គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 8459 នាក់

ម្សិលមិញ 9639 នាក់

សរុប 20698630 នាក់

ការចុះហត្ថលេខាអាមេរិក-ចិន លើកិច្ចព្រមព្រៀងពាណិជ្ជកម្មដំណាក់កាលទី១នឹងធ្វើឲ្យជម្លោះពាណិជ្ជកម្ម ល្អប្រសើរ

21-September-2026 / ព័ត៌មានអន្តរជាតិ

អាមេរិក៖នៅថ្ងៃទី១៦ ខែមករា (ត្រូវនឹងថ្ងៃទី១៥ នៅអាមេរិក) ប្រធានាធិបតីដូណាល់ ត្រាំ និងលោក លីវ ហេ (Liu He) ឧបនាយករដ្ឋមន្ត្រីចិន បានសម្រេចចុះហត្ថលេខាលើកិច្ចព្រមព្រៀង «ដំណាក់កាលទី១» ជាផ្លូវការដើម្បីដោះស្រាយជម្លោះពាណិជ្ជកម្មរវាងមហាអំណាចសេដ្ឋកិច្ចទាំងពីរលើពិភពលោក ដែល កើតមានឡើងរយៈពេលជិត២ឆ្នាំកន្លងមកនេះ ។ a americ china1

លោកដូណាល់ ត្រាំ បានហៅថា ជាកិច្ចព្រមព្រៀងដ៏មានសារសំខាន់ ។ កិច្ចព្រមព្រៀងនេះ ក៏ជាទុនមួយយ៉ាងសំខាន់របស់លោកដូណាល់ ត្រាំ គឹជាទុនមួយសម្រាប់ការប្រកួតប្រជែងបោះឆ្នោតប្រធានាធិបតីរបស់គាត់នៅពេលខាងមុខនេះផងដែរ ។

កិច្ចព្រមព្រៀងថ្មីជំហានទី១នេះមិនទាន់ត្រូវបានទម្លាយឱ្យដឹងសេចក្តីន័យខ្លឹមសារច្រើននោះទេ ។ តែតាមការប្រកាសត្រួសៗ ពីខាងអាមេរិក រដ្ឋមន្ត្រីរតនាជាតិអាមេរិក ប្រកាសថា ភាគីចិនសន្យានឹងបង្កើនការទិញទំនិញអាមេរិក ក្នុងតម្លៃទឹកប្រាក់ ២០០ពាន់លានដុល្លារ បន្ថែម ដោយធៀបនឹងការទិញឆ្នាំ២០១៧ ។ ជាថ្នូរមកវិញ ភាគីរដ្ឋបាលអាមេរិក ត្រូវឈប់ដំឡើងពន្ធគយបន្ថែមទៀតឱ្យសោះ ចំពោះទំនិញចិន ហើយមិនតែប៉ុណ្ណោះ ត្រូវបញ្ចុះពន្ធពាក់កណ្តាល ចំពោះវិធានការពន្ធគយ ដែលអាមេរិកបានដាក់កាលពីខែកញ្ញាឆ្នាំ២០១៩ គឺបញ្ចុះពាក់កណ្តាលចំពោះទំនិញចិនដែលមានក្នុងរង្វង់តម្លៃទឹកប្រាក់ ១២០ពាន់លានដុល្លារ ។

បើតាមអ្នកវិភាគ, ការចុះកិច្ចប្រមព្រៀងនេះគឺខណៈពេលដែលលោកកំពុងតែត្រូវស្រអាប់មុខមាត់ ដោយសារតែនីតិវិធីទម្លាក់ប្រធានាធិបតីចុះពីតំណែង ដែលនេះ បទចោទប្រកាន់ផ្លូវការ បានដៅដល់ដៃព្រឹទ្ធសភាអាមេរិកទៅហើយ នៅថ្ងៃពុធ ទី១៥មករា គឺ លោក ដូណាល់ ត្រាំ ចង់លើកមុខ ស្តារបង្កើនប្រជាប្រិយភាពរបស់ខ្លួនឡើងវិញ សម្រាប់អាចឈ្នះការបោះឆ្នោតជាថ្មី នៅអាណត្តិទី២ ដែលការបោះឆ្នោតប្រធានធិបតី នឹងចាប់ផ្តើមនៅដើមខែវិច្ឆិកាខាងមុខនេះ ។

ការចំណេញចំពោះអាមេរិកដដែល គឺតាមការសន្យារបស់លោក ដូណាល់ ត្រាំ ក្នុងការសើរើរឿងពាណិជ្ជកម្ម! បើលោកបានសម្រេចចុះកិច្ចព្រមព្រៀងថ្មី ដែលគេមើលទៅ អាចនាំប្រយោជន៍ដល់សេដ្ឋកិច្ចនិងកសិកម្មអាមេរិកនោះ គឺច្បាស់ជាបំពេញចិត្តអ្នកបោះឆ្នោតអាមេរិក ក្នុងចំនួនណាមួយជាមិនខាន ។ ហើយក៏បង្ហាញដែរថា លោកត្រាំ បានគោរពពាក្យសន្យារបស់លោក ក្នុងការលើកកម្ពស់វិស័យកសិកម្ម ។នៅថ្ងៃទី១៥មករា ក្រោយពេលសម្រេចថាចុះកិច្ចព្រមព្រៀងជំហានទី១ លោក ដូណាល់ ត្រាំ ប្រកាសឱ្យកសិករទិញត្រាក់ទ័រថ្មីបន្ថែម ដើម្បីបង្កើនផលិតកម្មកសិកម្មរបស់ខ្លួន ។

ភាគីចិនវិញ រដ្ឋាភិបាលចិន បានទទួលស្គាល់ថា កំណើនសេដ្ឋកិច្ច មានភាពយឺតយ៉ាវ ជាងការគិតទុកពីមុនទៅទៀត ។ ផលិតផលឧស្សាហកម្ម សកម្មភាពលក់រាយ បានបន្ថយល្បឿន ចំណែកសកម្មភាពវិនិយោគវិញ បានធ្លាក់ចុះទាបក្នុងកម្រិតដ៏ខ្លាំងបំផុតមិនធ្លាប់មានឡើយ ក្នុងអំឡុងពេល២ទសវត្សរ៍កន្លងមកនេះ ។ ហើយចិន ធ្លាក់ពីប្រទេសដែលនាំទំនិញកសិកម្មទៅអាមេរិក លំដាប់ទី២ ធ្លាក់មកនៅលេខរៀងទី៥វិញ ។ ហេតុនេះ ការចុះកិច្ចព្រមព្រៀងថ្មី ស្តីពីពាណិជ្ជកម្ម ជាមួយអាមេរិក, ចិនរំពឹងថានឹងជួយស្រោចស្រងការខាតបង់មកវិញ ជាក់ជាមិនខាន ។

ជាប្រយោជន៍ដល់ចិនដែរ គឺអាមេរិកសម្រេចដកចិនចេញពីបញ្ជីខ្មៅ នៃប្រទេសដែលបង្វិលកែប្រែអត្រាប្តូរប្រាក់ បញ្ជុះដំឡើង តាមទំនើងចិត្តនឹកឃើញរបស់ខ្លួន ។ ( Les pays manipulateurs des monnaies, ប្រទេសដែលអនុវត្តមិនយុត្តិធម៌ លើនយោបាយរូបិយប័ណ្ណ ឬឧបាយកលនយោបាយរូបិយបណ្ណ)៕ a americ china