ខឹងមេស៊ីដាច់ដីធ្លីយោធាថៃម្នាក់ក្រពុលមុខបាញ់សម្លាប់មនុស្សអស់២៦នាក់
26-December-2024 / ព័ត៌មានអន្តរជាតិ
ប្រទេសថៃ៖នាយករដ្ឋមន្ត្រីថៃ លោកប្រាយុទ្ធ ចានអូចា នៅថ្ងៃអាទិត្យទី០៩កុម្ភៈបានថាទាហានថៃម្នាក់ដែលបានប្រព្រឹត្តដូចកម្រោលចូលនៅក្នុងផ្សារនៅទីក្រុងភាគឦសាន្តមួយបានសម្លាប់មនុស្ស២៦នាក់និងបង្ករបួស៥២នាក់ផ្សេងទៀត។
លោកប្រាយុទ្ធ ដែលបានធ្វើដំណើរទៅកាន់ទីក្រុងនគរ រ៉ាចាស៊ីម៉ា ដើម្បីសួរសុខទុក្ខអ្នករងរបួស ទាហានជាឃាតករនេះបានឲ្យដឹងថាកត្តាជំរុញទឹកចិត្តអោយគេធ្វើការបាញ់បោះមិនរើសមុខនេះដោយសារតែការប្រណែន ពាក់ព័ន្ធនឹងកិច្ចព្រមព្រៀងដីធ្លីមួយដែលរូបគេយល់ថាត្រូវគេបោកប្រាស់។លោកប្រយុទ្ធបានវាយតម្លៃថា«វាជាហេតុការណ៍ដែលមិនធ្លាប់មាននៅថៃ និងខ្ញុំចង់អោយរឿងបែបនេះកើតមានជាចុងក្រោយ»។
សមត្តយោធាថៃឲ្យដឹងថា ទាហានជាឃាតកអាយុ៣២ឆ្នាំឈ្មោះ ចាក់ក្រាផាន ថូមម៉ានេះបានបាញ់លើផ្ទះមួយ បន្ទាប់មករត់ទៅកាន់បន្ទាយទាហាននិងបាញ់សម្លាប់ទាហានជាគូកនខ្លួន រួមទាំងមេបញ្ជាការរបស់ខ្លួនម្នាក់ ព្រមទាំងស្ត្រីម្នាក់នៅក្នុងបន្ទាយនៅក្រៅក្រុងនគរ រ៉ាចាស៊ីម៉ា។ក្រោយមកជនល្មើស ប្រដាប់ដោយកាំភ្លើងវែង បានពង្រត់រថយន្តយោធាHumveeនិងបើកទៅកាន់ផ្សារលក់ដូរដែលមានមនុស្សច្រើនមួយ មុនធ្វើការបាញ់សម្លាប់និងបានចាប់មនុស្ស១៦នាក់ធ្វើជាចំណាប់ខ្មាំង។ការបាញ់ប្រហារបានចាប់ផ្តើមនៅរសៀលថ្ងៃសៅរ៍ នាមជ្ឈមណ្ឌលទិញទំនិញ(Mall Terminla ២១)ដែលមានចម្ងាយប្រមាណ ២៥០ គីឡូម៉ែត្រពីរដ្ឋធានីបាងកក។
រដ្ឋមន្ត្រីក្រសួងសុខាភិបាលថៃលោក Anutin Charnvirakul បានប្រាប់ក្រុមអ្នកយកព័ត៌មាននៅកន្លែងកើតហេតុថា សមាជិកម្នាក់នៃកងកម្លាំងសន្តិសុខត្រូវបានសម្លាប់ និងពីរនាក់ផ្សេងទៀតរងរបួស។ អ្នកស្លាប់់ម្នាក់ទៀតជាពេទ្យដែលកំពុងជួយសង្គ្រោះអ្នករបួស។ អ្នកស្រីណាតតាយ៉ា ដែលរើឡានមិនរួចពីចំណត បានថតវីដេអូពីកន្លែងកើតហេតុ ហើយក្រោយមកគាត់បានរៀបរាប់ប្រាប់ប៉ូលិសថា ៖«ពេលនៅក្នុងឡានដែលជាប់គាំង ដំបូងខ្ញុំបានឃើញស្ត្រីម្នាក់រត់ចេញពីផ្សារដោយសភាពច្របូកច្របល់ បន្ទាប់មកអ្នកជិះម៉ូតូនៅពីមុខឡានខ្ញុំ ស្រាប់តែ ក្រោករត់ទុកចោលម៉ូតូ !ខ្ញុំចាប់ផ្តើមស្លុត សួរខ្លួនឯងថាស្អីទៅកំពុងកើតឡើង!ខ្ញុំសឹងមិនជឿថា រឿងនេះកំពុងកើតឡើងនៅស្រុកកំណើតរបស់ខ្ញុំទេ»ឮគាត់តែងមកហូបបាយនៅផ្សារទំនើបនេះស្ទើរតែរាល់ថ្ងៃព្រោះជាប់ទីតាំងសង្កាត់រស់នៅនិងធ្វើការ។
.
