» បំផ្លាញ​ស្រាថ្នាំ តាំង គួ​យ ជិត​៣​ម៉ឺន​ដប បន្ទាប់ពី​បានសម្លាប់​មនុស្ស​ជិត​១០​នាក់ » ក្រសួងបរិស្ថានឌឺអាមេរិករឿងកាត់លុយជួយការពារព្រៃឡង់ » ប៉ូលិស​ហុងកុង​ឆ្មក់​ចូល​ការិយាល័យ​កាសែត​គាំទ្រ​លទ្ធិប្រជាធិបតេយ្យ ចាប់ខ្លួន​មនុស្ស ៥​នាក់​ » មិនមែន​ពេទ្យសត្វ​ទេ​តែ​ជា​ទា​ហ៊ាន​ដែលមាន​មេ​រកស៊ី​នាំចូល​ជ្រូក​ដែរ​ចាប់​កូនជ្រូក​ប្រជាពលរដ្ឋ​ទិញ​មក​ចិញ្ចឹម​ » បែក​រឿង​ពុករលួយ​របស់ លោក ឃុន ប៊ុន​ហូ មេបញ្ជាការរង កងរាជអាវុធហត្ថ​ខេត្តកំពង់ធំ » ការរួម​កម្លាំង​របស់​ប្រទេស​G7​និង​ណា​តូ​គឺ​ជំ​រុញឱ្យ​រុស្ស៊ី​-​ចិន​កាន់តែ​ជិតស្និទ្ធ​គ្នា​! » ព្រោះតែ​ប្រដាប់​គូស្នេហ៍​អ្នក​មេម៉ាយ​កូន​២​និង តារា​សម្តែង លោក អេ​ដ​វីន​ឌឺ​ដាក់គ្នា​និង​មានការ​លូកដៃ​ពី​រ៉ូ​ស​ទៀត​! » អគ្គនាយកដ្ឋាន​អន្តោប្រវេសន៍ ប្រាប់ថា​បាន​ដេញ​ជនបរទេស​ជាង​១​ម៉ឺន​ចេញពី​ស្រុក​ខ្មែរ​ » ប្រពន្ធ​មិនទាន់​លែងលះ​ដាច់​ប្រកាស​ឲ្យ​កាសែត​តាមដាន​ឧកញ៉ា​ឌួង​ងៀប​! » ចាក់​វ៉ាក់សាំង​បាន​មាន់​មួយ​នៅ​ឥណ្ឌូណេស៊ី​ខុសពី​ស្រុក​ខ្មែរ​១​លាន​នាក់​បាន​រង្វាន់ម្តង​ » ៣​ថ្ងៃ​ផ្ទះ​បណ្តែត​ទឹកជា​១​ពាន់​ខ្នង​ត្រូវបាន​រុះរើ​ចេញ​! » ភ្ញាក់ផ្អើល​ចំពោះ​មរណៈភាព​លោក​លោកយាយ​ព្រឹទ្ធាចារ្យ ទេវ​នាដ​និម្មិត ឯម ធា​យ​គឺ​ដោយសារ​កូ​វិត​១៩! » ឪ​ចុង​រំលោភ​កូន​ដើមបី​ដង​១​ខែក្រោយ​ទើប​ម្តាយ​មកប្តឹង​! » ប្រទះឃើញ​ត្រី​ផ្សោត​ទម្ងន់​ជិត​២០០​គីឡូក្រាម​ងាប់​មិនដឹង​មូលហេតុ​! » ឆេះ​ឃ្លាំង​ស្តុក​អីវ៉ាន់​អាជីវករ​ខ្មែរនៅផ្សាររុងក្លឿ​​២​តម្លៃ​ប្រមាណ​៥​លាន​បាត​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1664 នាក់

ម្សិលមិញ 4990 នាក់

សរុប 7155669 នាក់

សកម្មជន​បរិស្ថានរ​ក​ឃើញ​គំនរ​ឈើប្រណិត​នៅក្នុង​ក្រុមហ៊ុន​លឹម​រ៉ូយ៉ាល់​បន្ទាប់ពី​អ្នកនាំពាក្យ​គណៈកម្មការ​ជាតិ ដើម្បី​ទប់ស្កាត់ និង​បង្ក្រាប​បទល្មើស​ធនធាន​ធម្មជាតិ​ថា​ក្រុមហ៊ុន​នេះ​អត់​ពាក់​ព​ន្ធ័​?!


