វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1635 នាក់
ម្សិលមិញ 5020 នាក់
សរុប 14117082 នាក់
ថៃ៖ ចាប៉ពីពីថ្ងៃព្រហស្បតិ៍ សប្តាហ៍នេះទៅ រហូត ដល់ថ្ងៃទី១០ ខែមករា ឆ្នាំ២០២០ប្រទេសថៃបានប្រាកសបញ្ចុះតម្លៃប្រេងឥន្ធនៈពីរប្រភេទគឺម៉ាស៊ូតនិងសាំងដើម្បីជាអំណោយនាឱកាសឆ្នាំថ្មីសម្រាប់ប្រជាពលរដ្ឋរបស់ខ្លួន។ នេះបើតាមការដកស្រង់ការផ្សាយចេញពី ទីភ្នាក់ងារព័ត៌មាន ស៊ីនហួរ នៅល្ងាចថ្ងៃពុធ ទី២៥ ខែធ្នូ ឆ្នាំ២០១៩។
លោកសុងទីរ៉ាតសុនទីជីរ៉ាវុង( Sontirat Sontijirawong)រដ្ឋមន្ត្រីថាមពលថៃ បានឲ្យដឹងដូច្នេះថា «តម្លៃប្រេងឥន្ធនៈ B10 Biodiesel និង E20 Gasohol នឹងត្រូវបញ្ចុះថ្លៃ ក្នុងអត្រាមួយបាតក្នុងមួយលីត្រ»។ ចំណាត់ការនេះនឹងត្រូវធ្វើឲ្យមូលនិធិប្រេងនៃប្រទេសថៃខាតបង់ប្រមាណជា ៨៧លានបាត (២.៨៨លានដុល្លារ) ក្នុងមួយថ្ងៃ ហើយបើរាប់ពីថ្ងៃទី២៦ ខែធ្នូ ឆ្នាំ២០១៩ រហូតដល់ថ្ងៃទី១០ ខែមករា ឆ្នាំ២០២០ ការខាតបង់ នឹងកើនដល់១.៣ពាន់លានដុល្លារបាត (៤៣.១លានដុល្លារ) ឯណោះ។នេះបើតាមការវាយតម្លៃរបស់លោករដ្ឋមន្ត្រីឋាមពលថៃ។
តែ លោកសុងទីរ៉ាតសុនទីជីរ៉ាវុង( Sontirat Sontijirawong)បានគូសបញ្ជាក់ថា ទំហំនៃការខាតបង់ពីចំណាត់ការបញ្ចុះថ្លៃប្រេងនេះនឹងថ្វីឡើយ ព្រោះវាជា កាដូដែលនឹងជួយសម្រួលដល់ការចំណាយរបស់ប្រជាជនថៃ ដែលត្រូវធ្វើដំណើរក្នុងឱកាសបុណ្យចូលឆ្នាំសាកលខាងមុខនេះ។ បច្ចុប្បន្ន ប្រេងឥន្ធនៈ B10 ស្ថិតនៅតម្លៃ២៥.៤៩បាត រីឯ E20 ស្ថិតនៅ២៤.២៤បាត ដែលតម្លៃនៅក្នុងរាជធានីបាងកក និងបណ្តាខេត្តជុំវិញ។ បើតាមគម្រោងចុះថ្លៃខាងលើ មាន័យថាពួកវានឹង ត្រូវធ្លាក់មក នៅត្រឹម២៤.៤៩បាត និង២៣.២៤បាត៕