វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2104 នាក់
ម្សិលមិញ 6677 នាក់
សរុប 14149680 នាក់
បន្ទាយមានជ័យ៖ អនុគណសង្ឃក្រុងប៉ោយប៉ែត និងជាគ្រូចៅអធិការវត្តស្ទឹងបត់ ប្រកាសធ្វើពិធីលាចាកសិខាបទបន្ទាប់ពិរងការប្តឹងពីនារីវ័យក្មេងម្នាក់ថារំលោភ។នារីរងគ្រោះម្នាក់អាយុ២២ឆ្នាំ( សុំមិនបញ្ចេញឈ្មោះ) មានទីលំនៅស្រុកអូរជ្រៅ ខេត្តបន្ទាយមានជ័យ បានដាក់ពាក្យបណ្តឹងទៅអង្គការ និងសមត្ថកិច្ចជួយរកយុត្តិធម៌ឲ្យនាង ករណីយ៍បុគ្គលជាសង្ឃខាងលើ បានចាប់រំលោករូបនាងកាលពីជិតភ្លឺថ្ងៃទី៤ ខែមិថុនា ឆ្នាំ២០២៣ នៅផ្ទះសំណាក់មួយកន្លែង នៅខេត្តសៀមរាប?!។
នារីរងគ្រោះ បានរៀបរាប់ក្នុងបណ្តឹងថា មុនដែលឈានដល់ការចាប់រំលោភរូបនាង ក្នុងផ្ទះសំណាក់ គឺ រូបនាងជាមួយនឹងលោករួមជាមួយតៃកុងរថយន្តរបស់លោក កាលពីថ្ងៃទី៣ ខែមិថុនា ឆ្នាំ២០២៣ បានធ្វើដំណើរទៅកម្មវិធីបញ្ចុះសីមា នៅខេត្តព្រះវិហារ លុះមកវិញយប់ជ្រៅដល់ខេត្តសៀមរាប លោកចូលសឹងនៅផ្ទះសំណាក់សិន ដោយបន្ទប់ផ្សេងគ្នា តែបន្ទប់លោកនៅទល់មុខបន្ទប់នាង លុះដល់ម៉ោង៣ជិតភ្លឺចូលថ្ងៃទី៤ ស្រាប់តែលោកគ្រូខលហៅរូបនាង ចូលមកបន្ទប់លោកគ្រូបន្តិចមានការ នៅពេលដែលនាងទៅចូលទៅដល់ ស្រាប់តែលោកគ្រូចាប់នាងរុញដួលទៅលើគ្រែលោកសឹង រួចចាប់សង្កត់នាងចាប់ស្រាតខោ និងដោះអាវនាងរំលោកភបានសម្រេចមួយដង។ នៅពេលរំលោភរួចហើយ លោកបានគម្រាមនាងមិនឱ្យនិយាយប្រាប់អ្នកណាទេ សូម្បីតែពុកម្តាយនាង ហើយលោកថា នឹងទទួលខុសត្រូវលើរូបនាងគ្រប់យ៉ាង តែសូមឱ្យចាំលោករយៈពេលពីរឆ្នាំទៀតចាំលោកធ្វើសាលាឆាន់ និងខ្លោងទ្វាររួចលោកនឹងសឹកដណ្តឹងនាង។
បន្ទាប់ពីចាប់រំលោភរូបនាងមក លោកតែងលួងលោមនិងទំនាក់ទំនងមកនាងជាញឹកញាប់ បានប្រហែលពីរខែកន្លះ ក៏ដោះដៃលែងទំនាក់ទំនងមកនាង និងប្លុកហ្វេសបុករបស់នាងចោលអស់។ លុះពេលនាងទៅរកលោក ឬទាក់ទងគ្នាបានលោកគ្មាននិយាយអ្វីក្រៅពីសុំនាងរួមភេទបន្ថែមទៀត ហើយនៅពេលដែលស្ងាត់ពីមុខគេ លោកតែងបំពានលើរូបរាងកាយនាង។ក្រោយដាក់ពាក្យបណ្តឹង ទៅសមត្ថកិច្ចខេត្តបន្ទាយមានជ័យ ពីបទរំលោភសេពសន្ថវៈ សមត្ថកិច្ចមិនបានដោះស្រាយតាមផ្លូវច្បាប់ឱ្យរូបនាងឡើយ គឺ មានតែអ្នកសំឡុតបំភិតបំភ័យនាងថា ប្តឹងមិនឈ្នះលោកទេ ប្រយ័ត្នលោកប្តឹងវិញបើទៅតុលាការ ក៏មិនងាយព្រោះរឿងយូរហើយ មិនមានភស្តុតាងអ្វីឡើយ ឱ្យដកពាក្យបណ្តឹងយកលុយពីលោកទៅ។ ដោយសារតែខ្លួននៅក្មេង និងមានឪពុកម្តាយមានជីវិភាពក្រីក្រ គ្មានលទ្ធភាពតតាំង ឪពុកម្តាយរបស់នាងក៏ឱ្យនាងព្រមដកពាក្យបណ្តឹង កាលពីសប្តាហ៍ ដើមឆ្នាំ២០២៤ ទាំងនាងមិនចង់ គឺចង់ប្តឹងបន្តទៅតុលាការ។
ការដកពាក្យបណ្តឹងទាំងឈឺចាបនេះ គឺគេបង្ខំឱ្យនាងបញ្ចប់រឿងត្រឹមសំណង៣ពាន់ដុល្លារ និងពាក្យប្រមាថ!។ឯលោកត្រូវ ប្រកាសលាចាកសិក្ខាបទ ដូចមិនមានរឿងអ្វីសោះនៅថ្ងៃទី១៨-១៩ ខែមករា២០២៤ខាងមុខនេះ។ករណីយ៍នេះព្រះសមណញាណ ណាប់ ម៉ឺន ជាព្រះវិជយានុរ័ត្ន បាឡាតគណ:ខេត្តបន្ទាយមានជ័យ បានមានសង្ឃដីកាឲ្យកាសែតដឹងថា ខាងរដ្ឋប្បវេណី ឬព្រហ្មទណ្ឌ លោកមិនបានដោះស្រាយទេ តែចំពោះវិន័យសាសនា បានប្រជុំដោះស្រាយកាលពីពីរថ្ងៃមុន ដោយមានខាងលោក យឹម សំណាង អភិបាលរងខេត្ត ចូលរួមខាងមន្ទីរធម្មការចូលរួមដោះស្រាយ តាមបណ្តឹងដែលប្តឹងលោកអនុគណក្រុងប៉ោយប៉ែត ពីបទរំលោភសេពសន្ថវៈ តែដោយលោកទទួលស្គាល់តាមបណ្តឹង និងព្រមសឹក និងលោកបានដោះស្រាយផ្នែករដ្ឋប្បវេណី ដល់អ្នកប្តឹង គឺ មិនមានទោសវិន័យអ្វីផ្សេងទៀតឡើយ។ តែបើសាម៉ីខ្លួនមិនព្រទទួលកំហុស នៅថ្ងៃទី២៤ ខាងមុខ នឹងហៅសាម៉ីខ្លួនទាំងសងខាង ប្រជុំដោះស្រាយបន្ថែមទៀត។