​ភ្នំពេញ​៖​សន្និសីទ​សារព័ត៌មាន​ស្តីពី «​វិធានការ​ទប់ស្កាត់​ប​ទ​ល្មើស​ព្រៃឈើ​»​កាលពី​ព្រឹក​ថ្ងៃទី​១៨ ខែកក្កដា ឆ្នាំ​២០១៩​នៅ​ទីស្តីការគណរដ្ឋមន្ត្រី លោក​ឧ​ត្ត​ម​សេនីយ៍ អេង ហ៊ី​អ្នកនាំពាក្យ​គណៈកម្មការ​ជាតិ ដើម្បី​ទប់ស្កាត់ និង​បង្ក្រាប​បទល្មើស​ធនធាន​ធម្មជាតិ បានអោយដឹងថា បាន​ឲ្យ​ដឹងថា​លើកលែងតែ​ក្រុមហ៊ុន​លឹម​រ៉ូយ៉ាល់មួយ​ចេញ​គឺមាន ក្រុមហ៊ុន​ចំនួន​៥ ដែល​រកស៊ី​ពាក់ព័ន្ធ​ព្រៃឈើ នឹងត្រូវ​ដក​អាជ្ញាប័ណ្ណ​ចោល​ភ្លាមៗ បើសិន ត្រូវបាន​រកឃើញថា មាន​ការជាប់​ពាក់ព័ន្ធ​បទល្មើស​ព្រៃឈើ​នាពេល​កន្លងមក និង​មក​ដល់ពេល​បច្ចុប្បន្ននេះ​។​a car lim royal 

«​បើ​ក្រុមហ៊ុន​នោះ​ធ្វើ​ល្មើសច្បាប់ យើង​នឹង​ដក​អាជ្ញាប័ណ្ណ តែ​រង់ចាំ​ការស៊ើបអង្កេត​សិន បើ​យើង​ទៅ​បិត​ទៅ​គេ មិនទាន់​ចប់​ការស៊ើបអង្កេត​នោះ មិន​ផ្តល់​ភាពយុត្តិធម៌​ទេ​»​។​ក្រុមហ៊ុន​ទាំង​៥​នោះ​រួមមាន ទី​១៖ ក្រុមហ៊ុន ម៉ា​ស្ទ័​រ​ខេ​សិន​, ទី​២៖ ក្រុមហ៊ុន យ៉ាន់​ចាវ​, ទី​៣៖ ក្រុមហ៊ុន ថាច់​វូដ​, ទី​៤៖ ក្រុមហ៊ុន វិ​ជ្ជ​រី​, ទី​៥៖ ក្រុមហ៊ុន ណេង​ណា​។

​តែ​អ្វីដែល​គួរ​ឲ្យ​ហួសចិត្ត​គឺ​នៅត្រង់ថា​កាលពី​ថ្ងៃទី​២៦​និង​២៧​កក្កដា​កន្លងមកនេះ​សមត្ថកិច្ច​អាវុធហត្ថ​ខេត្តក្រចេះ​និង​សកម្មជន​ការពារ​ព្រៃឈើ បាន​រកឃើញ​ឈើ​ចំនួន​៥៩៣​កំណាត់​លាក់ទុក​ក្នុង​ទីតាំង​ក្រុមហ៊ុន​លឹម​រ៉ូយ៉ាល់ ជាប់​តំបន់​ដែនជម្រកសត្វព្រៃ​ភ្នំ​ព្រេច​។ គំនរ​ឈើ​ទាង​នោះ​បើ​គិតពី​តម្លៃ​ឈើ​នោះ គឺ​រាប់លាន​ដុល្លារ​ឯណោះ​ព្រោះ​សុទ្ធតែជា​ប្រភេទ​ឈើ​ប្រណីត​និង​ជា​ប្រភេទ​ឈើ​លេខ​១​។