ការបាញ់ប្រហារដ៏កម្រោលមួយកាលពីរសៀលថ្ងៃសៅរ័ទី៨កុម្ភៈឆ្នាំ២០២០នេះ គឺជាករណីដ៏កម្រនៅក្នុងប្រទេសអាស៊ីអាគ្នេយ៍ មិននិយាយពីតំបន់ភាគខាងត្បូងថៃដ៏ឆ្ងាយ ដែលជាកន្លែងបះបោររាប់ទសវត្សនោះទេ។
ឧប្បត្តិហេតុនេះ កើតឡើង បន្ទាប់ពីការបាញ់សម្លាប់មុនមួយ នៅឯផ្សារទំនើបនៅកណ្តាលបាងកកតែមួយខែប៉ុណ្ណោះ ដែល ក្នុងករណីនោះខ្មាន់កាំភ្លើងពាក់ម៉ាស់ កាន់កាំភ្លើងខ្លីបានចូលទៅសម្លាប់មនុស្ស ៣ នាក់ក្នុងនោះ មានក្មេងអាយុ ២ ឆ្នាំម្នាក់ និងរងរបួស ៤ នាក់ទៀតដើម្បីប្លន់ហាងលក់គ្រឿងអលង្ការ។
ជនសង្ស័យកាលណោះជានាយកសាលាម្នាក់ត្រូវបានចាប់ខ្លួនមិនដល់ពីរសប្តាហ៍ក្រោយឧក្រិដ្ឋកម្ម។
ប្រភពសន្តិសុខម្នាក់បាននិយាយនឹងAPថា «ប៉ូលីសបានសម្លាប់ជនល្មើសនៅព្រឹកថ្ងៃអាទិត្យដោយជួយសង្គ្រោះចំណាប់ខ្មាំង ៨ នាក់រងរបួសស្ថិតក្នុងដៃជននោះ ».តែ ខ្មាន់កាំភ្លើងក៏បានបាញ់សម្លាប់កុម្មង់ដូថៃម្នាក់ក្នុងកងកម្លាំងពិសេសម្នាក់ដែរ។ខ្មាន់កាំភ្លើងត្រូវបានគេបកស្រាយ លើរូបភាពជាច្រើនថា បាននិយាយថាខឹងនឹងជម្លោះហិរញ្ញវត្ថុ មុនឈានដល់ការវាយប្រហារ ។គេបានបង្ហោះពាក្យសងសឹកមួយឃ្លាលើហ្វេសប៊ុក Acc Jakrapanth Thomma,មុនធ្វើសកម្មភាព ដោយហាក់មានន័យថា ការសងសឹកជារឿងបន្ទាប់មួយ!
ឈ្មោះចារ៉ាបថេនថមម៉ាដែលក្នុងអំឡុងពេលនៃការវាយប្រហារហ្វេសប៊ុកជននេះ បានសរសេរថា“ ការស្លាប់មិនអាចជៀសផុតសម្រាប់មនុស្សទាំងអស់គ្នា” ហើយក្រោយមកបានសួរថា“ តើខ្ញុំគួរលះបង់ឬអត់?” «ខ្ញុំហត់នឿយណាស់ ធុញទ្រាន់ណាស់…ខ្លួនខ្ញុំមិនអាចកម្រើកខ្លួន សូម្បីតែម្រាមដៃ ។ តើ ខ្ញុំគួរតែចុះចាញ់មែនទេ? …រកស៊ីមានបានដោយសារតែពុករលួយ និងកេងប្រវ័ញ្ចពីអ្នកដទៃ។ តើពួកគេគិតថាអាចយកលុយទាំងនោះទៅចាយ នៅឋានរកមែន?»។
ហ្វេសប៊ុកបានលុបគណនីរបស់ជនសង្ស័យនេះប៉ុន្មានម៉ោងក្រោយជាការមិនគាំទ្រឱ្យមានការពិភាក្សាឆ្លងឆ្លើយ។ This photo was uploaded to a now-suspended Facebook page under the name Jakrapanth Thomma, the suspected gunman
អ្នកតំណាងហ្វេសប៊ុកបាននិយាយនៅក្នុងសេចក្តីថ្លែងការណ៍មួយថា“ គ្មានកន្លែងណានៅលើហ្វេសប៊ុកសម្រាប់មនុស្សដែលប្រព្រឹត្តអំពើឃោរឃៅបែបនេះទេហើយយើងក៏មិនអនុញ្ញាតឱ្យមនុស្សសរសើរឬគាំទ្រការវាយប្រហារនេះដែរ”
