មេបញ្ជាការតំបន់ប្រតិបត្តិការសឹករងកំពង់ឆ្នាំង៖ "មេភូមិណា មេឃុំណា ដែលហ៊ានស៊ីញ៉េដីរដ្ឋ អោយប្រជាជន បន្តិចទៀតត្រៀមជាប់គុកហើយទៅ" "ទាហានអត់មានសិទ្ធិ មានតួនាទី ទៅយកឬ ដកហូតដីប្រជាជនទេ ប៉ុន្តែទាហានមានសិទ្ធិការពារដីរដ្ឋ
19-January-2026 / ព័ត៌មានជាតិ
កំពង់ឆ្នាំង៖ប្រជាពលរដ្ឋ ប្រមាណជាង១០០គ្រួសារ បានផ្ទុះការតវ៉ា នៅមុខសាលាឃុំជៀបកាលពីព្រឹកថ្ងៃទី ១២ ខែឧសភា ឆ្នាំ២០២០ ដោយបានចោទប្រកាន់ថា មានក្រុមទាហានបានដកហូតយកដីរបស់ពួកគាត់ទុកសម្រាប់ធ្វើសមយុទ្ធបាញ់គ្រាប់ពិត ដែលបានប្រព្រឹតនៅតាមតំបន់ជួរភ្នំជើងលៀងភ្នំថ្មស និងភ្នំថ្មត្រួតស្ថិតក្នុងភូមិកោះខ្ទុំ ឃុំជៀប ស្រុកទឹកផុស ខេត្តកំពង់ឆ្នាំង ដែលជាដីក្នុងដែនជម្រកសត្វព្រៃ បរិស្ថាននិងសហគមន៍ភូមិកោះខ្ទំ។
-
លោកឧត្តមសេនីយ៍ទោ ធន់ ធឿន មេបញ្ជាការតំបន់ប្រតិបត្តិការសឹករងខេត្តកំពង់ឆ្នាំង បានបញ្ជាក់អោយដឹងថា ដីនៅតំបន់នោះ គឺជាដីព្រះរាជក្រឹត្យ ដែលជាដីរបស់រដ្ឋ ហើយទាហានបានយកតំបន់នេះជាទីតាំងធ្វើសមយុទ្ធបាញ់គ្រាប់ពិត អស់រយៈពេល៥ឆ្នាំមកហើយ ។ចំពោះពាក្យចោទថាទាហានដកដីប្រជាពលរដ្ឋនោះ គេដកហូតតែចំពោះអ្នកណាដែលទៅបំពានទន្ទ្រានយកដីរដ្ឋធ្វើកម្មសឹទ្ធដោយដោយអាងសូកប៉ាន់ឬឃុបឃិតជាមួយពួកអាជ្ញាធរមានមេភូមិ មេឃុំអោយស៊ីញ៉េបញ្ជាក់លើលិខិតកាន់កាប់អោយតែប៉ុណ្ណោះ គេមិនមែនទៅដកយកដីប្រជាពលរដ្ឋទូទៅដែលកាន់កាប់ស្របច្បាប់នោះទេ។តើទាហានការពារជាតិការពារដីរដ្ឋ ឬបុគ្គលទៅរំលោភយកដីរដ្ឋ???ចំណុចត្រង់នេះជារឿងមួយដែលច្បាប់ត្រូវតែវែករកមុខជនខិលខូចយកមកផ្ដន្ទាទោសតាមច្បាប់។
-សូមបញ្ជាក់ថានៅព្រឹកនោះផងដែរ ពេលដែលប្រជាជនកំពុងតែធ្វើការតវ៉ានៅសាលាឃុំជៀប ក៏មានសមត្ថកិច្ចកំពុងតែទៅពិនិត្យមើលសកម្មភាពនៃការតវានោះផងដែរ តើអ្នកណាជាមេខ្យល់បំផុសបំផុលក្នុងការទន្ទ្រានដីរដ្ឋនោះ ? ហើយបានរៀបចំឯកសារប្ដឹងទៅតុលាការ តែករណីនេះយើងកំពុងតែធ្វើការស្រាវជ្រាវ រកអ្នកណាជាមុខសញ្ញាទៅទន្ទ្រានដីរដ្ឋនោះ ចំណែកក្រុមទាហានអត់បានទៅយកដីរដ្ឋនោះធ្វើជាកម្មសឹទ្ធទេ ។
-លោកឧត្តមសេនីយ៍បានបន្ថែមទៀតថា បើមេភូមិណា មេឃុំណា ដែលហ៊ានស៊ីញ៉េលើឯកសារយកដីរដ្ឋ អោយប្រជាជន នោះបន្តិចទៀតត្រៀមខ្លួនជាប់គុកអោយហើយទៅ។ មិនមែនទាហានទៅដណ្ដើមយកដីប្រជាជនទាំងនោះទេ។ និយាយតែដីរបស់រដ្ឋដែលត្រូវដកហូតនៅក្នុងអនុបយោគ ។ទាហានអត់មានសិទ្ធិ អត់មានតួនាទី ទៅយកឬ ដកហូតដីប្រជាជននោះទេ ប៉ុន្តែទាហានមានសិទ្ធិការពារចំពោះអ្នកណាទៅបំពានលើដីរដ្ឋ ។
-សូមរំលឹកថា នៅព្រឹកថ្ងៃនោះដែរប្រជាពលរដ្ឋក្នុងតំបន់បាន បញ្ជាក់ថា កន្លងមកមាន ក្រុមយោធា បានទៅប្រកាស ដីដកហូតដីរបស់ពួកគាត់ដែលបានកាន់កាប់កន្លងមក អោយរុះរើរបង និងរុះខ្ទមចេញ ដោយប្រាប់ថា ជាដីរបស់រដ្ឋ ចំណែកពលរដ្ឋអះអាងថា ដីនេះប្រជាពលរដ្ឋរស់នៅយូរហើយ និងបានអាស្រ័យផលដាំដំណាំ ផ្សេងៗទៀតផង ពលរដ្ឋបញ្ជាក់ថា បើជាសម្បត្តិរបស់រដ្ឋ ខ្ញុំក៏ជាកូនចៅរបស់រដ្ឋ ហេតុម្ត៉េចបានអាស្រ័យផលលើដីរបស់រដ្ឋមិនបាន?
-ហើយប្រជាពលរដ្ឋសំណូមពរសម្តេចតេជោនិង នាយឧត្តមសេនីយ៍ ហ៊ុន ម៉ាណែត មេត្តាជួយដោះស្រាយជូនពួកគាត់ផង ករណីដែលមានទាហានមកដកបង្គោល និងដកហូតដីរបស់គាត់ ទុកជាដីរបស់រដ្ឋសម្រាប់បាញ់គ្រាប់ពិត ដែលកន្លងមកពួកគាត់បានគ្រប់គ្រង និងអាស្រ័យផលនៅក្នុងដីដែលជាដែនជម្រក សត្វព្រៃនិងជាដូរបស់សហគមន៍ភូមិកោះខ្ទុំ។
