វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6038 នាក់
ម្សិលមិញ 8227 នាក់
សរុប 14132919 នាក់
ភ្នំពេញ៖នៅព្រឹកថ្ងៃទី ២៦ សីហា ២០១៩ នេះ ឯកឧត្តម នាយឧត្តមសេនីយ៍ សែម សុវណ្ណនី អគ្គនាយក នៃ អគ្គនាយក មជ្ឃមណ្ឌលជាតិ NPMEC បានថ្លែងប្រាប់ តាមទូរស័ព្ទមកកាន់ ការិយាល័យនិពន្ធ គេហទំព័រ មាតុភូមិ អោយដឹងថា : ជុំវិញ ការផ្តល់អនុសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋ មន្ត្រី នៃ ព្រះរាជាណាចក្រកម្ពុជាបាន លើកឡើងក្នុងអង្គប្រជុំគណ:កម្មាធិការកណ្តាល គណបក្ស ប្រជាជនកម្ពុជា កាលពីថ្ងៃទី ២២ សីហា ២០១៩ ស្តីពី មន្ត្រី ក្នុងជួរកងកម្លាំងប្រដាប់អាវុធគ្រប់ប្រភេទទាំងអស់ ត្រូវតែ សម្រេចចិត្ត ជ្រើសរើសយក តួនាទី ក្នុងក្របខណ្ឌរដ្ឋ និង ងារ ជាឧកញ៉ា តើត្រូវយក១ណា ? គឺបើយកងារជាឧកញ៉ាត្រូវលា លែងពីជួរកងកម្លាំងប្រដាប់អាវុធ ។
ចំពោះអនុសាសន៍របស់ សម្តេចលើកឡើងនេះ ឯកឧត្តម នាយឧត្តមសេនីយ៍ សែម សុវណ្ណនី បានបញ្ជាក់ថា នឹងនៅតែបន្តអនុវត្តតាមបទបញ្ជា និង អនុសាសន៍ដ៏ខ្ពង់ខ្ពស់របស់សម្តេចតេជោ ជានិច្ច បើ និយាយពីគោរមងារជាឧកញ៉ា របស់ឯកឧត្តម គឺព្រះមហា ក្សត្រ ព្រះអង្គព្រះរាជប្រទានអោយដោយយោងលើស្នាដៃ ក្នុង ការរួមចំណែកកសាងការពារ និង អភិវឌ្ឍន៍ជាតិក្រោមការដឹក នាំប្រកបដោយគតិបណ្ឌិតរបស់សម្តេចតេជោ តាំងពីដើមរៀង មក ពោលគឺឯកឧត្តម នាយឧត្តមសេនីយ៍ សែម សុវណ្ណនី បានទទួលគោរមងារជាឧកញ៉ាពីព្រះមហាក្សត្រ តាមព្រះរាជ ក្រិត្យលេខ០៦០១/០៧ ចុះថ្ងៃទី ២២ ខែ មិថុនា ឆ្នាំ ២០០២ លេខរៀងទី ១០៣ ។
ដូច្នេះពេលនេះសម្តេចតេជោតម្រូវ អោយកងកម្លាំងប្រដាប់អាវុធទាំងអស់ ជ្រើសរើសយក តួនាទី ឬ ងារជាឧកញ៉ានោះ គឺ មិនមានបញ្ហាអ្វីទេសម្រាប់រូបឯក ឧត្តមដែលជានាយទាហានជាន់ខ្ពស់១រូប ក៏ដូចអស់លោក នាយទាហានជាន់ខ្ពស់ជាច្រើននាក់ទៀតគឺ ពិតជាសម្រេចចិត្ត បោះបង់ចោលនូវងារជាឧកញ៉ាចោលវិញដូចៗគ្នា ប៉ុន្តែឥលូវ នេះខាងក្រសួងការពារជាតិកំពុងរៀបចំនីតិវិធី ដើម្បីសរុប បញ្ជីឈ្មោះមន្ត្រីយោធាដែលមានងារជាឧកញ៉ា រួចរាល់ចប់ សព្វគ្រប់ ក្រសួងនឹងធ្វើការប្រកាសជាផ្លូវការ នៅពេលខាង មុខ ។
