ទីបំផុតដឹងថា ដីព្រៃរបស់រដ្ឋប្រមាណជាង390ហិចតានិងជាដី១០%ដែលគ្រប់គ្រងដោយរដ្ឋបាលព្រៃឈើស្ថិតក្នុងភូមិក្រសាំងដុះឡើងនិងភូមិថ្នល់កែងត្រូវបានឈ្មួញដីខិលខូចកំពុងតែទន្ទ្រាននិងវាតទីធ្វើរបងហ៊ុំព័ទ្ធ រំលោភយកធ្វើជាកម្មសិទ្ធិនិងលក់បបន្តអោយឈ្មួញបាត់ទៅហើយ បើទោះជាអភិបាលខេត្តកំពង់ឆ្នាំងបានសម្រេចដកហូតដាក់ជាអចលនៈទ្រព្យរបស់រដ្ឋតាមសេចក្ដីសម្រេចរបស់ក្រសួងកសិកម្ម
26-March-2024 / ព័ត៌មានជាតិ
(ខេត្តកំពង់ឆ្នាំង) ដីព្រៃរបស់រដ្ឋ និងជាដី១០%របស់សហគមន៍៣ភូមិគឺភូមិក្រសាំងដុះឡើង ភូមិថ្នល់កែង និងភូមិខ្វិតទួលឃ្លាំងក្នុងឃុំក្បាលទឹក ស្រុកទឹកផុសដែលជាដី១០%សម្រាប់ប្រជាពពលរដ្ឋចងគោ ក្របីនិងកាប់អុសដុតបោចវ័ល្វ ដែលកាពារដោយរដ្ឋបាលព្រៃឈើត្រូវបានឈ្មួញខិលខូចឃុបឃិតគ្នាជាមួយអាជ្ញាធរលួចរំលោភយកដីធ្វើជាកម្មសិទ្ធនិងលក់អោយឈ្មួញបាត់ទៅហើយ។
បើ យោងតាមសេចក្ដីរាយការណ៍ពីប្រជាពលរដ្ដ្ឋនៅឃុំក្បាលទឹក ស្រុកទឹកផុស បានអះអាងថា ដីព្រែរបស់រដ្ឋប្រមាណជាង ៣៩០ ហិកតាស្ថិតនៅចំណុចជើងភ្នំថ្មគោល ឬភ្នំសារិកាកែវនិងដីនៅចំណុចខ្សាច់ពូន ក្នុងភូមិថ្នល់កែង និងភូមិក្រសាំងដុះឡើង ឃុំក្បាលទឹក ស្រុកទឹកផុស ខេត្តកំពង់ឆ្នាំង កំពុងរងនូវការទន្ទ្រានកាន់កាប់ម្ដងហើយទៀតពីសំណាក់ឈ្មួញដីឈ្មោះវាន់ រ៉ំហៅកុសល នៅភូមិខ្វិតទួលឃ្លាំងនិងឈ្មោះ អ៊ុន ណាវី(ហៅចែស្រីឬ លោកស្រី)ដែលមានលំនៅដ្ឋាននៅភូមិត្រពាំងចឹកសារ សង្កាត់ កំពង់ឆ្នាំង ក្រុងកំពង់ឆ្នាំងរំលោភយកធ្វើជាកម្មសឹទ្ធនិងលក់អោយឈ្មួញ។
ប្រភពដដែលបានបង្ហើបអោយដឹងថាដីដែលស្ថិតនៅតំបន់ខាងលើនេះ ត្រូវបានកម្លាំងមន្ត្រីជំនាញរដ្ឋបាលព្រៃឈើនៃមន្ទ្ទីរកសិកម្មខេត្តនិងអាជ្ញាធរខេត្តកំពង់ឆ្នាំងតាំងពីជំនាន់លោកទូច ម៉ារីននៅកាន់តំណែងជាអភិបាលខេត្ត បានធ្វើការដកហូតពីសំណាក់ជនខិលខូចដែលបានលួចទន្ទ្រានកាន់កាប់ជាច្រើនលើកច្រើនសាមកហើយ និងមានការប្ដឹងទៅកាន់តុលាការទៀតផង ។សព្វថៃឈ្មោះអ៊ុន ណាវីបានជួលប្រជាពលរដ្ឋ៩គ្រួសារនៅភូមិផ្សេងរួមទាំអ្នកស្រីអ៊ុន ណាវី១គ្រួសារទៀតស្មើ១០គ្រួសារដើម្បីយកបន្លំភ្នែកមហាជននិងបន្លំភ្នែកថ្ថ្នាក់លើថាពួគេមានដីសារុប៥០ហិចតាដោយម្នាក់ៗមានដី៥ហិចតា ប៉ុន្តែទោះជាយ៉ាងណា ដីនេះនៅតែជាដីរបស់រដ្ឋដែលស្ថិតនៅក្រោមការគ្រប់គ្រងរបស់ខ័ណ្ឌរដ្ឋបាលពៃឈើនៃមន្ទីរកសិកម្មខេត្តដដែល។
