វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4563 នាក់
ម្សិលមិញ 4292 នាក់
សរុប 14114262 នាក់
ម៉ាឡេស៊ី៖លោក មហាធាម៉ូហាម៉ាត់ នាយករដ្ឋមន្ត្រីដែលមានវ័យចាស់រហូតដល់៩៣របស់ប្រទេសម៉ាឡេស៊ី បាន ប្រកាសអោយ គណៈរដ្ឋមន្ត្រីរបស់លោកជាមន្ត្រីសា្អតស្អំ កុំទទួលប្រាក់សំណូក និងកុំប្រព្រឹត្តអំពើពុករលួយ។ក្នុងកិច្ចប្រជុំគណៈរដ្ឋមន្ត្រីកាលពីថ្ងៃ អង្គារ ទី ១០កក្កដា២០១៨ ដែលផ្ដោតលើគំរោងអភិវឌ្ឍន៍មួយចំនួនពាក់ព័ន្ធនឹងក្រុមហ៊ុនចិនលោកមហាធាក្នុងនាមជានាយករដ្ឋមន្ត្រីបានដាក់ចេញគោល
នយោបាយមួយអោយសមាជិកគណៈរដ្ឋមន្ត្រីរបស់លោកគោរព និងអនុវត្តអោយបានម៉ឺងម៉ាត់ គឺ ត្រូវជាមន្ត្រីស្អាតស្អំដោយមិនទទួលប្រាក់សំណូកឬ មិនសូកប៉ាន់គេឡើយ។ ក្នុងកិច្ចប្រជុំដែលចំថ្ងៃខួបកំណើតចូលវ័យ ៩៣ឆ្នាំ លោកមហាធាថា ទោះជាអំណោយជាស្បៀង ឬបាច់ផ្កាក៏ដោយ គឺសុទ្ធតែជាការ ទាញអារម្មណ៍ទៅរកការប្រព្រឹត្តអ្វីមួយ មិនសមរម្យ ។ លោកសុំអោយមន្ត្រីរបស់លោកទទួលយកគោលការណ៍ទៅអនុវត្តអោយមានប្រសិទ្ធភាព។
សារព័ត៌មាន The Straits Times បានដកសម្តីមហាធាមកបញ្ជាក់បន្ថែមដូចនេះថា៖«យើងមានលទ្ធភាពធ្វើអ្វីៗបានគ្រប់យ៉ាង ។ តែយើងកុំភ្លេច គឺយើងនៅក្រោមច្បាប់។ច្បាប់ជាអ្នកត្រួសត្រាយផ្លូវអោយយើងដើរ ។យើងត្រូវមើលរំលងអំពើពុករលួយ ទើ់បយើ់ងបោសសអំអាត វាបានពីប្រទេសយើង»។លោកថា ខ្លួនលោកនិងគ្រួសារលោកត្រូវធ្វើគំរូមុនគេ ហើយសមាជិកសភាក៏ត្រូវប្រកាសទ្រព្យសម្បត្តិដែរ។លោកបន្តថាអំពើពុករលួយជាដើមហេតុនៃអំពើអយុត្តិធម៌សង្គមដែលមិនត្រូវរស់ដោយសាររឿងនេះទេ។ លោកទទូចថា រដ្ឋាភិបាល Pakatan Harapan ជារដ្ឋាភិបាលស្អាតស្អំ។ លោកនាយករដ្ឋមន្ត្រីម៉ាឡេស៊ីវ័យចាស់បញ្ជាក់ថា បើមន្ត្រីស្អាតស្អំ ពលរដ្ឋក៏ស្អាតស្អំដែរ។
សូមបញ្ជាក់ថា៖នៅអំឡុងពេលឃោសនាបោះឆ្នោតសភា កាលពីថ្ងៃទី ៩ឧសភា បណ្ឌិតមហាធាមហាម៉ាត អ្នកនយោបាយជើងចាស់ ម៉ាឡេស៊ីដែលធ្លាប់កាន់តំណែងនាយករដ្ឋមន្ត្រី ២២ឆ្នាំ បានសន្យានៅចំពោះមុខអ្នកគាំទ្រលោកថា បើលោកឈ្នះនាយករដ្ឋមន្ត្រីណាជីពរ៉ាហ្សាក់ គឺលោកនឹងសុំដីការពីរដ្ឋអាជ្ញាដើម្បីចាប់ខ្លួនណាជីព មកធ្វើការជំនុំជម្រះក្ដី ក្នុងសំណុំរឿងពុករលួយនូវមូលនិធិ ៦៨១លានដុល្លារពាក់ព័ន្ធការលួចលុយជាតិ។ភ្លាមៗបន្ទាប់ពីចូលកាន់តំណែងបានមិនដល់មួយសប្ដាហ៍ បណ្ដឹងប្ដឹងអតីតនាយករដ្ឋមន្ត្រីណាជីពបានធ្លាក់ដល់ការិយាល័យរដ្ឋអាជ្ញា ហើយក៏បានឈានដល់ការកោះហៅ និងចាប់ខ្លួនលោកណាជីពឡើងតុលាការ ហើយឃុំខ្លួនលោកមកដល់ពេលនេះ។
លោកមហាធាបាននិយាយថា លោកណាជីព គឺជាមេដឹកនាំអាក្រក់ជាងគេ បើធៀបនឹងមេដឹកនាំជាច្រើនជំនាន់មកនេះ។បើតាមច្បាប់របស់ប្រទេសម៉ាឡេស៊ីលោកណាជីពនឹងមានទោសយ៉ាងតិច ២០ឆ្នាំ។
ក្នុងសំណុំរឿងនេះរដ្ឋមន្ត្រីរបស់លោកណាជីពយ៉ាងតិច ៣រូប រួមទាំងភរិយានិង កូនប្រសារបស់លោកក៏ស្ថិតក្នុងការស៊ើបអង្កេតដែរ។ លោក មហាធា មហាម៉ាត គឺជាមេដឹកនាំមានវ័យចាស់ជាងគេបំផុត នៅលើពិភពលោកដែលកាលពីថ្ងៃ អង្គារ ទី១០ កក្កដា ម្សិលមិញនេះ ។ ក្នុងពិធីខួបកំណើតដែលមិនមានអ្នកផ្ដល់ជំនួយ ឬ ជូនជំនួន លោកបានថ្លែងទៅកាន់អ្នកសារព័ត៌មានថាអ្នកសារព័ត៌មាន គឺជាស្ថាប័នមានអំណាចមួយដែរ ក្នុងការជួយកាត់បន្ថយអំពើពុករលួយ៕