វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5466 នាក់
ម្សិលមិញ 5544 នាក់
សរុប 13946563 នាក់
ខេត្តកំពង់ឆ្នាំង ត្រាក់ទ័រ១គ្រឿង ក្នុងចំណោម៣គ្រឿងត្រូវបានលោកលោក សាំង ស៊ន មេឃុំឆ្នុកទ្រូ សហការជាមួយ នគរបាល ប្រជាការពារ កងរាជអាវុធហត្ថ ស្ទាក់ចាប់បាន នៅវេលាម៉ោងប្រមាណ 9.30នាទី ព្រឹកថ្ងៃទី ១៧ ខែកក្កដា ឆ្នាំ នៅចំណុចព្រំប្រទល់ភូមិសេះស្លាប់ និងភូមិកំពង់អួរ ក្នុងឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ខណៈដែល ត្រាក់ទ័រទាំងនោះ កំពុងធ្វើសកម្មភាព ឈូសឆាយដីព្រៃលិចទឹកតំបន់ ៣ ដែលជាតំបន់ហាមឃាត់តែត្រូវបានសមត្តកិច្ចស្រុកដោះលែងបាត់ធ្វើឲ្យមានចម្ងល់ថាថាស្អីទៅនយោបាយវិជ្ឈការដែលរាជរដ្ឋាភិបាលប្រគល់ឲ្យទៅមូលដ្ឋាននោះ?។
សូមបញ្ជាក់ថាក្រោយពេលចាប់ លោកមេឃុំឆ្នុកទ្រូបានសម្តែងការព្រួយបារម្ភណ៍ ខ្លាចមានការដោះលែងដូចកាលគ្រាមុនៗទៀត ។ លោក សាំង ស៊ន មេឃុំឆ្នុកទ្រូ បានឲ្យដឹង ថាៈ លោកបានសហការគ្នាជាមួយសមត្ថកិច្ច ចុះទៅឃាត់ចាប់ត្រាក់ទ័រ ដែលកំពុងតែធ្វើសកម្មភាពជាំក់ស្តែងឈូសឆាយព្រៃលិចទឹកតំបន់ដីតំបន់៣ ក្នុងភូមិសាស្ត្រភូមិសេះស្លាប់។ ក៏ប៉ុន្តែនៅពេលដែលសមត្ថកិច្ច ទៅដល់ អ្នកបើក ត្រាក់ទ័រទាំងនោះដឹងខ្លួនទាន់ បានបើករត់អស់ សមត្ថកិច្ច ដេញស្ទាក់ចាប់បាន១គ្រឿង ក្នុងចំណោមត្រាក់ទ័រ៣ គ្រឿងនៅចំណុច ភូមិកំពង់ភូមិកំពង់អួរ រួមជាមួយនឹងរថយន្តម៉ាកកាមរីឆ្លាម ១ គ្រឿងទៀត ដែលបើកបរដោយម្ចាស់ត្រាក់ទ័រ ខាងលើ និងមានមន្ត្រីបរិស្ថានមួយរូបទៀតផងដែរ ។
តៃកុងអាត្រាក់មានឈ្មោះ នួន សុណាល់ ក្រោយពេលឃាត់បានហើយ ក៏បាននាំមកកាន់សាលាស្រុកបរិបូណ៌ដើម្បី ចាត់ការតាមនីតិវិធី ។ លោកមេឃុំបានបញ្ជាក់ថាម្ចាស់ត្រាក់ទ័រខាងលើមានឈ្មោះ ស សារ៉ន ជាកូនរបស់ឈ្មោះ ស ប៊ុនធឿន ។ នៅពេលចាប់ឃាត់ ត្រាក់ទ័រ ខាងលើ ឈ្មោះ ស សារ៉ន បានតាំងខ្លួនជាអ្នកភ្នាក់ងារកាសែត បានយកកាមេរ៉ាចេញពីក្នុងរថយន្ត មកថតរូបលោកទៀតផង ។តែយ៉ាងនេះក្តី លោកបាននាំមកកាន់សាលាស្រុកបរិបូណ៌ ដើម្បីអោយមន្ត្រីជំនាញ ធ្វើកំណត់ហេតុសាកសួរតាមនីតិវិធី ។ លោក សាំង ស៊ន មេឃុំឆ្នុកទ្រូ ប្រាប់ថាលោកមានការព្រួយបារម្ភថាៈ ត្រាក់ទ័ល្មើសច្បាប់ខាងលើ អាចនឹងត្រូវធ្វើការដោះលែងទៅវិញ ដូចកាលគ្រាមុនៗ ទៀត។ គឺលើកទី១ កាលពីថ្ងៃទី ១៤ ខែមិនា ឆ្នាំ២០១៨ លោកបានដឹកនាំសមត្ថកិច្ចចាប់បាន២គ្រឿង, លើកទី២ចាប់នៅថ្ងៃទី១៦ ខែមិថុនា ឆ្នាំ២០១៨ ចាប់បាន១គ្រឿង ។ទាំងពីរលើក គឺត្រូវបានដោះលែងទៅវិញទាំងអស់ ។ ចំណែកលើទី៣ គឺចាប់នៅថ្ងៃទី ១៧ ខែកក្កដា ឆ្នាំ ២០១៨ នេះ ។ ហេតុនេះហើយ ក្នុងនាមលោក ជាអាជ្ញាធរឃុំ សំណូមពរដល់អាជ្ញាធរគ្រប់ជាន់ថ្នាក់ មន្ត្រីជំនាញ និង ស្ថានប័ណ្ឌ តុលាការសូមចាត់ ការ ម្ចាស់ ត្រាក់ទ័រនេះទៅតាមផ្លូវច្បាប់ ។
ពាក់ពន្ឋ័និងករណីនេះដែរ ដោយចង់ដឹងថាៈ នរណាជាម្ចាស់ដី ជួលត្រាក់ទ័រទៅឈូសដីព្រៃលិចទឹកនៅតំបន់នោះ ភ្នាក់ងារយើង បានសុំការបំភ្លឺ ពីមន្ត្រីសាលាស្រុកបរិបូណ៌ និងមន្ត្រីជំនាញ ដែលបានធ្វើកំណត់ហេតុប៉ុន្តែមិនអាចសុំការបំភ្លឺបានទេ ដោយគ្រាន់តែបានថា មិនទាន់បានធ្វើកំណត់ហេតុ សួរនាំនៅឡើយ។ យ៉ាងនេះក្តី បើតាមលោក មេឃុំឆ្នុកទ្រូ បានប្រាប់ថាៈ ឈ្មោះ យូ សុគុំ ជាមន្ត្រីបរិស្ថានខេត្តកំពង់ឆ្នាំង ដែលនៅកន្លែងកើតហេតុ បានជួលឈ្មោះ ស សារ៉ន ជាម្ចាស់ត្រាក់ទ័រខាងលើទៅឈូសឆាយដីនោះយកធ្វើកម្មសិទ្ឋ ។ ប៉ុន្តែពេលភ្នាក់ងារយើង សួរ លោកយូ សុគុំ លោកបានដិសេធថាៈ មិនមែនជាដីរបស់លោកទេ អ្នកណាថ្លើមធំហ៊ានជួយគេអោយទៅឈូសឆាយដីព្រៃលិចទឹក ....? ។
. សូមបញ្ជាក់ថាៈនេះជាការឃាត់ត្រាក់ទ័រឈូសឆាយដីព្រៃលិចទឹក របស់អាជ្ញាធរឃុំឆ្នុកទ្រូ ជាលើកទី ៣ហើយ ហើយការឃាត់លើកទី១និងលើកទី២ ត្រូវបានដោះលែងទាំងអស់ ធ្វើអោយមតិរិះគន់ថាៈ មូលហេតុ ដែលគេមិនព្រមផ្ដល់ព័ត៌មានឲ្យតែអ្នកសារពត៌មានព្រោះតែមន្ត្រីទាំងអស់នោះ មានការឃុបឃិតគ្នានឹងធ្វើឯកសារដោះបន្ទុក លើជនល្មើសទាំងអស់នោះក្នុងគោលបំណងដោះលែងត្រាក់ទ័រដូចកាលគ្រាមុនទៀត ។ម្យ៉ាងគេទុកមេឃុំដូចជារដ្ឋអំណាចទីងមោងចឹង។បើយ៉ាងនេះតាមការប៉ាន់ស្មាន យ៉ាងយូ១ឆ្នាំ២ឆ្នាំទៅមុខទៀត ព្រៃលិចទឹកនៅក្នុងឃុំឆ្នុកទ្រូពិតជាក្លាយជាវាលរហោលស្ថាន គ្មានជម្រកត្រីពងកូន គ្មានទីជម្រកសត្វស្លាប និង គ្មានរនាំងការពារខ្យល់ទៀតឡើយ ។
ដូចមេឃុំឆ្នុកទ្រូបារម្ភមែនគឺ នៅវេលាម៉ោងប្រមាណ ជាង៥កន្លះ ថ្ងៃដដែល ជនសង្ស័យទាំង៣នាក់ មាន ម្ចាស់ត្រាក់ទ័រ កម្មករ និងមន្ត្រីបរិស្ថាន រួមនិងរថយន្តកាមរីឆ្លាម១គ្រឿងត្រូវបានមន្ត្រីជំនាញ ដោះលែង អោយទៅផ្ទះវិញ បាត់ទៅហើយ។ឯណាទៅនយោបាយវិជ្ឈការដែលរដ្ឋាភិបាលថាប្រគល់អំណាចឲ្យឃុំសង្កាត់នោះ?។ចឹងបានពួកគណបក្សប្រឆាំងអាំចជេរបាននោះ!៕