ទោះបីជា​ក្រុមហ៊ុន​លឹម​រ៉ូយ៉ាល​មានឈ្មោះ ហុង ទៀ​វៃ ហៅ (​ដា​នី​) ជា​អគ្គនាយក​ក្រុមហ៊ុន​ក៏ដោយ​តែ​សមត្ថកិច្ច​ពាក់ព័ន្ធ​ក្នុង​ខេត្តមណ្ឌលគិរី បាន​បញ្ជាក់ថា ក្រុមហ៊ុន​លឹម​រ៉ូយ៉ាល់ របស់​មេ​ឈ្មួញ​ដុះ​ស្លែ​ឈ្មោះ លីម ប៊ុណ្ណា ហៅ​ខ្នា​ជា​ឧកញ៉ា​ខាង បំផ្លាញ​ព្រៃឈើ​ក្នុង​តំបន់​ដែនជម្រកសត្វព្រៃ​ភ្នំ​ព្រេច ខ្លាំង​ជាង​ក្រុមហ៊ុន​ម៉ា​ស្ទ័​រ​ខេ​សាន់ របស់​មេ​ឈ្មួញ សឹង សំអុល ទៅទៀត​។​សកម្មជន​បរិស្ថានរ​ក​ឃើញ​ឈើ​រាប់ពាន់​កំណាត់ ឋិត​ក្នុង​បរិវេណ​ដី​ក្រុម​ហ៊ុម លឹម រ៉ូយ៉ាល់ ត្រូវបាន​ដាក់ពង្រាយ​ជាច្រើន​ទីតាំង​ផ្សេងគ្នា និង​មាន​កម្មករ​ជាច្រើន​ក្រុម រួមទាំង​ជនជាតិ​ចិន​ផង កំពុង​អារច្រៀក​ឈើ​ក្នុង​ទីតាំង​ក្រុមហ៊ុន​នោះ​។​

សកម្មជន​បរិស្ថាន​ដែល​ចុះ​អង្កេត​រឿងនេះ លោក ហេង ស្រស់ ជំ​រុញឱ្យ​គណៈកម្មការ​ជាតិ ស៊ើបអង្កេត​ពី​ភាពមិនប្រក្រតី​នៃ​អាជីវកម្ម​ឈើ​របស់​ក្រុមហ៊ុន​នេះ​ឱ្យ​គ្រប់​ជ្រុងជ្រោយ និង​ត្រូវ​បង្ហាញ​ភស្តុតាង ដោយ​ភ្ជាប់​របាយការណ៍​លម្អិត​ដល់​សាធារណជន​។ លោក​ថា ក្រុមហ៊ុន លឹម រ៉ូយ៉ាល់ ជា​របស់ ឧកញ៉ា លឹម ប៊ុណ្ណា មាន​ជាប់​ពាក់ព័ន្ធ​នឹង​អាជីវកម្ម​ឈើ​ទ្រង់ទ្រាយ​ធំ ដែល​គេ​កាប់​ចេញពី​ដែនជម្រកសត្វព្រៃ​ភ្នំ​ព្រិច ដោយ​ខុសច្បាប់​ជា​យូរ​មកហើយ​។​

លោក​ឆ្ងល់​ថា ហេតុអ្វី​បានជា​គណៈកម្មការ​ជាតិ មិន​ហ៊ាន​អនុវត្ត​ច្បាប់​លើ​ក្រុមហ៊ុន​នេះ ខណៈដែល​ពួកគេ​រកឃើញថា មាន​ជនជាតិ​ចិន​ជាច្រើន​នាក់​បានរួម​ចំណែក​ធ្វើ​អាជីវកម្ម​ឈើ​ក្នុង​ក្រុមហ៊ុន​នេះដែរ​។​ម្យ៉ាងទៀត​មេ​ឈ្មួញ លីម ប៊ុណ្ណា ហៅ​ខ្នា មានឈ្មោះ​មិ​ល្អ ដូច​មេ​ឈ្មួញ សឹង សំអុល ផងដែរ​ដូច្នេះ​គណៈកម្មការ​ជាតិ​ដើម្បី​បង្ក្រាប​និង​ទប់ស្កាត់​បទល្មើស​ធនធាន​ធម្មជាតិ មិនគួរ​ទុក​ឲ្យ​មេ​ឈ្មួញ លីម ប៊ុណ្ណា ហៅ​ខ្នា គេច​ផុតពី​សំណាញ់​ច្បាប់​ឡើយ​?​។​

