វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4154 នាក់
ម្សិលមិញ 5378 នាក់
សរុប 14083447 នាក់
កំពង់ឆ្នាំង៖ឧបករណ៍នេសាទល្មើសច្បាប់ កំពុងកើតឡើងយ៉ាកក្រើកផ្ទៃទឹកនៅក្នុងស្រុកជលគីរីមិនដឹងតើមកពីអាជ្ញាធរស្រុកឬមន្ត្រីជលផលបើកដៃនោះទេ?។ ជាក់ស្តែងរបាំងស្បៃមុងរីកដូចផ្សិតជាច្រើនកន្លែង នៅតាមដងទន្លេ ក្នុងភូមិសាស្ត្រស្រុកជលគិរី ដែលជាច្រកចរាចរណ៍ចេញចូលរបស់ហ្វូងមច្ឆជាតិ រីឯឧបករណ៍ទំនើបដាក់ដាយបិទព្រែកបិទស្ទឹងបិទអូរ ។
ប៉ុន្តែក្រុមមន្ត្រីខិលខូចមួយចំនួនលួចឃុបឃិតនិងមេឈ្មួញនេសាទល្មើសច្បាប់ទាំងនោះបំផ្លាញហ្វូងមច្ឆជាតិទាំងអស់នោះទេគឺពួកគេបានដាក់ដាយបិទព្រែកបិទស្ទឹងបិទអូរទាំងរដូវទឹកឡើងនិងរដូវទឹកសម្រក។នៅរដូវទឹកឡើងដែលទឹកហូរចូលព្រែកស្ទឹងអូរហ្វូងមច្ឆជាតិបាននាំគ្នាឡើងតាមព្រែកស្ទឹងអូរទៅរកទីបឹងបួរត្រពាំងឬទីវាលទំនាបដើម្បីពងកូនក៏ត្រូវក្រុមល្មើសទាំងអស់នោះ។ពួកគេបានចាប់ផ្ដើមធ្វើធ្នួសដោយយករបាំងស្បៃមុងរាំងបិទផ្ជិតព្រែកទាំងអស់នោះ ធ្វើជាដាយស្ទាក់ចាប់មេត្រីគ្រប់ប្រភេទទាំងតូចទាំងធំ ដែលឡើងទៅរក កន្លែងពងកូន ដោយមិនលើកលែងឡើយ។
នៅរដូវទឹកសម្រក នៅពេលដែលទឹកត្រពាំងបឹងបួរ ចាប់ផ្ដើមស្រកត្រូវហូរចូលទន្លេតាមព្រែកវិញ ហ្វូងមច្ឆជាតិទាំងអស់ចាប់ផ្តើម ត្រឡប់មករកទឹក ជ្រៅក្នុងទន្លេវិញ ដើម្បីចិញ្ចឹមកូនចៅបន្តពូជពង្ស តែក៏ត្រូវបានក្រុមនេសាទល្មើសច្បាប់ទាំងនោះ ធ្វើរបាំងសាច់អួនក្រឡាល្អិតរាំងផ្ជិតព្រែក ដោយពួកគេបានប្រើឧបករណ៍ទំនើបៗដើម្បីស្ទាក់ចាប់ទាំងកូនទាំងមេត្រីយ៉ាងមហន្តរាយ។ បើតាមការបញ្ជាក់ពីប្រជានេសាទបានឲ្យដឹងថា ព្រែកដែលគេដាក់ដាយស្ទាក់ចាប់ទាំងកូនទាំងមេត្រីទាំងអស់មាន៥ព្រែក គឺព្រែក(ឆ្នុកអណ្ដែង)(ព្រែកយួន)(ព្រែកបាញ់លះ)(ព្រែកថ្មី)(ព្រែកជ្រៅ)នៅក្នុងឃុំកោះថ្កូវនិងឃុំកំពង់អុសស្រុកជល់គិរី ខេត្តកំពង់ឆ្នាំងហើយការដាក់ដាយ បិទព្រែកបិទស្ទឹងបិទអូររបៀបនេះ គឺមានទំហំបំផ្លាញមច្ឆជាតិ មានភាពធំធេងណាស់នឹងមានផលប៉ះពាល់ដល់ប្រយោជន៍និងជីវភាពរបស់ប្រជានេសាទរស់នៅតាមដងទន្លេផងដែរ។
បច្ចុប្បន្នពួកគាត់ដែលជាអ្នកនេសាទជាលក្ខណៈគ្រួសារ យកមងសន្ទូច ឬក៏ដាក់លបនិងព្រួលឬស្សីត្រឹមតែលក្ខណៈគ្រួសារនៅ តាមទន្លេ បឹងត្រពាំងខាងលើព្រែករបស់ពួកគេ ក៏ត្រូវបានពួកគេចូលទៅសារលបនិងព្រួលទាំងអស់នោះយកមកបោះចោលផងដែរ។គេមិនអនុញ្ញាតឱ្យប្រជាពលរដ្ឋ រកនេសាទត្រីនៅបឹងបួរ ដែលជាប្រភពត្រី ត្រៀមបណ្ដើរកូនវិលមកទន្លេវិញតាមព្រែក ដែលពួកគេបានដាក់របាំងស្បៃមុងលាតសន្ធឹងរង់ចាំពួកហ្វូងមច្ឆា នៅឯមាត់ទន្លេ រួចជាស្រេចនោះ។ជុំវិញករណី ខាងលើនេះ លោកងិនហ៊ុន ប្រធានមន្ទីរកសិកម្មរុក្ខាប្រម៉ាញ់និងនេសាទខេត្តកំពង់ឆ្នាំងបានប្រាប់អ្នកសារព័ត៌មានឲ្យដឹងថាការដាក់ដាយបិទព្រែកដូចខាងលើនេះមិនទាន់មានច្បាប់អនុញ្ញាតទេគឺពួកអស់ហ្នឹងលួចដាក់?៕