ប្រធានាធិបតីត្រាំនិងមេដឹកនាំកូរ៉េខាងជើងគិមជុងអ៊ុនបង្កើតប្រវត្តិសាស្ត្រជួបចរចារនៅព្រំដែនតំបន់គ្មានកងទព័!
15-March-2026 / ព័ត៌មានអន្តរជាតិ
កូរ៉េ៖ប្រធានាធិបតីអាម៉េរិកលោកដូណាល់ ត្រាំ បានឆ្លងចូលទៅខាងកូរ៉េខាងជើងមួយភ្លែតកាលពីថ្ងៃអាទិត្យទី៣០មិថុនា បន្ទាប់ពីចាប់រលាក់ដៃមេដឹកនាំកូរ៉េខាងជើង គីម ជុងអ៊ុននៅភូមិជាប់ព្រំដែន ប៉ានមុនជុម។ ជំនួបរយៈពេលខ្លីតែជាប្រវត្តិសាស្ត្រនេះ បានកើតឡើងនៅក្នុងជម្រុំនៃតំបន់គ្មានកងទ័ពដែលខ័ណ្ឌចែកកូរ៉េទាំងពីរកាលពីថ្ងៃ៣០មិថុនាធ្វើឲ្យលោកត្រាំក្លាយជាប្រធានាធិបតីអាម៉េរិកលើកទី១ដែលឈានជើងជាន់ដីកូរ៉េខាងជើង។
ឈរនៅទាំងសងខាងនៃខ្សែបន្ទាត់ព្រំដែនយោធា(MDL) ដែលសំគាល់ដោយដុំថ្មបេតុងទាបមួយជួរ លោកត្រាំនិងលោកគីមបានស្វាគមន៍គ្នានិងបានធ្វើការចាប់ដៃគ្នាជាប្រវត្តិសាស្ត្រ។បន្ទាប់មកលោកត្រាំបានដើរឆ្លងខ្សែបន្ទាត់MDLចូលទៅខាងកូរ៉េខាងជើងនៃភូមិប៉ានមុនជុម។មេដឹកនាំទាំងពីរបានចាប់ដៃគ្នាជាថ្មី និងបានថតរូបមុនឆ្លងខ្សែបន្ទាត់ជាថ្មីមកខាងកូរ៉េខាងត្បូង។លោកប្រធានាធិបតីត្រាំនិយាយថា «ការឈានជើងកាត់ខ្សែបន្ទាត់ព្រំដែននេះជាកិត្តិយសខ្លាំងណាស់ ជាការធ្វើអោយមានការរីកចំរើននិងមិត្តភាពខ្លាំងណាស់ ហើយនេះជាមហាមិត្តភាពមួយ»។
តាមរយៈអ្នកបកប្រែ លោកគីមជុងអ៊ុននិយាយថា« លោកមានសេចក្តីក្លាហានិងការតាំងចិត្តណាស់មួយ»។លោកគីម បាននិយាយថា វាជាកិត្តិយសណាស់ បើលោកត្រាំទៅទស្សនកិច្ចទីក្រុងព្យុងយ៉ាង ។លោកត្រាំ ក៏ស្វាគមន៍ទំនាក់ទំនងជាមួយលោកគីម និងបានអញ្ជើញលោកអោយទៅធ្វើទស្សនកិច្ចសេតវិមាន។ ថ្លែងទៅកាន់សារព័ត៌មានក្រោយជំនួប លោកត្រាំបាននិយាយថា «យើងនឹងមានក្រុមការងារដែលនឹងជួបប្រជុំនៅប៉ុន្មានសប្តាហ៍ខាងមុខ ហើយយើងនឹងចាប់ផ្តើមដំណើរការមួយ យើងនឹងឃើញអ្វីនឹងកើតឡើង»។