ដូចការបញ្ជាក់របស់ឯកឧត្តម នាយឧត្តមសេនីយ៍ សែម សុវណ្ណនី នេះដែរ ឯកឧត្តម ឧត្តមសេនីយ៍ឯក ផល សាម៉ន ក៏បានគាំទ្រទាំងស្រុង និងបន្តគោរព អនុវត្តន៍តាម បទបញ្ជា និងអនុសាសន៍ របស់សម្តេចតេជោ ប្រមុខដឹកនាំ ប្រទេសជានិច្ច ។ ដោយឡែកខាងកងកម្លាំងនគរបាលជាតិ ឯណេះវិញ ពាក់ព័ន្ធនឹងករណីនេះដែរ ឯកឧត្តម ឧត្តមសេនីយ៍ ទោ ឡុង ស្រេង អនុប្រធាននាយកដ្ឋាននគរបាលប្រឆាំងបទ ល្មើសសេដ្ឋកិច្ច នៃ អគ្គស្នងការនគរបាលជាតិ ក្រសួងមហា ផ្ទៃ បានថ្លែងប្រាប់តាមទូរស័ព្ទ មកភ្នាក់ងារ មាតុភូមិ ថា៖ លោកមិនមានអ្វីជំទាស់ ឬភ្ញាក់ផ្អើលអ្វីនោះ ទេពីរឿង គោរមងារជាឧកញ៉ា របស់លោក ដែលព្រះមហា ក្សត្រ ទ្រង់ព្រះប្រទានអោយតាមព្រះរាជក្រិត្យលេខ ០៧០៣ / ២៤ ចុះថ្ងៃទី ០១ ខែ កក្កដា ឆ្នាំ ២០០៣ មានលេខរៀងទី ១៥១ នោះ ។
លោក ឡុង ស្រេង ថា ទេវតា ជាអ្នកប្រទានអោយ លោកដោយយោងទៅលើស្នាដៃ និងការខិតខំចូលរួមចំណែក កសាង ការពារ និង អភិវឌ្ឍន៍ជាតិ មាតុភូមិ ក្រោមមាគ៌ាដឹកនាំ ដ៏ត្រឹមត្រូវ ប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រមុខដឹកនាំប្រទេសកម្ពុជា ដូច្នេះសំរាប់រូប ខ្ញុំ ( ឡុង ស្រេង ) ផ្ទាល់ឝឺ នៅតែបន្ត គោរព និង អនុវត្តន៍តាមបទបញ្ជា និង អនុសាសន៍របស់សម្តេចតេជោជានិច្ច សុខចិត្តបោះបង់ ចោលគោរមងារជាឧកញ៉ាចេញ ដូចអស់លោកឧត្តមសេនីយ៍ ៗឯទៀតៗក្នុងជួរកងកម្លាំងប្រដាប់អាវុធនោះដែរ តែថា ការ ប្រកាសចេញមុខមុនគេជាសាធារណ:អីនោះ លោក ឡុង ស្រេង បញ្ជាក់ថា ចាំមើលគេ មើលឯងសិន ។
