គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 7592 នាក់

ម្សិលមិញ 9639 នាក់

សរុប 20697763 នាក់

ស្នងការដ្ឋាននគរបាលរាជធានីភ្នំពេញបកស្រាយរឿ ចាប់ខ្លួនអនុប្រធានស្តីទីគណបក្សកម្លាំងជាតិខេត្តតាកែវ !

21-September-2026 / ផ្សេងៗ

ភ្នំពេញ៖ អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានឲ្យដឹងថា នៅថ្ងៃទី២៨ ខែមករា ឆ្នាំ២០២៥ សមត្ថកិច្ចនៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវស៊ើប អង្កេតបទល្មើសជាក់ស្តែង និងដោយមានការសម្របសម្រួលនីតិវិធីពីអយ្យការនៃសាលាដំបូងរាជធានីភ្នំពេញ បានធ្វើការឃាត់ខ្លួនជនសង្ស័យ ឈ្មោះ ផាន់ សារ៉ា អាយុ៥០ឆ្នាំ អនុប្រធានស្ដីទីគណបក្សកម្លាំងជាតិខេត្តតាកែវ បច្ចុប្បន្នស្នាក់នៅភូមិធន់មន់ សង្កាត់បារាយណ៍ ក្រុងដូនកែវ ខេត្តតាកែវ ពាក់ព័ន្ធករណីញុះញង់បង្កភាពវឹកវរដល់សន្តិសុខសង្គម ផ្សព្វផ្សាយព័ត៌មានបំភ្លៃខុសពីការពិតដែលមានចេតនាញុះញង់ នាំឲ្យមានការរើសអើងថ្នាក់ដឹកនាំ និងធ្វើឲ្យប៉ះពាល់ដល់សន្តិសុខជាតិ ដែលប្រព្រឹត្តកាលពីពេលកន្លងទៅនេះ។ a rong chhuna

នគរបាលថាឈ្មោះ ផាន់ សារ៉ាត់ បានសារភាព និងបង្ហាញភស្តុតាង ថាបុគ្គលនេះពិតជាបានប្រព្រឹត្តសកម្មភាពបំភ្លៃព័ត៌មាន និងចែកចាយព័ត៌មានមិនពិត ដែលមានលក្ខណៈញុះញង់បង្កភាពវឹកវរដល់សន្តិសុខសង្គមប្រាកដមែន?។សេចក្តីប្រកាសពត៍មានចាត់ទុកការឃាត់ខ្លួនជនសង្ស័យឈ្មោះ វ៉ាន់ សារ៉ាត់ ខាងលើគឺសមត្ថកិច្ចអនុវត្តទៅតាមអង្គហេតុ និងអង្គច្បាប់នៃការប្រព្រឹត្តបទល្មើសព្រហ្មទណ្ឌដែលមានចែងក្នុងច្បាប់ក្រមព្រហ្មទណ្ឌ និងក្រមនីតិវិធីព្រហ្មទណ្ឌ ដោយមិនជាប់ពាក់ព័ន្ធនិងការគាបសង្កត់ ឬបំភិតបំភ័យ ផ្នែកនយោបាយលើសិទ្ធិបញ្ចេញយោបល់នោះទេ។

ជនសង្ស័យត្រូវបានសមត្ថកិច្ចជំនាញនៃស្នងការដ្ឋាននគរបាលរាជធានីភ្នំពេញ នាថ្ងៃទី៣០ ខែមករា ឆ្នាំ២០២៥បានកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមផ្លូវច្បាប់។សូមបញ្ជាក់ថាការបកស្រាយរបស់នគរបាលរាជធានីភ្នំពេញបានថ្វើឡើងបន្ទាប់ពីគណបក្សកម្លាំងជាតិចេញសេចក្តីថ្លែងការណ៍ចោទថាការចាប់ខ្លួនសកម្មជនរបស់ជាការគម្រាកំហែងខងនយោបាយ!។

ជាក់ស្តែងទីប្រឹក្សាគណបក្សកម្លាំងជាតិលោក រ៉ុង ឈុនប្រាប់វិទ្យុបារាំងអន្តរជាតិ RFI នៅថ្ងៃទី២៩ មករា ឆ្នាំ២០២៥ថា លោក ផាន់ សារ៉ាត់ អនុប្រធានគណៈកម្មាធិការប្រតិបត្តិនៃគណបក្សកម្លាំងជាតិក្រុងដូនកែវ ខេត្តតាកែវត្រូវបានសមត្ថកិច្ចចាប់ខ្លួនកាលពីថ្ងៃទី២៨ មករា វេលាម៉ោង៤ល្ងាច ដោយមិនដឹងពីមូលហេតុ។ក្នុងសេចក្តីថ្លែងការណ៍នៅថ្ងៃទី២៩ មករា គណបក្សកម្លាំងជាតិបានសម្តែងការសោកស្តាយយ៉ាងខ្លាំងចំពោះការចាប់ខ្លួនលោក ផាន់ សារ៉ាត់ និងថា ការចាប់សមាជិកខ្លួនពេលនេះជារូបភាពបំភិតបំភ័យថ្មីមួយ ហើយការបន្តធ្វើទុក្ខបុកម្នេញលើថ្នាក់ដឹកនាំ និងសមាជិករបស់បក្សកម្លាំងជាតិបានធ្វើឲ្យប៉ះពាល់យ៉ាងធ្ងន់ធ្ងរដល់ដំណើរការនៃការអនុវត្តគោលការណ៍លទ្ធិប្រជាធិបតេយ្យ សេរីពហុបក្សក្នុងប្រទេសកម្ពុជា។ ទន្ទឹមគ្នានេះ គណបក្សកម្លាំងជាតិបានស្នើសុំឲ្យអាជ្ញាធរមានសមត្ថកិច្ចដោះលែងលោក ផាន់ សារ៉ាត់ និងអ្នកជាប់ឃុំនយោបាយផ្សេងទៀតឲ្យមានសេរីភាពឡើងវិញ។

សំណើនេះត្រូវបានគណបក្សកម្លាំងជាតិលើកយកហេតុផលទៅពន្យល់ថា គឺដើម្បីធានានូវបរិយាកាសនយោបាយល្អដល់គ្រប់គណបក្សនយោបាយក្នុងការធ្វើសកម្មភាពនយោបាយដោយគ្មានការព្រួយបារម្ភ និងស្របតាមរដ្ឋធម្មនុញ្ញ និងច្បាប់ស្តីពីគណបក្សនយោបាយរបស់កម្ពុជា។ សូមបញ្ជាក់ថា មន្ត្រីរដ្ឋាភិបាលកម្ពុជាធ្លាប់អះអាងថា ការចាប់ខ្លួនសមាជិកគណបក្សនយោបាយបក្សក្រៅរដ្ឋាភិបាលកន្លងមកមិនជាប់ពាក់ព័ន្ធនឹងរឿងនយោបាយទេ ពោលគឺជាការអនុវត្តនីតិវិធីច្បាប់ចំពោះបុគ្គលដែលបានប្រព្រឹត្តិខុស៕ a power party a rong chhuna1