរ៉េខាងត្បូង(ដែលភាគីកូរ៉ខាងជើងចាត់ទុកថាជាការប៉ះពាល់គោលនយោបាយនោងមនោគមវិជ្ជាបក្សកុំមុនិស្ត)។
នៅក្នុងសេចក្ដីថ្លែងការណ៍មួយចេញផ្សាយដោយសារព័ត៌មាន KCNAអ្នកនាង គីម យូជុង បានគូសបញ្ជាក់ ដូច្នេះថា៖ «តាមរយៈការអនុវត្តអំណាចរបស់ខ្ញុំ ដោយមានការ អនុញ្ញាតពីមេដឹកនាំកំពូល, គណបក្ស និងរដ្ឋរបស់យើង ខ្ញុំបានផ្ដល់ការណែនាំទៅកាន់…នាយកដ្ឋានទទួលបន្ទុកកិច្ចការជាមួយសត្រូវ ដើម្បីចាត់វិធានការជាជំហានបន្ទាប់»។ វិធានការជំហានបន្ទាប់មិនត្រូវបានអ្នកនាង គីម បញ្ជាក់ឱ្យច្បាស់នោះទេ ប៉ុន្តែបើតាមទីភ្នាក់ងារពត៍មានកូរ៉េខាងចើង( KCNA ))វិធានការទាំងនោះក៏រួមមានទាំងជម្រើសយោធាផងដែរ។
នៅថ្ងៃទី១៥មិថុនានេះដែរប្រធានាធិបតីកូរ៉េខាងត្បូង មូន ជេអុន បានចេញមុខអំពាវនាវដល់កូរ៉េខាងជើងបញ្ឈប់សកម្មភាពដែលធ្វើឲ្យប្រទេសទាំងពីរប្រឈមមុខតានតឹងសារជាថ្មី។ ការអំពាវនាវរបស់ប្រធានាធិបតីមូន ជេអុីនក្រោយពេលមេដឹកនាំកូរ៉េខាងជើងព្រមានកាត់ផ្តាច់រាល់ទំនាក់ទំនងជាមួយកូរ៉េខាងត្បូង។នៅក្នុងសន្និសីទកាសែត នៅថ្ងៃទី១៥ ខែមិថុនា ប្រធានាធិបតី មូន ជេអុីនបានលើកឡើងថា លោកពិតជាសោកស្តាយយ៉ាងខ្លាំង ដែលទំនាក់ទំនងរវាងកូរ៉េខាងជើង នឹងអាមេរិក មិនមានការរីកចម្រើនដូចការចង់បាន។ ប៉ុន្តែលោកបានលើកឡើងថានេះជាពេលវេលាដែលកូរ៉េទាំងពីរចាំបាច់ត្រូវតែស្វែងរកចំណុចល្អដើម្បីបញ្ចប់ភាពជាប់គាំង។
ពាក់ព័ន្ធនឹងសេចក្តីប្រកាសរួមដែល ប្រធានាធិបតីកូរ៉េខាងត្បូង មូន ជេអ៊ីន និងមេដឹកនាំគីម ជុងអ៊ុន ពីរលើកកន្លងមកនៅព្រំដែន និងនៅទីក្រុងព្យុងយ៉ាងកាលពីឆ្នាំ២០១៨ លោកមូន បញ្ជាក់ថា«ពាក្យសន្យាពីសន្តិភាពនៅឧបទ្វីបកូរ៉េ របស់មេដឹកនាំគីម ជុងអ៊ុនបាននិយាយទៅកាន់ពលរដ្ឋ៨០លាននាក់គឺជារឿងមិនអាចក្រឡាស់បានឡើយ»។«កូរ៉េខាងជើង មិនគួរកាត់ផ្តាច់បណ្តាញទំនាក់ទំនងនៅព្រំដែនឡើយ អាចជំរុញឲ្យវិលត្រឡប់ទៅរកភាពតានតឹងដូចកាលពីអតីតកាល ។ ខ្ញុំសង្ឃឹមថា នឹងដោះស្រាយរាល់បញ្ហាប្រឈមមុខ តាមបណ្តាញទំនាក់ទំនងនោះ»។
គួរបញ្ជាក់ថា ភាពតានតឹងរវាងកូរ៉េខាងត្បូង និងកូរ៉េខាងជើង បានផ្ទុះឡើងខ្លាំងកាលពីសប្ដាហ៍មុន ក្រោយទីក្រុងព្យុងយ៉ាង ប្រកាសកាត់ផ្ដាច់ខ្សែទូរស័ព្ទបន្ទាន់ជាមួយទីក្រុង សេអ៊ូល ជាការសម្ដែងការខឹងសម្បារចំពោះរដ្ឋាភិបាលកូរ៉េខាងត្បូង ដែលបរាជ័យក្នុងការទប់ស្កាត់ការបង្ហោះសារប្រមាថ និងរិះគន់លោក គីម ជុងអ៊ុន ដោយប្រជាជន កូរ៉េខាងជើង ដែលកំពុងរស់នៅជ្រកកោននៅលើទឹកដីកូរ៉េខាងត្បូង។ កូរ៉េខាងជើងបានចាត់ទុកថា ការបណ្តែតបណ្តោយឲ្យរឿងបែបនេះកើតឡើង គឺជាការបំផ្លាញ ចោលនូវអ្វីៗដែលលោក មូន ចេអ៉ីន និងលោក គីម ជុងអ៊ុន បានសាងរួមគ្នាកន្លងមក៕