តាម ការរៀបរាប់ប្រាប់ពីគោលជំហរពិតប្រាកដរបស់ លោកនាយឧត្តមសេនីយ៍ សែម សុវណ្ណនី និង លោកឧត្តម សេនីយ៍ទោ ឡុង ស្រេង ដល់អ្នកកាសែតនាពេលនេះ គឺត្រូវ បានមហាជន និង ប្រជាពលរដ្ឋទូទៅកោតសរសើរនូវទឹកចិត្ត ក្លាហានធ្វើជាគំរូដ៏ល្អ មុនគេក្នុងការទទួលយក និង គោរព អនុវត្តន៍តាមបទបញ្ជា និង អនុសាសន៍របស់សម្តេចតេជោ ហ៊ុន សែន ដែលបានដាក់ចេញនាពេលថ្មីៗនេះ ។
សូមបញ្ជាក់ថា : បើផ្អែកតាមបញ្ជីរាយនាមគោរម្យងារ «ឧកញ៉ា» ក្នុងសម័យព្រះរាជាណាចក្រទី២ នៃកម្ពុជាយើង ។ បញ្ជីរាយនាមគោរម្យងារ «ឧកញ៉ា» តាមការព្យាយាមស្រាវជ្រាវកន្លងមក មានពីលេខរៀងទី១ គិតចាប់ពីថ្ងៃទី១០ កញ្ញា ឆ្នាំ១៩៩៤ ដល់លេខរៀងទី៧០៤ ត្រឹមថ្ងៃទី១៧ កុម្ភៈ ឆ្នាំ២០១៤ ដែលសរុបមានចំនួន៧០៤នាក់ ។
យោងតាមអនុក្រឹត្យលេខ១៥លេខ១៥ អនក្រ ចុះថ្ងៃទី៥ មេសា ឆ្នាំ១៩៩៤ ដែលចុះហត្ថលេខាដោយនាយករដ្ឋមន្ត្រីទី១ និងទី២ ត្រង់មាត្រា២ ចែងថា «សប្បុរសជន ដែលបានធ្វើអំណោយជូនរដ្ឋជាថវិកា ឬសម្ភារ មានតម្លៃលើសពី១០ម៉ឺនដុល្លារអាមេរិក (US$100.000) ឡើងទៅ នឹងត្រូវបានជូនមេដាយស្ថាបនាជាតិថ្នាក់លេខ១ និងត្រូវបានរាជរដ្ឋាភិបាលស្នើសុំព្រះរាជយោបល់ដ៏ខ្ពង់ខ្ពស់នៃព្រះករុណាជាអម្ចាស់ជីវិតតម្កល់លើត្បូង ដើម្បីទ្រង់ព្រះរាជទានគោរម្យងារជា «ឧកញ៉ា» ។
ដូច្នេះយោងតាមអនុក្រឹត្យខាងលើនេះ បញ្ជាក់ច្បាស់ថា៖ អស់លោក លោក ជំទាវ ដែលបានទទួលនូវគោរម្យងារ «ឧកញ៉ា» សុទ្ធតែបានបរិច្ចាគនូវសម្បត្តិផ្ទាល់ខ្លួនគ្រប់ៗគ្នា ជួយកសាងសង្គមជាតិ ទើបអាចទទួលបាននូវគុណសម្បត្តិដ៏វិសេសនេះ សម្រាប់ជាកិត្តិយសប្រចាំជីវិតក្នុងនាមជាពលរដ្ឋខ្មែរមួយរូបជួយដល់សង្គមជាតិ ។ ពោលគឺគោរម្យងារដ៏ឧត្តុងឧត្តមនេះ មិនមែនបានមកដោយសារបក្ខពួកនិយម ឬគ្រួសារនិយមឡើយ ។
នេះគិតត្រឹមតែឆ្នាំ ២០១៤ ទេ រហូតមកដល់ឆ្នាំ ២០១៩ នេះ គេមិនទាន់បានដឹងនូវបញ្ជីឈ្មោះ អ្នកដែលបានទទួលគោរម្យ ងារ " ឧកញ៉ា " បានកើនឡើងដល់ចំនួនប៉ុន្មាននាក់នៅឡើយ ទេ ក្នុងចំណោមអ្នកមានងារ ជា ឧកញ៉ា នោះក្នុងជួរកងកម្លាំង ប្រដាប់អាវុធគ្រប់ប្រភេទក៏មានច្រើននាក់ណាស់ដែរ ៕