វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1496 នាក់
ម្សិលមិញ 10264 នាក់
សរុប 14140678 នាក់
ហ្សីមបាវ៉េ៖លោកណែលសុនឆាមិនហ្សា( Nelson Chamisa) អាយុ៤០ ឆ្នាំជាប្រធានគណបក្ស បដិវត្តន៍ដើម្បីផ្លាស់ប្តូរប្រជាធិបតេយ្យ MDC ទទួលបានជ័យជម្នះនៅក្នុងការបោះឆ្នោតប្រធានាធិបតីជាលើកទីមួយនៅក្នុងប្រទេសនេះ ក្រោយពី គ្មានការចូលរួមពីអតីតប្រធានាធិបតីអាយុជាំង៩០ឆ្នាំលោកមូហ្គាបេ( Mugabe) ដែលកាន់តំណែងតាំងពីឆ្នាំ ១៩៨០មក។
សារព័ត៌មាន Sputnik បានផ្សាយនៅថ្ងៃ ទី៣១ខែកក្កដា ឲ្យដឹងថាកាលពីថ្ងៃចន្ទដើមសប្តាហ៍នេះ ប្រជា ជនហ្ស៊ីមបាវេ បានចូលរួមការបោះឆ្នោតជ្រើសរើសប្រធានាធិបតី និងតំណាងរាស្ត្រ ជាលើកដំបូង ចាប់តាំងតែពីការទម្លាក់អតីតមេដឹកនាំ លោក មូហ្គាបេ (Mugabe) ដែលមានវ័យជាង ៩០ឆ្នាំចេញពីអំណាច។ សម្រាប់បេក្ខជនដែលបានចូលរួមប្រកួតប្រជែងយកតំណែងប្រធានាធិបតីមាន ចំនួន ២៣រូប ដោយសមាសភាពសំខាន់ៗ រួមមានដូចជាលោក ម៉ាណង់ហ្គាវ៉ា (Mnan gawa) វ័យ ៧៣ឆ្នាំ មកពីបក្សកាន់អំណាច ZANU-PF និងលោក Nelson Chamisa វ័យ ៤០ឆ្នាំ មកពីបក្សប្រឆាំងដ៏ល្បីមួយគឺ MDC។
ថ្លែងនៅ មុនការ បោះឆ្នោតចាប់ផ្តើម លោកមូហ្គាបេ( Robert Mug abe )ដែលត្រូវសមមិត្តក្នុងបក្សទម្លាកបន្ទាប់ពីក្រាញអំណាចជាង៣០ឆ្នាំបានប្រាប់ ប្រជាជនហ្ស៊ីមបាវ៉េថា លោកនឹងមិនគាំទ្រចំពោះលោក Emmerson Mnangagwa ដែលបានឡើង ធ្វើជាប្រធានគណបក្ស ZANU-PFជំនួសរូប លោកឡើយ។
គួរជម្រាបថា ការបោះឆ្នោតខាងលើ គឺជាការបោះឆ្នោតលើកទីមួយហើយ ក្រោយ ពីរយៈពេល៣ទសវត្សរ៍ នៃការកាន់អំណាចរបស់អតីតប្រធានាធិបតី លោក Mug abe។ កាលពីខែវិច្ឆិកា ឆ្នាំ២០១៧ លោកមូហ្គាបេ( Mugabe )ដែលធ្លាប់កាន់តួនាទីជានាយក រដ្ឋមន្ត្រីផងដែរនោះ ត្រូវបានបង្ខំឲ្យចុះ ចេញពីអំណាច។ ចំណែកលោក Mnan gagwa ដែលជាអតីតប្រធានាធិបតី ពេលនោះបានស្បថឡើងឡើងកាន់អំណាចបន្តពីលោក Mugabe រហូតមកដល់ការបោះឆ្នោតនាថ្ងៃចន្ទដើមសប្តាហ៍នេះ៕