ពេលកម្ពុជាស្រូវចុះថោកប្រទេសសឹង្ងបុរីវៀរណាមចិនចុះកុងត្រាទិញអង្ករថៃ!

ពលរដ្ឋនៅស្រុកកញ្ជ្រៀច នាំគ្នាប្ដឹងលោក ស្រី វិចិត្រ ទៅACU ដោយអះអាងថា បានកំណត់យកលុយពីពួកខ្លួន ចាប់ពី៥ម៉ឺនទៅ២៥ម៉ឺនរៀលក្នុង១គ្រួសារ ជាថ្នូរនឹងចែកប័ណ្ណកម្មសិទ្ធិ(ប្លង់រឹង)!

ACU បង្ហាញលទ្ធផលស៊ើបអង្កេត និងស្ដាប់ចម្លើយរបស់លោក ស៊ាន បូរ៉ាត និងលោក ស ថាវី ពាក់ព័ន្ធជាមួយសំណុំរឿងអតីតឧកញ៉ា ឡេង ចាន់ណា ករណីឆបោកប្រាក់រាប់លានដុល្លារ

កីឡាការិនីក្បាច់គុនខៀវចិន្តារត្ន័សម្តែងការខកចិត្តបន្ទាប់ពីដណ្តើមបានមេដាយមាសនៅប្រទេសកូរ៉េ!

បែកធ្លាយករណីយ៍ឧត្តមសេនីយ៍អគ្គនាយករងអត្តសញ្ញាណកម្មស៊ីដាច់លុយ២លានដុល្លាររត់ការចូលសញ្ជាតិខ្មែរ

ជនជាតិដើមភាគតិចពូនង ស្នើសុំឱ្យក្រសួងពាក់ព័ន្ធជួយអភិរក្សព្រៃអារក្ស ព្រៃកប់សព ឱ្យនៅគង់វង្ស

ឈ្មួញជីកដីលក់នៅបណ្តោយផ្លូវជាតិលេខ៤ចន្លោះគីឡូម៉ែត្រលេខ ៩១ ទៅដល់ ៩៣ បង្កផលប៉ះពាល់ដល់បរិស្ថានសមត្តកិច្ចគុបគិត?

ជាច្រើនទៀត

ចំនួនអ្នកទស្សនា

ថ្ងៃនេះ 2409 នាក់

ម្សិលមិញ 3507 នាក់

សរុប 17846140 នាក់

តុលាការយុត្តិធម៌អន្តរជាតិបង្ខំឲ្យអាមេរិកដកទណ្ឌកម្មចេញពីប្រទេសអ៊ីរ៉ង់

27-October-2025 / ព័ត៌មានអន្តរជាតិ

ប្រទេសហូលឡង់៖តុលាការយុត្តិធម៌អន្តរជាតិ ដែលមានទីស្នាក់ការនៅទីក្រុងឡាអេប្រទេសហូឡង់កាលពីថ្ងៃទី៣តុលាឆ្នាំ២០១៨ បានចេញសេចក្តីសម្រេចមួយបញ្ជាឲ្យសហរដ្ឋអាមេរិកដកចេញវិញនូវទណ្ឌកម្ម ដែលដាក់លើអ៊ីរ៉ង់ ជុំវិញសំណុំរឿងនុយក្លេអ៊ែរ។ a court us

សេចក្តីសម្រេចរបស់តុលាការក្រុងឡាអេ បានធ្វើឡើងយោងតាមបណ្តឹងរបស់អ៊ីរ៉ង់ដែលតវ៉ាប្រឆាំងនឹងទណ្ឌកម្ម រដ្ឋការរបស់លោកដូណាលត្រាំសម្រេចដាក់លើអ៊ីរ៉ង់ ក្រោយពីបានដកខ្លួនចេញពីកិច្ចព្រមព្រៀងនុយក្លេអ៊ែជាឯតោរភាគីដែលបង្កនូវផលប៉ះពាល់យ៉ាងធ្ងន់ធ្ងរចំពោះសេដ្ឋកិច្ចអ៊ីរ៉ង់ ហើយក៏ជាការរំលោភបំពានទៅលើកិច្ចព្រមព្រៀងជាច្រើនផងដែរ។

