វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3929 នាក់
ម្សិលមិញ 5467 នាក់
សរុប 14163506 នាក់
រតនៈគីរី៖បន្ទាប់ពីការផ្សាយរបស់សារព័ត៌មាន គេហទំព័រ មាតុភូមិ ស្តីអំពី ករណីលោក វរសេនីយ៍ទោ សម្បត្តិ កុសល អធិការនគរ បាលស្រុកតាវែង ខេត្ត រតនគិរី ដែលមានចរិក ដូចក្មេងស្ទាវទំនើង បាញ់បោះសេរី គំរាមលើ មន្ត្រីក្រោមឱវាទកាលពី យប់ថ្ងៃទី២៧ មីនា ២០ ២០កន្លងទៅនេះបង្កការ ភ័យខ្លាច ដល់ប្រជាពល រដ្ឋនិងកូនចៅក្រោមឱវាទក្តីក្រហាយប្តឹងតែគេព្យាយាមលាក់បាំងនោះ ពេលនេះត្រូវបាន លោកនាយឧត្តម សេនីយ៍ នេត សាវឿន សម្រេចផ្អាកការងារជាបណ្តោះអាសន្នហើយ ។
យោងតាមលិខិតលេខ២១៨ ស.ស.រ ចុះថ្ងៃទី០៣ ខែមេសា ឆ្នាំ ២០២០របស់អគ្គស្នងការនគរបាល ជាតិ សេចក្តីសម្រេចស្តីពីការផ្អាកការងារជាបណ្តោះអាសន្នមន្ត្រីនគរបាលជាតិ ។ក្នុង សេចក្តីសម្រេចនេះ គឺ លោកវរសេនីយ៍ទោ សម្បតិ កុសល អត្តលេខ៥៧១៦៧ ត្រូវបានផ្អាកការងារជាអធិការនគរបាលស្រុក តាវែងជាបណ្តោះ អាសន្ន ហើយត្រូវបង្ហាញមុខរៀងរាល់ថ្ងៃនៅការិយាល័យបុគ្គលិក នៃស្នងការដ្ឋាននគរបាលខេត្ត រង់ចាំការ សម្រេចថ្មី ។
ក្នុងនោះដែរ ក៏បានសម្រេចតែង តាំងលោកវរសេនីយត្រី ហុស រឹម អត្តលេខ៥៣៦៣១ អធិការរងទទួលផែនការងារសេនាធិការដឹកនាំការងារជំនួសលោក វរសេនីយ៍ទោ សម្បត្តិ កុសល រហូតការស្រាវជ្រាវត្រូវបានបញ្ចប់ ។ ប្រាវូ!!! នេះជា ការស្វាគមន៍ដ៏ក្លៀវក្លា របស់មន្ត្រីនគរបាលថ្នាក់ ក្រោមនៅក្នុងអធិការដ្ឋាននគរបាលស្រុកតាវែងដែលរងការកៀបសង្កត់ជេបញ្ចោរពីលោក វរសេនីយ៍ទោ សម្បត្តិ កុសល បានត្រេកអរ យ៉ាងខ្លាំងនៅពេលបានឃើញសេចក្តីសម្រេចរបស់អគ្គស្នងការនគរបាលជាតិនាពេលនេះ ៕