ដោយពណ៌នាសំណើរបស់ត្រាំសំរាប់ជំនួបនៅថ្ងៃអាទិត្យនេះ ថាមានប្រកបដោយប្រឌិតញ្ញាណនិងក្លាហាន ប្រធានាធិបតីមូនរបស់កូរ៉េខាងត្បូង បានប្រាប់សារព័ត៌មានថា«ឆ្លងកាត់ជំនួបនាថ្ងៃនេះ យើងកំពុងស្ថិតក្នុងដំណើរការដើម្បីសំរេចបានការរំសាយនុយគ្លេអ៊ែរនិងសន្តិភាពជាអចិន្ត្រៃយ៍។ខ្ញុំជឿថាយើងអាចជម្នះឧបសគ្គធំមួយហើយនេះតំណាងអោយក្តីសង្ឃឹមធំមួយសំរាប់ប្រជាជនកូរ៉េនិងប្រជាជនទូទាំងពិភពលោក។ខ្ញុំជឿថាវាជាការរីកចំរើនសំខាន់មួយ ដែលអាម៉េរិកនិងកូរ៉េខាងជើងបានព្រមព្រៀងបង្កើតក្រុមការងារនិងធ្វើការចរចាថ្នាក់ការងារនៅអនាគតដ៏ខ្លីខាងមុខ..»។
មុនននេះក្នុងថ្ងៃអាទិត្យ លោកត្រាំបានទៅទស្សនាប៉ុស្តិ៍សង្កេតការណ៍មួយនៅតំបន់គ្មានកងទ័ព ដែលអាចមើលឃើញកូរ៉េខាជើងច្បាស់មុនពេលលោកធ្វើដំណើរទៅកាន់ភូមិប៉ានមុនជុម។លោកគិមជុងអ៊ុនមេដឹកនាំកូរ៉ខាងជើងជំនាន់ក្រោយនិងលោកត្រាំគឺជាមេដឹកនាំអាមេរិកទី១ដែលបានជួបចរចារគ្នាជាប្រវត្តិសាស្ត្រលើកដំបូងកាលពីខែកុម្ភៈឆ្នាំ២១៨នៅប្រទេសសឹង្ហបុរី។
ប្រធានាធិបតីអាមេរិក លោក ដូណាល់ ត្រាំ បានឡើងយន្តហោះ Air Force One ចាកចេញពីប្រទេសកូរ៉េខាងត្បូងហើយ ក្រោយចំណាយពេលអស់ប៉ុន្មានថ្ងៃ នៅតំបន់អាស៊ីខាងកើត។ នេះបើតាមការដកស្រង់ការផ្សាយចេញពីសារព័ត៌មាន CNN នៅយប់ថ្ងៃអាទិត្យ ទី៣០ ខែមិថុនា ឆ្នាំ២០១៩។
គួរជម្រាបថា ការធ្វើដំណើរត្រឡប់ទៅវិញនេះ គឺយឺតជាងកាលកំណត់ប្រហែល៩០នាទី ខណៈពីដំបូងឡើយ លោក ត្រាំ ត្រូវទៅដល់រដ្ឋធានីវ៉ាស៊ីនតោននៅម៉ោង០៨៖១៥ទីយប់ថ្ងៃអាទិត្យនេះ (ល្វែងម៉ោងនៅតំបន់ភាគខាងកើតសហរដ្ឋអាមេរិក ត្រូវនឹងម៉ោង០៧៖១៥នាទីព្រឹកថ្ងៃចន្ទ នៅកម្ពុជា)។ មុនទៅកាន់មូលដ្ឋានទ័ពអាកាសអូសាន លោក ត្រាំ បានចំណាយពេលជួបពិភាក្សាជាមួយមេដឹកនាំកូរ៉េខាងជើង លោក គីម ជុងអ៊ុន ជិតមួយម៉ោង នៅភូមិយុទ្ធសន្តិភាពប៉ាន់មុនជុម( Panmumjom) នៃតំបន់ព្រំដែនអន្តរកូរ៉េគ្នាកងទព័( DMZ) ធ្វើឲ្យមានការភ្ញាក់ផ្អើលមួយ ព្រោះត្រឹមតែប៉ុន្មានម៉ោងមុនជំនួបនេះប៉ុណ្ណោះ ទើបលោក ត្រាំ បង្ហើបឲ្យដឹងថា វានឹងកើតឡើង៕
