វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 833 នាក់
ម្សិលមិញ 10264 នាក់
សរុប 14140015 នាក់
ភ្នំពេញ៖ក្នុងពេលដែលស្រុកខ្មែរកំពុងព្រួយរឿងកំណើនសេដ្ឋកិច្ចឆ្នាំ២០២០ធ្លាក់ចុះយ៉ាងគំហ៊ុកដោយសារបញ្ហាកូវិដ១៩ខាងក្រសួងរ៉ែ និងថាមពលបានបង្ហាញក្តីសង្ឃឹមមួយថាខាងមុខនេះ(មិនដឹងពេលណា)កម្ពុជានឹងផលិតបានមាសដោយខ្លួនឯង។
នៅក្នុងសន្និសីទសារព័ត៌មានមួយ នៅទីស្តីការគណៈរដ្ឋមន្ត្រី នាព្រឹកថ្ងៃទី ២១ ខែមេសា នេះ ឯកឧត្តម យស មុនីរ៉ាត់ អគ្គនាយកនៃអគ្គនាយកដ្ឋានរ៉ែ និង ជាអ្នកនាំពាក្យក្រសួងរ៉ែ និងថាមពល បានថ្លែងប្រាប់អ្នកសារព័ត៌មានថា យើងបានរកឃើញជម្រករ៉ែមាសមួយ ដែលមានទីតាំងស្ថិតនៅក្នុងតំបន់ ដែលយើងហៅថា នៅតំបន់ អូរខ្វាវ ក្នុងស្រុកកែវសីមា ខេត្តមណ្ឌលគិរី ហើយនៅពេលឆាប់ៗខាងមុខនេះ កម្ពុជានឹងមានផលិតផលមាស របស់ខ្លួន ។ ហើយឥឡូវនេះ កម្ពុជាកំពុងរៀបចំធ្វើអាជីវកម្មផលិតមាសខ្នាតអន្តរជាតិមួយ នៅក្នុងទឹកដីខេត្តមណ្ឌលគិរីនោះ។
បើតាមព័ត៌មានដែលទទួលបាន នាពេលកន្លងមក មានក្រុមហ៊ុនរុករករ៉ែ មិនតិចជាង ៥០ក្រុមហ៊ុននោះទេ ដែលកំពុងធ្វើការសិក្សាស្រាវជ្រាវរុករករ៉ែមាស និង រ៉ែផ្សេងៗទៀត នៅក្នុងប្រទេសកម្ពុជា ។កន្លងមក មានអ្នកសេដ្ឋកិច្ចមួយចំនួនបានលើកឡើងថា នៅពេលដែលប្រទេសកម្ពុជាអាចទាញយករ៉ែ នៅក្រោមដីទាំងអស់នោះបាន ប្រទេសកម្ពុជានឹងមានកំណើនសេដ្ឋកិច្ចខ្ពស់ ហើយហេដ្ឋារចនាសម្ព័ន្ធនានារបស់ជាតិនឹងមានការអភិវឌ្ឍន៍រីកសម្រើនយ៉ាងឆាប់រហ័សដោយមិនត្រូវបណ្តាសាស្អីឡើយ!។