វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1161 នាក់
ម្សិលមិញ 9706 នាក់
សរុប 14079404 នាក់
ថៃ៖ លោកនាយករដ្ឋមន្ត្រី ប្រាយុទ្ធ ចាន់អូចាកំពុងតែប្រឈមនិងការប្តឹងផ្តល់ពីគណបក្សប្រឆាំងចំនួន៧ នៅក្នុងប្រទេសថៃ ទាមទារឱ្យគណៈកម្មាការជាតិ ប្រឆាំងអំពើពុករលួយ (NACC) បើកការស៊ើបអង្កេតលើការមិនសូត្រឱ្យចប់ចុងចប់ដើមនូវពាក្យសម្បថ កំឡុងពេលស្បថចូលកាន់តំណែង កាលពី ខែកក្កដាកន្លងទៅ។
សារព័ត៌មាន Bangkok Post នៅថ្ងៃពុធ ទី២៥ ខែកញ្ញា ឆ្នាំ២០១៩បានឲ្យដឹងថា៖កាលពីថ្ងៃទី១៦ ខែកក្កដាលោកនាយករដ្ឋមន្ត្រី ប្រាយុទ្ធ ចាន់អូចា និងគណៈរដ្ឋមន្ត្រីទាំង៣៥រូបរបស់លោក បានស្បថចូលកាន់ តំណែងនៅចំពោះមុខព្រះមហាក្សត្រថៃ Maha Vajiralongkorn ក្នុងព្រះរាជវាំង នៅទីក្រុងបាងកក ។ លោក ប្រាយុទ្ធ ត្រូវបានក្រុមគណបក្សប្រឆាំងចោទថាបាន រំលោភលើរដ្ឋធម្មនុញ្ញ ដោយសារតែមិនបានសូត្រពាក្យសម្បថឱ្យអស់ ជាពិសេសគឺនៅត្រង់ឃ្លាគោរព និងអនុវត្តតាមរដ្ឋធម្មនុញ្ញនៃប្រទេស។
គណៈកម្មាការជាតិ ប្រឆាំងអំពើពុករលួយ (NACC) បើទទួលតាមពាក្យបណ្តឹងគឺអាច បើកការស៊ើបអង្កេតលើលោក ប្រាយុទ្ធ បន្ទាប់មកគណៈកម្មាការ មួយនេះមានកាតព្វកិច្ចស្វែងរកការពិត ហើយបញ្ជូនភស្ដុតាងទាំងឡាយទៅកាន់តុលាការធម្មនុញ្ញ និងតុលាការកំពូល។
គួរបញ្ជាក់ថា កាលពីថ្ងៃទី១១ ខែកញ្ញាកន្លងទៅ តុលាការធម្មនុញ្ញថៃ បានទាត់ចោលពាក្យបណ្ដឹងរបស់ក្រុមបក្សប្រឆាំងម្ដងរួចមកហើយ ដោយះអះអាងថាខ្លួនមិនមានសមត្ថកិច្ចអ្វីក្នុងការធ្វើសេចក្ដីសម្រេច លើការពិធីស្បថចូលកាន់តំណែងនៅចំពោះមុខព្រះមហាក្សត្រនោះទេ។ មិនតែប៉ុណ្ណោះ លោក ប្រាយុទ្ធ ចាន់អូចា ផ្ទាល់ក៏បាននិយាយដែរថាលោកមិនបានធ្វើខុសអ្វីឡើយ ហើយក៏មិនខ្លាច ការស៊ើបអង្កេតដែរ៕