វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1575 នាក់
ម្សិលមិញ 5020 នាក់
សរុប 14117022 នាក់
ប្រទេសជប៉ុន៖ អតីតរដ្ឋមន្ត្រីក្រសួងមហាផ្ទៃ និងទំនាក់ទំនងជប៉ុន លោកស្រី សាណែតាកាអ៊ីជិ (Sanae Takaichi) វ័យ ៦០ឆ្នាំ បានប្រកាសជាផ្លូវការពីការសម្រេចចិត្ត ក្នុងការចូលរួមឈរឈ្មោះសម្រាប់តំណែង ជាប្រធានគណបក្សប្រជាធិបតេយ្យសេរី (LDP) ដែលកំពុងកាន់អំណាចនៅជប៉ុនដែលនឹងអាចក្លាយជានាយករដ្ឋមន្ត្រីស្ត្រីដំបូងគេបំផុតរបស់ជប៉ុន។
ទីភ្នាក់ងារព័ត៌មានចិនស៊ីនហួរ នៅថ្ងៃពុធ ទី០៨ ខែកញ្ញា ឆ្នាំ២០២១បានឲ្យដឹងថា៖ការសម្រេចដោយលោកស្រី Sanae Takaichi នៅពេលនេះ លោកស្រីបានទទួលការជំរុញពី អតីតនាយករដ្ឋមន្ត្រីជប៉ុន លោក ស៊ីនហ្សូអាបេ ហើយមានគោលនយោបាយប្រឆាំងនឹងការ គំរាមកំហែងផ្នែកបច្ចេកវិទ្យារបស់ចិន និងស្ដារសេដ្ឋកិច្ចជាតិឱ្យងើបឡើងវិញវិបត្តិ COVID-19។
គួរបញ្ជាក់ថា គណបក្សកាន់អំណាចរបស់ជប៉ុន គឺគណបក្សសេរីប្រជាធិបតេយ្យ (LDP) គ្រោងនឹងរៀបចំការបោះឆ្នោត ជ្រើសរើសមេដឹកនាំគណបក្សរបស់ខ្លួន នៅថ្ងៃទី២៩ ខែកញ្ញាខាងមុខនេះ បន្ទាប់ពីនាយកដ្ឋមន្ត្រីជប៉ុន លោក ស៊ូហ្គា យ៉ូស៊ីហ៊ីដេ (Suga Yoshihide) សម្រេចចិត្តលាលែងចេញពីតំណែងកាលពីថ្ងៃសុក្រសប្ដាហ៍មុនបន្ទាប់ពីកាន់អំណាចបាន១ឆ្នាំ។
អ្នកដែលឈ្នះនៅ ក្នុងការបោះឆ្នោតជ្រើសរើសមេបក្សនេះនឹងក្លាយជានាយករដ្ឋមន្ត្រីថ្មីរបស់ជប៉ុន។មាន បេក្ខជនពីររូបបានប្រកាសជាផ្លូវការ អំពីការចូលរួមឈរឈ្មោះ ដើម្បីចាប់យកតំណែងជាប្រធានគណបក្ស LDP ៖ទី ១ គឺអតីតរដ្ឋមន្ត្រីការបរទេសជប៉ុន លោក ហ្វ៊ូមីអុ គីហ្ស៊ីដា (Fumio Kishida) និងទី ២ គឺលោកស្រី Sanae Takaichi។ ដោយឡែក រដ្ឋមន្ត្រីទទួលបន្ទុកកិច្ចការចាក់វ៉ាក់សាំង COVID-19 លោក តារ៉ូ កូណុ (Taro Kono) ត្រូវបានគេរំពឹងថា នឹងប្រកាសអំពីការសម្រេចចិត្តរបស់លោក នៅចុងសប្តាហ៍នេះ៕