គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6790 នាក់

ម្សិលមិញ 9639 នាក់

សរុប 20696961 នាក់

អង្គការឃ្លាំមើលសិទ្ធិមនុស្សចោទឧត្តមសេនីយ៍១២រូបថាមានបាតដៃកខ្វក់តែគ្មានឈ្មោះកូននាយករដ្ឋមន្ត្រី!

21-September-2026 / ផ្សេងៗ

ភ្នំពេញ៖នៅថ្ងៃទី២៨ មិថុនានេះក្រសួងការពារជាតិ បានធ្វើការច្រានចោលនូវរបាយការណ៍របស់អង្គការឃ្លាំមើលសិទ្ធិមនុស្ស(Human Rights Watch) ដែលបានចោទប្រកាន់ទៅលើមន្ត្រីយោធាជាន់ខ្ពស់របស់កម្ពុជាចំនួន១២រូបដោយគ្មានមូលដ្ឋាន។ អង្គការឃ្លាំមើលសិទ្ធិមនុស្ស នៅថ្ងៃព្រហស្បតិ៍នេះចេញផ្សាយនូវរបាយការណ៍មួយ កំរាស់ជាង២០០ទំព័រ មានចំណងជើងថា«បុគ្គលនាយឧត្តមសេនីយ៍បាតដៃកខ្វក់១២រូបរបស់កម្ពុជា៖ ប្រវត្តិរំលោភសិទ្ធិមនុស្សដ៏យូរអង្វែងនៃនាយឧត្តមសេនីយ៍របស់លោក ហ៊ុន សែន»។ a hun body guard

ក្រសួងការពារជាតិបានចាត់ទុកអង្គការឃ្លាំមើលសិទ្ធិមនុស្ស(Human Rights Watch) ថា បាន រំលោភបំពានម្តងហើយម្តងទៀត មកលើអធិបតេយ្យភាព ឯករាជ្យភាព និងនីតិរដ្ឋរបស់ព្រះរាជាណាចក្រកម្ពុជា បំរើនយោបាយទុច្ចរិត របស់ជនបរទេសមួយចំនួននិងក្រុមអ្នកនយោបាយក្បត់ជាតិ ដែលបានប៉ុនប៉ង បង្កើតបដិវត្តន៍ពណ៌ បំផ្លិចបំផ្លាញដល់សន្តិភាពនិងសេចក្តីសុខរបស់ប្រជាពលរដ្ឋខ្មែរ។ជាមួយគ្នានេះ ក្រសួងការពារជាតិក៏អំពាវនាវដល់អង្គការ Human Rights Watch បញ្ឈប់ជាបន្ទាន់នូវរបាយការណ៍ចោទប្រកាន់គ្មានមូលដ្ឋានទៅលើមន្ត្រីជាន់ខ្ពស់នៃកងកម្លាំងប្រដាប់អាវុធកម្ពុជា។ a human army

អង្គការឃ្លាំមើលសិទ្ធិមនុស្សរាយការណ៍ ថាកម្ពុជា កាន់តែប្រែក្លាយទៅជារបបផ្តាច់ការ និងការដឹកនាំបែបឯកបក្ស ដោយសារតែនាយឧត្តមសេនីយ៍មានបាតដៃកខ្វក់ទាំង១២រូប ក្នុងជួរកងកម្លាំងសន្តិសុខរបស់សម្តេចនាយករដ្ឋមន្ត្រី ហ៊ុន សែន បានធ្វើជាខ្នងបង្អែកនៃរបបនយោបាយមួយពោរពេញទៅដោយអំពើរំលោភបំពានសិទ្ធិមនុស្សធ្ងន់ធ្ងរជាប្រព័ន្ធនិងមានលក្ខណៈផ្តាច់ការនិយម។
អង្គការ Human Right Watch បានផ្តោតទៅលើនាយឧត្តមសេនីយ៍យោធានិងប៉ូលីសចំនួន១២រូប ក្នុងនោះមានលោក គន់ គីម លោក សៅ សុខា លោក ប៉ុល សារឿន លោក នេត សាវឿន ជាដើម ។ល។តែចំណុចគួរកត់សម្គាល់របាយការណ៍ មិនបានពាក់ព័ន្ធទៅនឹងកូនប្រុសរបស់សម្តេចនាយករដ្ឋមន្ត្រី ហ៊ុន សែន ដែលមានតួនាទីជាឧត្តមសេនីយ៍ក្នុងជួរកងទ័ពជាតិឡើយ។

ដោយឡែកនៅក្នុងសម័យប្រជុំលើកទី៣៨ នៃក្រុមប្រឹក្សាសិទ្ធិមនុស្ស កាលពីពាក់កណ្តាលខែមិថុនានេះ ប្រទេសប៊ុលហ្គារី តំណាងឱ្យសហគមន៍អឺរ៉ុប និងប្រទេសគាំទ្រមួយចំនួនរបស់ខ្លួន បានរិះគន់ និងបដិសេធមិនទទួលយកលទ្ធផលបោះឆ្នោតជ្រើសរើសតំណាងរាស្ត្រ នៅខែកក្កដា ខាងមុខនេះ បើគ្មានវត្តមានអតីតគណបក្សសង្គ្រោះជាតិ ។ឆ្លើយតបនឹងការលើកឡើងដូច្នេះ ឯកអគ្គរាជទូតតំណាងអចិន្ត្រៃយ៍កម្ពុជាប្រចាំមន្ទីរអង្គការសហប្រជាជាតិ លោក ណី សំអុល បានអះអាងថា ការរំលាយអតីតគណបក្សសង្គ្រោះជាតិ និងការឃុំខ្លួនមេដឹកនាំបក្សនេះគឺជាការអនុវត្តច្បាប់ និងពង្រឹងនីតិរដ្ឋ ហើយរាជរដ្ឋាភិបាល មិនមានតួនាទីនៅក្នុងការអន្តរាគមន៍ពាក់ព័ន្ធនឹងសេចក្តីសម្រេចរបស់តុលាការឡើយ។ រឿងនេះក៏មិនជាប់ពាក់ព័ន្ធអ្វីទៅនឹងការបោះឆ្នោតខាងមុខនេះដែរ។ a human right k1

សេចក្តីថ្លែងការណ៍ដែលមានកម្រាស់បីទំព័ររបស់តំណាងអចិន្ត្រៃយ៍កម្ពុជាដដែល ចាត់ទុកសេចក្តីថ្លែងការណ៍របស់ប្រទេសប៊ុលហ្គារី ថាធ្វើទ្បើងដោយមិនសមហេតុផល មិនត្រឹមត្រូវ និងជ្រៀតជ្រែកចូលទៅក្នុងកិច្ចការផ្ទៃក្នុងរបស់ប្រទេសកម្ពុជា ជាពិសេសគឺរំលោភគោលការណ៍ក្រុមប្រឹក្សា និងធម្មនុញ្ញរបស់ក្រុមប្រឹក្សាសន្តិសុខអង្គការសហប្រជាជាតិ និងបន្ទាបតម្លៃអធិបតេយ្យភាពកម្ពុជា។ a human riht k a human right k a human brad