វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5108 នាក់
ម្សិលមិញ 10264 នាក់
សរុប 14144290 នាក់
តួគី៖ ប្រធានាធិបតីតួគីលោក រីស៊ីប ថាយយីប អឺដូហ្គែនដែលកំពុងកាន់អំណាច បានឈ្នះការបោះឆ្នោតភ្លូកទឹកភ្លូកដី កាលពីថ្ងៃអាទិត្យទី២៤មិថុនា ដែលអនុញ្ញាតឱ្យប្រធានាធិបតីដែលបំបាក់អ្នកធ្វើរដ្ឋប្រហារនាពេលកន្លងមករូបនេះក្តោបក្តាប់អំណាចមូលក្នុងដៃ ។ថ្លែងនៅព្រឹកថ្ងៃចន្ទទី២៥មិថុនានេះ ប្រធានកំពូលនៃគណៈកម្មការរៀបចំការបោះឆ្នោតលោក សាឌី ហ្គូវិន បាននិយាយថា សន្លឹកឆ្នោតរាប់បាន ៩៧,៧ ភាគរយ ហើយ
ប្រកាសថាលោកអឺដូហ្គែនគឺជាអ្នកឈ្នះ។ លោកអឺដូហ្គែនបាននិយាយនៅក្នុងសុន្ទរកថាតាមទូរទស្សន៍ពីអ៊ីស្តង់ប៊ុលថា “ប្រទេសជាតិទាំងមូលបានប្រគល់ភារកិច្ចឱ្យខ្ញុំធ្វើជាប្រធានាធិបតីនិងកាតព្វកិច្ចប្រតិបត្តិ”។
លោកហ្គូវិនបាននិយាយថា ដោយផ្អែកលើលទ្ធផលក្រៅផ្លូវការ គណបក្សចំនួន ៥ បានឆ្លងផុតកម្រិតសំឡេងបោះឆ្នោត ១០ ភាគរយ ដែលតម្រូវឱ្យគណបក្សនោះអាចចូលក្នុងសភាបាន។
ការបោះឆ្នោតប្រធានាធិបតីនិងសភាដែលបានប្រព្រឹត្តទៅជាងមួយឆ្នាំមុននេះបានបញ្ចប់សព្វគ្រប់នូវការផ្លាស់ប្តូររបស់តួកគីដែលជាសមាជិករបស់ណាតូពីប្រព័ន្ធរដ្ឋាភិបាលអាស្រ័យរដ្ឋសភាទៅជាប្រព័ន្ធរដ្ឋាភិបាលអាស្រ័យប្រធានាធិបតីនៅក្នុងដំណើរការមួយដែលបានចាប់ផ្តើមជាមួយនឹងការធ្វើប្រជាមតិ កាលពីឆ្នាំមុន។
ពួកអ្នកគាំទ្រ លោក អឺដូហ្គែន បានគ្រវីទង់ជាតិតួកគីនៅខាងក្រៅនៅដ្ឋានផ្លូវការរបស់ប្រធានាធិបតីនៅទីក្រុងអ៊ីស្តង់ប៊ុលដោយស្រែកថា “នេះហើយជាប្រធានាធិបតី។ នេះហើយជាមេបញ្ជាការ”។
លោកអឺដូហ្គែនបានទទូចថា អំណាចបន្តរបស់ប្រធានាធិបតីតួកគីនេះនឹងនាំមកនូវភាពរុងរឿង និង ស្ថិរភាពដល់ប្រទេសជាតិ ជាពិសេសបន្ទាប់ពីរដ្ឋប្រហារបរាជ័យឆ្នាំ ២០១៦។ មនុស្ស ៥០.០០០ នាក់ត្រូវបានចាប់ខ្លួន និង មន្ត្រីស៊ីវិល ១០០.០០០ នាក់ត្រូវបានបណ្តេញចេញពីការងារក្រោមច្បាប់ស្តីពីស្ថានភាពក្នុងគ្រាអាសន្ន ដែលសមាជិកសភាបក្សប្រឆាំងនិយាយថា លោកអឺដូហ្គែនប្រើប្រាស់វាដើម្បីខ្ទប់ដង្ហើមអ្នកប្រឆាំង៕