វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6162 នាក់
ម្សិលមិញ 5544 នាក់
សរុប 13947259 នាក់
ត្បូងឃ្មុំ៖ឡានដឹកជ្រូកមកពីយួនដេញបុកឡានសមត្តកិច្ច។ហេតុការណ៍នេះ បានកើតឡើង នៅលើផ្លូវលំ ភូមិស្ទឹងតូច ឃុំកក ស្រុកពញាក្រែក ខេត្តត្បូងឃុំ កាលពី ថ្ងៃទី២៩ ខែឧសភា ឆ្នាំ២០២២ ពេលក្រុមការងារអន្តរាគមន៍ បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយ ការិយាល័យផលិតកម្ម និងបសុព្យាបាល នៃ មន្ទីរកសិកម្ម ខេត្តត្បូងឃ្មុំ ចុះស្ទាក់ចាប់រថយន្ត ១គ្រឿង ម៉ាក សាងយ៉ុង អ៊ីស្តាណា (Ssangyong istana) ពណ៌ស ជាប្រភេទរថយន្តដឹកឣ្នកដំណើរ ១៥កៅឣី គ្មានស្លាកលេខ ដឹកសត្វជ្រូករស់ ចំនួន ៣២ ក្បាលគ្មានលិខិតអនុញ្ញាត ចូលពីស្រុកយួ.ន មកកាន់ប្រទេសកម្ពុជា តាមច្រករបៀង ស្រុកពញាក្រែក ខេត្តត្បូងឃ្មុំ គោលដៅយកទៅចែកចាយ នៅក្រុងសួង។
ពេលសមត្ថកិច្ច ឃាត់អ្នកបើករថយន្ត នាំសត្វចូល មិនត្រឹមតែមិនព្រមឈប់ ទេ ថែមទាំងបើកឡានដេញបុក រថយន្តរបស់សមត្ថកិច្ចទៀត ផង?។ក្រុមការងារ បាននាំយកវត្ថុតាងទាំងនោះ ទៅរក្សាទុក នៅទីតាំងចត្តាឡីស័កសត្វ របស់មន្ទីរកសិកម្ម រុក្ខាប្រមាញ់ និងនេសាទ ខេត្តត្បូងឃ្មុំ ដើម្បីយកសំណាក ទៅវិភាគ តាមបែបវេជ្ជសាស្ត្រ ថាតើជ្រូកទាំងនោះ មានផ្ទុកជំងឺដែរ ឬ អត់ ហើយនឹងដោះស្រាយ ទៅតាមច្បាប់ ដែលនឹងត្រូវពិន័យ ឬដុតកម្ទេចចោល ។ឯអ្នកនាំជ្រូកចូល ដោយគ្មានច្បាប់ចំនួន ៤ នាក់ ត្រូវបានសមត្ថកិច្ច ព័ទ្ធចាប់ឃុំខ្លួនបណ្តោះអាសន្ន និងចាត់ការ ទៅតាមច្បាប់ជាធរមាន ។