វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1508 នាក់
ម្សិលមិញ 5020 នាក់
សរុប 14116955 នាក់
ភ្នំពេញ៖សម្តេចតេជោនាយករដ្ឋមន្ត្រី ហ៊ុនសែន នៅថ្ងៃទី៣មេសានេះបានចេញលិខិតមួយស្នើចំពោះសម្តេចប្រធានព្រឹទ្ធសភាឲ្យត្រៀមកោះប្រជុំវិសាមញ្ញមួយជាបន្ទាន់ដើម្បីត្រួតពិនិត្យសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្នក្រោយពីសភាអនុមត័ដោយត្រូវផ្អាកវិស្សមកាលសិន។
អ្នកនាំពាក្យរដ្ឋសភាលោកឡេង ប៉េងឡុងបានឲ្យដឹងថា៖ សេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន នឹងត្រូវលើកទៅពិភាក្សាក្នុងកិច្ចប្រជុំគណៈកម្មាធិការអចិន្ត្រៃយ៍រដ្ឋសភានៅថ្ងៃអង្គារ៍ ទី៧ ខែមេសា សប្តាហ៍ក្រោយ។ ហើយសេចក្តីព្រាងច្បាប់ដែលដាក់ជាការប្រញាប់នេះ អាចនឹងដាក់ទៅពិភាក្សា និងអនុម័ត នៅសប្តាហ៍ក្រោយយដដែលនោះតែម្តង។
សេចក្តីព្រាងច្បាប់នេះ មាន៥ជំពូក និង១១មាត្រា ដែលត្រូវបានរៀបចំឡើង ដើម្បីដឹកនាំជាតិនៅពេលដែលប្រទេសត្រូវបានប្រកាសដាក់ក្នុងភាពអាសន្ន។ យោងតាមមាត្រា៣នៃសេចក្តីព្រាងច្បាប់ ការ កំណត់ថិរវេលាសម្រាប់ការប្រកាសដាក់ប្រទេសជាតិស្ថិតក្នុងភាពអាសន្ន គឺមិនឲ្យលើសពី៣ខែ ហើយឋិរៈវេលា នេះ អាចត្រូវបានបន្តក្នុងលក្ខខណ្ឌដូចគ្នា។
មាត្រា៥ត្រង់កថាខណ្ឌចុងក្រោយនៃសេចក្តីព្រាងច្បាប់បានសរសេរ ថា «…ក្នុងពេលសង្គ្រាមឬកាលៈទេសដទៃទៀតដែលសន្តិសុខជាតិប្រឈមមុខនឹងគ្រោះថ្នាក់ធ្ងន់ធ្ងរ ការគ្រប់ គ្រងប្រទេសជាតិស្ថិតក្នុងភាពអាសន្នដោយរាជរដ្ឋាភិបាលអាចធ្វើឡើងតាមរបបអាជ្ញាសឹក»។ មាត្រាមួយដទៃ ទៀតក្នុងជំពូកទី៤ស្តីពីទោសប្បញ្ញតិ្ត បានចែងថា អាជ្ញាធរមានសមត្ថកិច្ចដែលប្រើ ប្រាស់សិទ្ធិអំណាចដោយ រំលោភដើម្បីធ្វើតាមទំនើងចិត្តហើយបង្កការខូចខាតដល់រូបរាងកាយ ឬទ្រព្យសម្បត្តិអ្នកដទៃ ត្រូវទទួលខុស ត្រូវនូវអំពើដែលខ្លួនបានប្រព្រឹត្ត។