ធំក្លិនស្អុយពុករលួយ ចេញពីមន្ទីរកសិកម្មដែលមានលោក សូត្រ ស៊ីសុឃាង ប្រធានមន្ទីរ និងលោក តាញ់ បុត្តា ប្រធានការិយាល័យផលិតកម្ម និងបសុព្យាបាល ខេត្តឧត្តរមាន
15-March-2026 / ព័ត៌មានជាតិ
ឧត្តរមានជ័យ៖មូលហហេតុគឺប្រជាពលរដ្ឋបានចោទប្រកាន់ថាលោកប្រធានមន្ទីរនិងកូនចៅជាមេពេទ្យសត្វខេត្តបានគប់គិតគ្នាប្រព្រឹត្តអំពើ ពុករលួយជាមួយឯកឧត្តម សូរ ប្រុស ហៅ (ឆាយណា ) មានតួនាទីជាសមាជិកក្រុមប្រឹក្សាខេត្តឧត្តរមានជ័យ និងជាម្ចាស់ក្រុម ហ៊ុន F2V នាំមាន់រស់ចូលពីប្រទេសថៃយ៉ាងរលូន រាប់សិបឆ្នាំកន្លងមកហើយ តាមច្រកអន្តរ ជាតិអូរស្មាច់ ខេត្តឧត្តរមានជ័យ !។
ប្រជាពលរដ្ឋ ខេត្តឧត្ដរមានជ័យដែលរងគ្រោះព្រោះការគប់គិតគ្នាឲ្យក្រុមហ៊ុនF2Vនាំចូលមាន់ដា់ច់មុខដោយគ្មានការត្រួតពិនិត្យសុខភាពសត្វតាមបច្ចេកទេសពេលនាំចូល បានគោរពស្នើសុំឯកឧត្តម ឌិត ឌីណា រដ្ឋមន្ត្រីក្រសួងកសិកម្មរុក្ខាប្រមាញ់ និង នេសាទ និងឯកឧត្តម មាន ចាន់យ៉ាដា អភិ បាល នៃគណៈអភិបាលខេត្តឧត្តរមានជ័យ ព្រមទាំងឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលទទួល បន្ទុកអគ្គនាយកដ្ឋានសុខភាពសត្វនិងផលិតកម្មសត្វ សូម ឯកឧត្តមត្រួតពិនិត្យមើលផងទានក្នុងករណី លោក សូត្រ ស៊ីសុខឃាង ប្រធានមន្ទីកសិកម្មរុក្ខាប្រមាញ់ និងនេសាទខេត្ត ឧត្ដរមានជ័យ ។
លោក តាញ់ បុត្តា ប្រធានការិយាល័យផលិត កម្ម និងបសុព្យាបាលខេត្ត ព្រោះរឿងលោកទាំងពីរនាក់ខាងលើប្រធានមន្ទីរ និងប្រធានពេទ្យ សត្វបានគប់គិតគ្នាជាមួយក្រុម ហ៊ុន F2V នាំសត្វមាន់រស់ ពីប្រទេសថៃមកប្រទេសកម្ពុជា យ៉ាងរលូនតាមច្រកទ្វារអន្តរ ជាតិអូស្មាច់ នៅក្នុងទឹកដីខេត្តឧត្តរមានជ័យ ។តាមសេចក្តីរាយការណ៍របស់បងប្អូនប្រជាពលរដ្ឋដែលជាអជីវករលក់បក្សីមាន់ទានៅក្នុងសង្កាត់ក៏ដូចជានៅក្នុងខេត្ត និងអាជីវករដឹកជញ្ជូនបក្សីរស់សម្រាប់យកទៅផ្គត់ផ្គង់ខេត្តដ៍ទៃនិងរាជធានីភ្នំពេញ បានប្រាប់មកសារព័ត៌មាន គេហទំព័រមាតុភូមិ នាពេលកន្លងទៅថ្មីៗនេះថា បងប្អូនប្រជាពលរដ្ឋមានការ ក្តៅក្រហាយជាខ្លាំងជាមួយមេឈ្មួញម្នាក់គឺឯកឧត្តម សូរប្រុស ហៅ (ឆាយណា) បានកៀបសង្កត់បងប្អូនប្រជាពលរដ្ឋដែលចូលទៅទិញមាន់រស់ពីប្រទេសថៃសម្រាប់យកមកផ្គត់ផ្គង់ក្នុងតំបន់ជាប់ព្រំដែន ។
ក្នុងករណីអាជីវករក៏ដូចជាបងប្អូនប្រជាពលរដ្ឋចូលទៅទិញមាន់រស់នៅក្នុងប្រទេសថៃត្រូវបង់ឲ្យក្រុមក្រុមហ៊ុនក្នុងមួយគីឡូក្រាម ២០បាតស្មើរ២ពាន់រៀល 2 ឲ្យក្រុមហ៊ុនF2V(ឆាយណា)។ ដូចនេះហៅធ្វើឱ្យតម្លៃសាច់នៅលើទីផ្សារមានការឡើងថ្លៃជាអតិបរមាស្ថិតនៅក្នុងសេដ្ឋកិច្ចនៅក្នុងប្រទេសកំពុងតែមានការធ្លាក់ចុះបែបនេះ ហើយមានឈ្មួញឃុបឃិតក្នុងប្រពន្ធប្រព្រឹត្តអំពើពុករលួយបែបនេះទៀតតើឲ្យប្រជាពលរដ្ឋរស់នៅទុក្ខវេទនាយ៉ាងណា?។
បងប្អូនប្រជាពលរដ្ឋចង់សួរទៅរាជរដ្ឋាភិបាលថា!
តើសព្វថ្ងៃ រដ្ឋាភិបាលឱ្យមានគោលនយោបាយឲ្យក្រុមហ៊ុននាំចូលផ្ដាច់មុខសម្រាប់ការផ្គត់ផ្គង់និងចែកចាយ ម្ហូបអាហារនៅក្នុងប្រទេសបែបនេះដែរឬទេ?។នេះមិននិយាយពីការនាំចូលខុសបច្ចេកទេសដោយមិនបានធ្វើចត្តាសក័មាន់ពេលនាំចូលបង្កឲ្យមានជម្ងឺឆ្លងនោះផងទេ។
បងប្អូនប្រជាពលរដ្ឋស្នើសុំសម្ដេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ឯកឧត្តម ឌិត ឌីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ។ សូមត្រួតពិនិត្យមើលផងទាន ។ នេះបើតាមសេចក្តីស្នើសុំពីបងប្អូនប្រជាពលរដ្ឋទូទាំងខេត្តឧត្តរមានជ័យដែលរងការកៀបសង្កត់ពីខាងពេទ្យសត្វខេត្ត ៕
