វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 42 នាក់
ម្សិលមិញ 6359 នាក់
សរុប 14086675 នាក់
ភ្នំពេញ ÷ បនល្បែន បៀរនិងអាប៉ោង មួយកន្លែង នៅចំណុចជិត អគ្គនាយកដ្ឋានចំការ កៅស៊ូ ក្នុងទឹកដី ខណ្ឌ ដូនពេញ ស្ថិតក្នុងទីតាំងផ្ទះ តាស្លេស លេង ក្រោមដើមពោធិ៍ ក្នុងភូមិ 21 ហៅភូមិឡាវ ផ្លូវ 70 សង្កាត់ស្រះចក ខណ្ឌដូនពេញ ។
ប្រជាពលរដ្ឋក្នុងមូល ដ្ឋាន បានរាយការណ៍ថាទីតាំងបនល្បែងសុីសង ១នេះ កើតមានដុះស្លែ ជាយូរមកហើយ តែ អាជ្ញាធរ មានសមត្ថកិច្ចមូលដ្ឋាន គ្មានវិធានការទប់ស្កាត់ ឬបង្ក្រាបម្តងណាទេ ទំនងជាឆ្នាំង បាយ ឬឆ្នាំងស៊ុប ប្រចាំ ខែ របស់សមត្ថកិច្ច ទើប អាចដំណើរការបានយ៉ាងរលូនបែបនេះ ?។លោក មេប៉ុស្តិ៍នគរបាលសង្កាត់ស្រះចក និង លោក វរសេនីយ៍ឯក ទៀង ច័ន្ទសារ អធិការ នគរបាលខណ្ឌដូន ពេញ ក៏សម្ងំស្ងៀមឈឹង មិនអើពើចំពោះក្រុមអ្នក លេងល្បែងក្នុងទីតាំង ខាងលើនេះដែរ ។ ករណីនេះ គេមិនដឹងថា សមត្ថកិច្ចលោកដឹង ដែរ ឬក៏មិនដឹងនោះទេ ? ។
ប្រភពច្បាស់ការណ៍ពីពលរដ្ឋបានបង្ហើបដឹងថា ÷ ម្ចាស់ទីតាំងបៀរនិងអាប៉ោងខាងលើនេះ គេស្គាល់ថាឈ្មោះ ស្ករ ស តែងតែនាំបក្ខពួកមកជួបជុំគ្នាលេងល្បែងស៊ីសងខុសច្បាប់ យ៉ាងពពាក់ពពូនជារៀងរាល់ ថ្ងៃ ធ្វើឲ្យពួកគាត់មាន ការភ័យខ្លាចអំពីបញ្ហាអសន្តិសុខនិងបទល្មើសផ្សេងៗដូចជា លួច ឆក់ ប្លន់ និងអំពើហិង្សាក្នុងគ្រួសារ ជា ដើម ។ ពួកគាត់ថាបច្ចុប្បន្ននេះ ថ្វីដ្បិត ជំងឺ កូវីដ-១៩បានកាត់បន្ថយខ្លះៗពិតមែន ក៏ ដោយប៉ុន្តែជំងឺកូវីដ ១៩ បម្លែងថ្មី ឈ្មោះថា (អូមីក្រុង) នៅជាបញ្ហាដដែល ។
ប្រភពពីពល រដ្ឋ បាននាំគ្នាដាក់ការ សង្ស័យថា ទំនងម្ចាស់ទីតាំងល្បែងខាងលើនេះ បានសែន ព្រេន ជ្រូកខ្វៃ ទាខ្វៃ ឬគោដុតសណ្តំចិត្ត ជូនដល់មន្ត្រីអាជ្ញាធរ និងសមត្ថកិច្ចមូលដ្ឋាន ស្រវឹង បិទភ្នែកដេកលក់គ្រប់ៗគ្នាអស់ហើយ ទើបគ្មាន ថ្នាក់ដឹកនាំណាម្នាក់ ក្នុង អាណាចក្រខណ្ឌដូន ពេញ ភ្ញាក់ផ្អើល ស្ទុះ ស្ទារចុះទៅបង្ក្រាប បែប នេះ ? ។
សូមរំលឹកថា កន្លងមក សម្ដេច ក្រឡា ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់បទបញ្ជាឲ្យមន្ត្រីនគរបាលពាក់ព័ន្ធក្រោមឱវាទទូទាំងប្រទេស ត្រូវតែបង្ក្រាបរាល់ល្បែងស៊ីសងខុស ច្បាប់ គ្រប់ប្រភេទ មិនត្រូវមានការយោគយល់ឡើយ! ត្រូវតែបង្ក្រាប!ឲ្យខានតែបាន ។ តែ ផ្ទុយទៅវិញ អាជ្ញាធរ មានសមត្ថកិច្ចមូលដ្ឋាន សង្កាត់ស្រះចក ខណ្ឌដូនពេញ បែរជាបណ្ដោយឲ្យកើតមានបនល្បែងស៊ីសងក្នុងមូលដ្ឋានប្រឆាំងនឹងគោលនយោបាយភូមិ ឃុំ របស់ រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ នោះឡើយ ។ ជុំវិញករណីនេះពលរដ្ឋ សំ ណូមពរដល់ថ្នាក់ដឹកនាំ សាលារាជធានីភ្នំពេញ ជួយមានវិធានការ បង្ក្រាបផង ទាន ! ៕ ដោយ:សុផល 086911920