បើយោងប្រភមួយផ្សេងទៀតបានបង្ហើបអោយដឹងថាទាំងដីនៅចំណុចខ្សាច់ពូននិងដីនៅចំណុចជើងភ្នំថ្មគោលដែលគ្រប់គ្រងដោយរដ្ឋបាលព្រៃឈើនោះត្រូវបានក្រុមអ្នកមានអំណាចមានបុណ្យស័ក្ដិឃុបឃិតគ្នាជាមួយអាជ្ញាធរភូមិ ឃុំ និងស្រុកយកដីនៅចំណុចខាងលើលក់អោយឈ្មួញបាត់អស់ទៅហើយ ដោយមានឈ្មោះវ៉ាន់ រ៉ំ នៅភូមិខ្វិតទួលឃ្លាំងជាមេការក្នុងការរៀបចំឯកសារចាត់ចែងក្នុងការគ្រប់គ្រងដីនេះទៀតផង ។ប្រភពដដែលបានបន្តទៀតថានៅថ្ងៃទី២៩ខែមេសាឆ្នាំ២០២០មានឈ្មោះវ៉ាន់ បានជួលកម្លាំងកម្មករអោយទៅកាប់ព្រៃនឹងយកគ្រឿចក្រទៅឈូសឆាយដីព្រៃរបស់សហគមន៍នៅចំណុចជើងភ្នំថ្មគោលឬភ្នំសរិកាកែវជាប់ព្រំប្រទល់ខ្សាច់ពូន ស្ថិតក្នុងភូមិក្រសាំងដុះឡើងនិងភូមិថ្នល់កែងប្រមាណជិត៥ហិចតាប៉ុន្តែត្រូវបានប្រជាពលរដ្ឋនាំគ្នាទៅឃាត់ ប៉ុន្តែត្រូវបានលោកវ៉ាន់ រ៉ំបញ្ជាអោយកម្លាំងសមត្ថកិច្ចដេញចាប់ប្រជាពលរដ្ឋញាត់ចូលរថយន្តវិញបំរ៉ុងវាយខ្នោះបញ្ជូនទៅខេត្តទៀតផង។
បើតាមដំណើររឿងដីនេះនិងតាមការសង្កេតជាក់ស្ដែងកាលពីអំឡុងមុនឆ្នាំ ២០០០ រហូតមកដល់បច្ចុប្បន្ន កាលនោះ ដីនៅតំបន់ខាងលើជាដីព្រៃដែលធ្លាប់បាន ឯកឧត្តម ប៉ា ហមផាន នៅជាអតីតអភិបាលរងខេត្តកំពង់ឆ្នាំង ក៏បានដឹកនាំកម្លាំងសមត្ថកិច្ចចម្រុះចុះធ្វើការដកហូតពីជនខិលខូចដែលលួចទន្ទ្រាកាន់កាប់ម្ដងរួចរាល់ហើយនិងបានលើកស្លាកសញ្ញាដើម្បីរក្សាទុកជាសម្បត្តិរដ្ឋវិញផងដែរប៉ុន្តែជនសង្ស័យនៅតែបន្តរំលោភទន្ទ្រានកាន់កាប់ម្ដងហើយម្ដងទៀត ហើយកាលពីអំឡុងពេលថ្មីៗនាឆ្នាំ ២០១៩ កន្លងទៅនេះ កម្លាំងចម្រុះដែលមានអាជ្ញាធរឃុំ.ស្រុក.ខេត្ត សហការ ជាមួយកម្លាំងមន្ត្រីជំនាញបរិស្ថាន និងកម្លាំងជំនាញរដ្ឋបាលព្រៃឈើដឹកនាំដោយលោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង ក៏បានចុះធ្វើការដកហូតនិង
លើកស្លាកសញ្ញា បញ្ជាក់ពីដីព្រៃរក្សាទុករបស់រដ្ឋ ផងដែរ។
ជុំវិញករណីខាងលើនេះលោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង បានប្រាប់អង្គភាពសារព័ត៌មានយើងអោយដឹងថាលោកបានធ្វើការដកហូតមកដាក់ជាព្រៃសហគមន៍ និងបានដាក់ពាក្យបណ្ដឹងទៅកាន់សាលាដំបូងខេត្តកំពង់ឆ្នាំងដើម្បីចាត់ការទៅតាមនីតិវិធីច្បាប់ផងដែរ។
ចំណែកឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងឯកឧត្តមសាយ សំអាល់រដ្ឋមន្ត្រីក្រសួងបរិស្ថានក៏បានចេញលិខិតមួយច្បាប់លេខ:០០៤ គជដព ចុះថ្ងៃទី១៨ ខែកញ្ញា ឆ្នាំ២០១៩ ជម្រាបជូនអភិបាលនៃគណៈអភិបាលខេត្តនិងជាប្រធានអនុគណៈកម្មាធិការខេត្តដើម្បីទប់ស្កាត់ លុបបំបាត់ និងបង្ក្រាបការកាប់រាន ដុត ឈូសឆាយ និងហ៊ុំព័ទដីព្រៃឈើ ដើម្បីវាតយកដីធ្វើជាកម្មសិទ្ធិ ផងដែរ។
យោងតាមកម្មវត្ថុសំណើពិនិត្យនិរាករណ៍ករណីរាល់លិខិតពាក់ព័ន្ធនិងការទិញ.លក់ បញ្ជាក់ការកាន់កាប់ និងផ្ទេរសិទ្ធិកាន់កាប់ដីព្រៃឈើដោយខុសច្បាប់។ យោងលិខិតលេខ:១៣៤៨សជណ.កធ ចុះថ្ងៃទី១២ ខែកញ្ញា ឆ្នាំ២០១៩ របស់ទីស្ដីការគណៈរដ្ឋមន្ត្រី។រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ បានជម្រាបជូនឯកឧត្តមអភិបាលនៃគណៈអភិបាលខេត្តនិងជាប្រធានអនុគណៈកម្មាធិការខេត្ត ដើម្បីទប់ស្កាត់ លុបបំបាត់និងបង្ក្រាបការកាប់រាន ដុត ឈូសឆាយនិងហ៊ុំព័ទដីព្រៃដើម្បីវាតទីយកដីធ្វើជាកម្មសិទ្ធិ ក្រសួងកសិកម្មរុក្ខាប្រមាញ់និងនេសាទបានកត់សម្គាល់ឃើញថា បទល្មើសកាប់រាន ឈូសឆាយ និងហ៊ុំព័ទដីព្រៃឈើធ្វើជាកម្មសិទ្ធិនៅបន្តកើតមាននៅឡើយ។ ទោះបីការអនុវត្តគោលនយោបាយចាស់សកម្មភាពថ្មីត្រូវបានបញ្ចប់ក៏ដោយ ក៏ទម្រង់រូបភាពបទល្មើសនៅកើតឡើងដដែល។
ហេតុនេះប្រជាពលរដ្ឋត្រូវចូលរួមទប់ស្កាត់ការកាប់រាន និងឈូសឆាយដីព្រៃខុសច្បាប់ ជនល្មើសតែងលួចចូលកាន់កាប់ដោយមានការបញ្ជាក់លើឯកសារទទួលស្គាល់ ភាគច្រើនពីភូមិ ឃុំ ស្រុក នឹងមានករណីខ្លះរហូតដល់ថ្នាក់ខេត្តទៀតផង ហើយលក់បន្តទៅឱ្យបុគ្គលមានប្រាក់ ឬបុគ្គលមានឥទ្ធិពលដោយសំអាងមានឯកសារទិញ លក់ ត្រឹមត្រូវ តែធាតុពិតគឺការទិញលក់ដីរដ្ឋខុសច្បាប់ ដែលជាអំពើល្មើសនិងច្បាប់ស្ដីពីព្រៃឈើ និងច្បាប់ភូមិបាល និងលិខិតបទដ្ឋានគតិយុត្តដ៏ទៃមួយចំនួនទៀតផងដែរ។
ផ្អែកលើហេតុផលដូចនេះ ចំពោះមុខដើម្បីឆ្លើយតបនឹងគោលនយោបាយរបស់រាជរដ្ឋាភិបាលក្នុងការទប់ស្កាត់និងបង្ក្រាបបទល្មើសដីព្រៃឈើឲ្យមានប្រសិទ្ធភាពខ្ពស់តាមសំណូមពរប្រជាពលរដ្ឋសូមសំណូមពរដល់សម្ដេចប្រមុខរាជរដ្ឋាភិបាលគឺសម្ដេចហ៊ុន សែនមេត្តាជួយអន្តរាគគន៍ទប់ស្កាត់ដើម្បីការពារដីចំណុចខាងលើទុកសម្រាប់ប្រជាពលរដ្ឋប្រើប្រាស់ជាសម្បត្តិរួមផង ដើម្បីកំអោយជនខិលខូចលួចឃុបឃិតគ្នាធ្វើអ្វីៗតាមតែអំពើចិត្ត។