ចៅក្រមតុលាការយុត្តិធម៌អន្តរជាតិ បានចេញសេចក្តីសម្រេច ដោយសំឡេងឯកចន្ឆន្ទ កំណត់ថា ទណ្ឌកម្មរបស់អាមេរិកទៅលើអ៊ីរ៉ង់ គឺពិតជារំលោភបំពានមែន ទៅលើសន្ធិសញ្ញាមិត្តភាពអ៊ីរ៉ង់-អាមេរិក ដែលចុះកាលពីឆ្នាំ១៩៥៥ ពោលគឺ តាំងពីមិនទាន់មានបដិវត្តន៍នៅអ៊ីរ៉ង់។

តុលាការបានកំណត់ថា សហរដ្ឋអាមេរិកត្រូវតែដកចេញវិញទាំងអស់ នូវរាល់ទណ្ឌកម្មទាំងឡាយណា ដែលដាក់ចាប់តាំងពីថ្ងៃទី៨ ខែឧសភា ឆ្នាំ២០១៨មក ហើយដែលបង្កនូវផលប៉ះពាល់ទៅដល់ការនាំចេញនាំចូលមុខទំនិញមួយចំនួន រួមមានដូចជា ថ្នាំពេទ្យ បរិក្ខាពេទ្យ ចំណីអាហារ ផលិតផលកសិកម្ម ព្រមទាំងផលិតផលផ្សេងទៀត ដែលចាំបាច់នៅក្នុងការធានាសន្តិសុខខាងអាកាសចរណ៍ស៊ីវិល។

គួរបញ្ជាក់ថា សេចក្តីសម្រេចរបស់តុលាការយុត្តិធម៌អន្តរជាតិ គឺជាសេចក្តីសម្រេចស្ថាពរបិទផ្លូវតវ៉ា ហើយមានអានុភាពតាមផ្លូវច្បាប់បង្ខំឲ្យប្រទេសជាភាគីជម្លោះត្រូវតែអនុវត្តតាម។ ក៏ប៉ុន្តែ នៅក្នុងការអនុវត្តជាក់ស្តែង ប្រសិនបើប្រទេសណាមួយមិនអនុវត្តតាម ក៏តុលាការមិនមានកម្លាំងប៉ូលិស ដែលអាចទៅចាប់បង្ខំឲ្យអនុវត្តនោះដែរ។ម្យ៉ាងអាមេរិកក៏ប្រកាសមិនទទួលស្គាល់ដែរ។

គិតតាមផ្លូវនយោបាយ និងការទូត សេចក្តីសម្រេចរបស់តុលាការក្រុងឡាអេទោះជាមិនអាចអនុវត្តបានក៏ប៉ុន្តែ អាចនឹងធ្វើឲ្យលោកដូណាល់ត្រាំកាន់តែត្រូវឯកោខ្លាំងឡើងថែមទៀត នៅក្នុងសំណុំរឿងនុយក្លេអ៊ែរអ៊ីរ៉ង់ ក្នុងពេលដែលបណ្តាប្រទេសជាច្រើន ក្នុងនោះ រួមមានទាំងប្រទេសជាសម្ព័ន្ធមិត្តរបស់អាមេរិកផង និងស្ថាប័នអន្តរជាតិដ៏ល្បីល្បាញ ដូចជាទីភ្នាក់ងារថាមពលនុយក្លេអ៊ែរអន្តរជាតិផង សុទ្ធតែបានបង្ហាញនូវជំហរជំទាស់នឹងការដកខ្លួនរបស់អាមេរិកចេញពីកិច្ចព្រមព្រៀងនុយក្លេអ៊ែរអ៊ីរ៉ង់ ដែលចុះកាលពីឆ្នាំ២០១៥ ក្នុងអាណត្តិរបស់លោកអូបាម៉ា៕ a court us1