​មាន​ពត៍​មាន​ថា ក្រោយពេល​សមត្ថកិច្ច​​រកឃើញ​ឈើរា​ប់​គំនរ​ក្នុង​ទីតាំង​ក្រុមហ៊ុន​លឹម​រ៉ូយ៉ាល់ រួចមក​ឥឡូវនេះ​អ្នកធំ​ដែលជា​ខ្នងបង្អែក​របស់​មេ​ឈ្មួញ លីម ប៊ុណ្ណា ហៅ​ខ្នា កំពុង​គេចខ្លួន​ចេញ​ក្រៅប្រទេស​យ៉ាង​ស្លន់ស្លោ​។ ទន្ទឹមនឹងនេះ​មេ​ឈ្មួញ លីម ប៊ុណ្ណា ហៅ​ខ្នា បាន​ប្រើប្រាស់​បណ្ដាញ​ព័ត៌មាន​មួយចំនួន​ដើម្បី​ជួយ​ផ្សព្វផ្សាយ​បិទបាំង​រឿងអាស្រូវ​របស់​ក្រុមហ៊ុន​លឹម​រ៉ូយ៉ាល់ ដែល​ជាប់​ពាក់ព័ន្ធ​បទល្មើស​បំផ្លាញ​ព្រៃឈើ​ទៀតផង​។​

មន្ត្រី​អង្គការក្រៅរដ្ឋាភិបាល​និង​សកម្មជន​ព្រៃឈើ​ក្នុង​ខេត្តមណ្ឌលគិរី ព្រមទាំង​ប្រជាពលរដ្ឋ​ទូទៅ​អំពាវនាវ​ឲ្យ​ថ្នាក់ដឹកនាំ​គណៈកម្មការ​ជាតិ​ដើម្បី​ទប់ស្កាត់​និង​បង្ក្រាប​បទល្មើស​ធនធាន​ធម្មជាតិ ចាត់វិធានការ​តាមច្បាប់​ទៅលើ​មេ​ឈ្មួញ លីម ប៊ុណ្ណា ហៅ​ខ្នា និង​បក្ខពួក​តាមផ្លូវ​ច្បាប់​។​

​ក្រុមហ៊ុន​លឹម​រ៉ូយ៉ាល់​គ្រុប​មាន​លោក ហុង ទៀ​វៃ ហៅ (​ដា​នី​)​ជា អគ្គនាយក​និង​មាន​ឧកញ៉ា​លឹម​ប៊ុណ្ណា​ជា​មេ​បាន​រង​នូវ​ការចោទប្រកាន់ថា​បាន​ប្រើ​គ្រប់​រូបភាព​បំផ្លាញ​ព្រៃឈើ​យ៉ាង រង្គាល​នៅក្នុង​តំបន់​អភិរក្ស​ភ្នំ​ព្រិច ស្ថិតក្នុង ស្រុក​កោះ​ញែក និង​ស្រុក​កែវ​សីមា ខេត្ត​មណ្ឌល​គី​រី​។

សូម​បញ្ជាក់ដែរថា កាលពី​ថ្ងៃទី​០៩ ខែកុម្ភៈ ឆ្នាំ​២០១៧​ក្រសួងកសិកម្ម​រុក្ខា​ប្រ​ម៉ាញ់​នឹង​នេសាទ​បានចេញ​លិខិត​អនុញាតិ​លេខ​១២៦​ប្រក​.​កសក​ផ្តល់​សិទ្ធិ​ឲ្យ​ក្រុមហ៊ុន​លឹម​រ៉ូយ៉ាល់​ដើម្បី​បើក​ទីតាំង​អារឈើ និង​ផលិត​គ្រឿង​សង្ហារ​រឹម នៅ​ស្រុក​ស្នួល ខេត្តក្រចេះ​។​

អា​ឡូ​វ​អ្វី​ដែលជា​ការហួសចិត្ត​នៅត្រង់ថា​អ្នកនាំពាក្យ​គណៈកម្មការ​ជាតិ ដើម្បី​ទប់ស្កាត់ និង​បង្ក្រាប​បទល្មើស​ធនធាន​ធម្មជាតិ​ដែលមាន​នាយ​ឧ​ត្ត​ម​សេនីយ៍​សៅ​សុខា​ជា​មេ​និយាយ​បង្ការ​មុន​ថា​ក្រុម​លឹម​រ៉ូយ៉ាល់​អត់​មាន​ពាក់​ព​ន្ធ័​បទ​ល្ម​សើ​ព្រៃឈើ​ទៅហើយ​គិត​ល្ម៉េ​ច​វិញ​ចុះ​?៕a car lim royal3 a car lim royal2 a car lim royal vn1 a car sing court