វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 755 នាក់
ម្សិលមិញ 3717 នាក់
សរុប 14149088 នាក់
ភ្នំពេញ៖ កាលពីថ្ងៃព្រឹកទី១៩ ខែមីនា ឆ្នាំ២០២០ក្រសួងការបរទេស និងសហប្រតិបត្តិការអន្តរជាតិកម្ពុជា បានចេញលិខិតមួយ(ចុះថ្ងៃ១៨ មីនា) ដោយផ្ញើជូនស្ថានទូតវៀតណាមប្រចាំកម្ពុជាបញ្ជាក់អំពីការបិទច្រកព្រំដែនមួយរយៈ ដោយមិនអនុញ្ញាតឱ្យប្រជាជនវៀតណាមឆ្លងកាត់មកកម្ពុជាតាមគ្រប់ផ្លូវគោក ផ្លូវទឹក និងផ្លូវអាកាសឡើយ ពោលគឺចាប់ពីថ្ងៃ១៨ មីនាតទៅ។
ក្នុងលិខិតដដែលក៏បានបន្ថែមថា ចំពោះពលរដ្ឋកម្ពុជាវិញក៏មិនត្រូវបានអនុញ្ញាត្តិឲ្យធ្វើដំណើរទៅវៀតណាមគ្រប់ច្រកទាំងអស់ជាបណ្តោះអាសន្នដូចគ្នា។ ក្នុងករណីនេះក្រសួងការបរទេសបញ្ជាក់ថា ទាំងពលរដ្ឋកម្ពុជា និងពលរដ្ឋវៀតណាមនឹងត្រូវផ្អាកមួយរយៈនូវការចេញចូលទៅវិញទៅមកចាប់ពីថ្ងៃ២០មីនាតទៅ។ទោះជាយ៉ាងណារឿងបិទព្រុំដែននេះដែរសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំផ្សេងខ្លះទៅវិញ។
យោងតាមសេចក្ដីជូនដំណឹង របស់ក្រសួងមហាផ្ទៃ នៅថ្ងៃទី១៩ ខែមីនា ឆ្នាំ២០២០ បានឲ្យដឹងថា ដោយសារការរកឃើញ ករណីវីរុសកូវីដ-១៩ មានការកើនឡើងយ៉ាងគំហុក និងខណៈដែលរដ្ឋាភិបាលវៀតណាម បានដាក់កម្រិតលើការធ្វើដំណើរ ដោយតម្រូវឲ្យមានការដាក់ ឲ្យនៅដាច់ដោយឡែកពីគេ រយៈពេល ១៤ថ្ងៃ ចំពោះអ្នកដំណើរពីប្រទេសអាស៊ាន រួមទាំងជនជាតិវៀតណាម ដែលវិលត្រឡប់ ចូលប្រទេសកម្ពុជាផងនោះ ក្រសួងមហាផ្ទៃ ធ្វើការណែនាំ ដូចខាងក្រោម៖
ទី១- ការធ្វើដំណើរចូលប្រទេសកម្ពុជា ដោយប្រជាពលរដ្ឋវៀតណាម និងការធ្វើដំណើរ ចូលប្រទេសវៀតណាម ដោយពលរដ្ឋកម្ពុជា តាមផ្លូវគោក ផ្លូវទឹក និងផ្លូវអាកាសទាំងអស់ នឹងត្រូវផ្អាកជាបណ្ដោះអាសន្ន ចាប់ពីម៉ោង ២៣៖៥៩ នាទីយប់ថ្ងៃទី ២០ ខែមីនា ឆ្នាំ២០២០។ វិធានការនេះ មានគោលបំណងបញ្ចៀស នូវការរីករាលដាលនៃជំងឺកូវីដ-១៩។ទី២- វិធានការខាងលើនេះ មិនត្រូវបានអនុវត្ត ចំពោះពលរដ្ឋវៀតណាម និងពលរដ្ឋកម្ពុជា ដែលកាន់លិខិតឆ្លងដែនការទូត និងផ្លូវការទេ។
ទី៣- អាជ្ញាធរខេត្តជាប់ព្រំដែន ជាមួយសាធារណរដ្ឋ សង្គមនិយមវៀតណាម ត្រូវធ្វើការសម្របសម្រួល ជាមួយភាគីវៀតណាម ដើម្បីជួយសម្រួល ដល់ការធ្វើមាតុភូមិនិវត្តន៍ មកកម្ពុជាវិញ នូវពលរដ្ឋកម្ពុជាទាំងអស់ ដែលកំពុងត្រូវបានដាក់ឲ្យនៅដាច់ ពីគេក្នុងប្រទេសវៀតណាម ប្រសិនបើមាន។
ទី៤- អភិបាលខេត្តជាប់ព្រំដែន ជាមួយសាធារណរដ្ឋសង្គមនិយមវៀតណាម និងកម្លាំងមានសមត្ថកិច្ច តាមច្រកទ្វារព្រំដែនទាំងអស់ ត្រូវសហការសម្របសម្រួល ជាមួយភាគីវៀតណាម ដើម្បីធានាថា ការដឹកទំនិញឆ្លងកាត់ព្រំដែនរួម អាចអនុវត្តដោយគ្មានការរាំងស្ទះការ។
សម្ដេចក្រឡាហោម ស ខេងក៏ លើកឡើងទៀតថា អាជ្ញាធរខេត្តជាប់ព្រំដែន ជាមួយសាធារណរដ្ឋ សង្គមនិយមវៀតណាម ត្រូវធ្វើការជម្រាបជូន ភាគីវៀតណាម អំពីវិធានការខាងលើនេះ និងស្នើសុំការយោគយល់ ហើយត្រូវបន្តពង្រឹង កិច្ចសហប្រតិបត្តិការ និងការប្រឹងប្រែងរួមគ្នា ក្នុងការបញ្ឈប់ការឆ្លងរីករាលដាល នៃជំងឺកូវីដ១៩នេះ។
វិធានការនេះត្រូវបានធ្វើឡើងដោយអាជ្ញាធរអះអាងថា ដើម្បីចៀសវាងការលំបាកកើតឡើងនៅច្រកព្រំដែនរួមរវាងប្រទេសទាំងពីរ ក្រោយករណីមានការកើនឡើងយ៉ាងគំហុកនូវការរកឃើញវីរុសកូវីដ១៩ ជាបន្តបន្ទាប់។